Po lońšim dobyću pokala na halowym koparskim turněrje fanoweho kluba Biskopičanskeho KT „Ći swěrni“ chcychu Worklečanscy koparscy přećeljo tež lětsa podobnje wuspěšnje wotrěznyć. Wědźachu pak tež, zo njebudźe to lochko.
Tomaš Henčl, zamołwity Budyskeho sportoweho zwjazka za integraciju, je wčera stafle za 36. sokołski volleyballowy turněr wo pokal Domowiny wulosował (SN wo tym rozprawjachu). To je nětko dospołna zestawa:
Skupina A
Bratrowstwo Róžant
Serbski gymnazij wučerjo
Škit Budyšin
Mustwo 1296
Skupina B
11./12. lětnik SGB
Smešarjo MLOCALA
SGB MIKS 10./11. lětnik
SJ Chrósćicy
Skupina C
Sokoł Budyšin
Jěcharki a jěcharjo Pančicy
Synojo Pančic
Skupina brodatych
Skupina D
Serbski dom Budyšin
Swobodny los
Handicap
Rapaki
Tabulka wolejbuloweje wobwodneje ligi – wuchodna Sakska
1. ST Kupoj-Nowa Łuka 11 33 :10 31
2. Viktoria Worklecy 10 22 : 16 18
3. TSV Kundraćicy 10 19 : 18 17
4. CVJM Zhorjelc 10 21 : 21 16
5. OSC Lubij 10 21 : 22 15
6. Módro-běli Wojerecy II 9 19 : 17 14
7. MSV Budyšin 04 II 10 13 : 27 6
8. ST Mittelherwigsdorf 10 10 : 27 3
Wotzjewjenja mustwa VfB Zhorjelc z wolejbuloweje wobwodneje ligi dla mějachu Worklečanscy hrajerjo minjenu sobotu problem ze sudniskim kolektiwom za domjacu hru přećiwo hosćom z Kundraćic. Na tym městnje wutrobny dźak Maxej Johnej wot MSV Budyšina a Ani Markec wot Sportoweho towarstwa Marijina hwězda. Wobaj staj partiju suwerenje nawjedowałoj.
W prěnjej wokrjesnej lize dyrbjachu blidotenisća Konječanskeho DJK pola SV Seeligstadta nastupić. Přez wupad Maćija Kokle, tuchwilu najlěpšeho swojeho mustwa, bě jasne, zo hra žane mědlizanje njebudźe. Na kóncu běštej wobě mustwje z wuslědkom 8:8 spokojom. Alojs Čóška a André Čórlich docpěštaj optimalne 2,5 dypkow. Dierk Šewc (1,5) a Pětr Bejma (1) móžeštaj tohorunja předswědčić. Jeničce Michał Elstner (0,5) a za Koklu hrajacy Julian Hrjehor (0) njemóžeštaj w hrach jednotliwcow dypkować.
W dalšej domjacej hrě porazychu delanscy blidotenisća SV Ullersdorf jasnje z 12:3. Partija so katastrofalnje započa, a woni wšitke tři dwójki přěhrachu. Tola w duelach jednotliwcow wotućichu ze zymskeho spara a wšitke dalše duele za sebje rozsudźichu.
Kónčna tabulka
1. ST Wóslink /Skaskow 12
2. DJK Sokoł Ralbicy / Hórki 9
3. Natwar Němske Pazlicy 6
4. Jednota Kamjenc 3
5. SJ Njebjelčicy 0
Sportowe towarstwo Wóslink/Skaskow bě na koparski turněr bambinijow do tamnišeje ćěłozwučowarnje přeprosyło. Nimo hosćićela připrajichu Natwar Němske Pazlicy, Jednota Kamjenc, SJ Njebjelčicy a Sokoł Ralbicy/Hórki.
Hrali su mustwa po modusu kóžde přećiwo kóždemu, a to stajnje dźesać mjeńšin. Byrnjež wjeselo na prěnim městnje stało, chcyše drje na kóncu kóždy na čole tabulki stać. Spěšnje so wopokaza, zo za to jenož domjacy abo Sokoljo do prašenja přińdu. Wobě mustwje tři hry dobychu, a poslednja partija rozsudźi, štó prěnje městno wobsadźi. Nažel dyrbjachu so Sokoljo kłonić a su hosćićelej 0:1 snadnje podleželi. Najebać to běše nalada dobra, a pola Sokołow móžeše so Robert Čornak pjeć razow do lisćiny třělcow zapisać.
Pola Njebjelčanow optimalnje njeběžeše. Woni wobsadźichu pjate městno. To pak njewadźi, wšako słuži tajki turněr tomu, swoje kmanosće dale wuwić a so w treningu dale stopnjować. Maik Brězan
FSV Budissa Budyšin – FC Energija Choćebuz 0:0
Zestawa domjacych: Ebersbach – Kunze, Patka, Hoßmang, Mack, Müller (68. Kloß), Pfanne, Heppner (74. Krawčik), Milde, Bönisch (81. Weiß), Schmidt
Zestawa hosći: Spahić – Starcew, Stein, Karbstein, Schlüter, Gehrmann, Weidlich, de Freitas, Viteritti (78. Graudenz), Scheidhauer (63. Broschinski), Mamba
1 345 ludźi bě njedźelu na koparski derby Hornja Łužica přećiwo Delnjej Łužicy přišło. Mjez nimi bě na Młynkec łuce něhdźe 400 přiwisnikow z Choćebuza.
Kopańca, regionalna liga muži
Babelsberg 03 – Chemija Lipsk 4 :0 (1:0)
Halberstadt – Altglienicke 2 :0 (0:0)
Meuselwitz – Neugersdorf 0 :0 (0:0)
BFC Dynamo – FC Viktoria 1 :1 (1:1)
Berlinski AK – Nordhausen 2 :2 (0:2)
Hertha BSC II – Luckenwalde 5 :1 (3:1)
Budissa Budyšin – Choćebuz 0 :0 (0:0)
1. Energija Choćebuz 20 49 : 5 54
2. BFC Dynamo 19 48 : 21 37
3. Nordhausen 19 23 : 12 31
4. Lok Lipsk 18 24 : 16 30
5. Fürstenwalde 19 33 : 30 29
6. FC Viktoria 19 34 : 28 28
7. Meuselwitz 20 27 : 22 28
8. Hertha BSC II 20 29 : 27 28
9. Berlinski AK 19 31 : 32 27
10. Babelsberg 03 19 25 : 21 26
11. Halberstadt 19 32 : 30 26
12. Budissa Budyšin 19 17 : 23 25
13. Neugersdorf 19 27 : 32 24
14. Altglienicke 20 16 : 23 22
15. Auerbach 18 21 : 28 18
16. Neustrelitz 18 18 : 37 13
17. Chemija Lipsk 20 8 : 37 13
18. Luckenwalde 19 15 : 53 5
wokrjesna wyša liga
ST Kinspork/Łužnica – Kulow 1 :0 (0:0)
1. SC Großröhrsdorf 15 29 : 5 37
2. Wojerowski FC 15 30 : 20 30
3. Módro-běli Kulow 15 38 : 14 28
4. Rakečanske ST 15 36 : 22 27
5. SG Großnaundorf 15 31 : 22 25
6. Motor Kumwałd 15 28 : 22 25
7. LSV Hory 15 37 : 34 22
8. ST Hnašecy-Dobruša 15 29 : 29 21
9. Drohotka Ramnow 15 30 : 31 21
10. Sokoł Ralbicy/Hórki 15 19 : 22 21
11. Zeleno-běli Bukecy 15 24 : 40 17
12. Póst Germ. Budyšin 15 25 : 27 15
13. ST Wjelećin 14 27 : 38 15
14. ST Radwor 15 30 : 36 14
15. ST Kinspork/Łužnica 16 23 : 42 13
16. ST Budyšin 15 14 : 46 7
wokrjesna liga, stafla I
Wjernarjecy – Budissa Budyšink 5 :2 (4:2)
čoło tabulki
1. TSV Połčnica 15 57 : 16 38
2. Traktor Malešecy 15 41 : 19 34
3. Concordia Załom 15 33 : 21 33
4. TSV Wachau 15 32 : 8 31
5. ST Porchow 15 31 : 14 31
6. TSV Wjernarjecy 15 39 : 28 26
We Wojerecach wotmě so regionalne volleyballowe finale starobneje skupiny I pod hesłom „Młodźina trenuje za olympiju“. Holcy Serbskeho gymnazija Budyšin (SGB) podležachu w finalu Schillerowemu gymnazijej Budyšin z 0:2 a zaručichu sej slěbro. Hólcy podležachu gymnaziastam z Radeberga 1:2 wo bronzu a wobsadźichu na kóncu 4. městno.
Dokelž so w kónčinje Niska/Běła Woda pola holcow žane wokrjesne wurisanje njewotměwa, smědźachu so volleyballistki SGB jako druhe Budyskeho regiona na wuchodosakskim finalu wobdźělić. Šansu hrajerki wokoło kapitanki Kiry Hrjehorjec z přeswědčiwym wukonom wužichu a zakónčichu regionalne wubědźowanje ze slěbrom. Wone prezentowachu so jara wurunane a běchu přećiwo Powołanskošulskimaj centrumomaj Lubij a Kamjenc technisce lěpše. Tak rozsudźichu prěnju partiju z 25:10 a 25:19 dosć jasnje za sebje, a přećiwo hrajerkam z Lessingoweho města běchu z 25:16 a 25:18 tohorunja wuspěšne.
SJ Chrósćicy – LSV Hory 1:1 (1:1)
Zestawa domjacych: Králíček – Cyž, Hrdlitschka, Dórnik, M. Zahrodnik, Sentivan, Runt, Věchet, Młynk, Henčl, L. Zahrodnik
Swoju prěnju testowu hru w zymskej přestawce mějachu koparjo Chróšćanskeje SJ w Kamjencu na kumštnym trawniku přećiwo cyłkej LSV Hory. Přećiwnik hraje we wokrjesnej wyšej lize. Přihladowarjo widźachu klasisku přihotowansku hru. Za Chróšćanow bě to prěni test, do toho běchu jenož dwójce trenowali. Tak bě cyle logiske, zo dyrbjachu so najprjedy raz do hry namakać. Hosćo z Horow běchu hižo relatiwnje derje zahraći, wšako běchu hižo tři tydźenje w treningu.
Prěnju šansu, wrota docpěć, pak mějachu Chróšćenjo w 10. min. Michał Młynk kopny po dołhej přihrawce bul nisko do centruma šěsnatki. Tam bě Radim Věchet swobodny a bul do saka prasny. Hosćo mějachu wosebje po standardach někotre składnosće. Wurunanje pak docpěchu po konteru. W natwarje zhubichu domjacy bul, Horjenjo so k wrotam předrěchu a z pasom Králíčeka w klětce wuhrachu. Tak steješe w 32. min. 1:1.