Móžne titulne rozsudy w Jaworje
Max Nagl móže so w Jaworje dočasnje pjaty raz z ADAC MX Masters-championom stać, lokalny matador Maximilian Spies nadźija so na načolne zaměstnjenje na wubědźowanskim kóncu tydźenja.
Předposlednje zarjadowanje ADAC MX Mastera, najwjetšeje motocrossoweje serije w Europje, přewjedźe so přichodny kónc tydźenja, 31. awgusta a 1. septembra, pola MC Jawory. Max Nagl (Němska/KMP-honda-acing powered by Krettek) móže so tam hižo w předposlednim zarjadowanju serije dočasnje k mištrej w načolnej klasy krónować. W ADAC MX Youngster Cupje chce sej Nico Greutmann (Šwicarcka/Cat Moto Bauerschmidt Husqvarna) zdobom hižo dočasnje titul zaručić. Načolnik tabulki ADAC MX Junior Cupa 125, Maximilian Ernecker (Awstriska/F4E Gasgas junior Racing), nadźija so po dwójnym wupadźe w minjenym wubědźowanju wuspěšnišeho wuslědka w Jaworje. W ADAC MX Junior Cupje 85 měri so w mišterstwowym boju wšitko na duel mjez načolnikom Ryanom Oppligerom (Šwicarska/Oppliger Racing Sàrl) a Lucasom Leokom (Estiska/team # 111).
Zahaja paralympiske hry w Parisu
W Parisu zahaja dźensa 17. wudaće lětnich paralympiskich hrow. Paralympisku smólnicu su 24. awgusta w britiskim Stoke Mandeville, hdźež měješe hibanje swoje spočatki, zapalili a na wotewrjensku swjatočnosć po Doverskim přeliwje do Parisa dowjezli. Tež paralympiske stawizny maja dołhi puć za sobu. Po tym zo bě němski neurologa Sir Ludwig Guttmann 1948 Stoke Mandeville Games za wójnskich nawrótnikow w jězdnym stole do žiwjenja zwołał, přewjedu so sportowe wubědźowanja za zbrašenych. Prěnje oficialne paralympiske hry, kaž je dźensa znajemy, přewjedźechu pak so hakle dwanaće lět pozdźišo, 1960 w Romje.
Hry 2024 w Parisu startuja dźensa wječor a zakónča so 8. septembra. Zahajenska swjatočnosć wotměje so prěni króć zwonka stadiona. Wona startuje na sławnym Pariskim bulwarje Champs-Élysées a skónči so na runje tak sławnym Place de la Concorde wosrjedź francoskeje stolicy.
Njetrjebawša poražka za Sokołow
Sokoł Ralbicy/Hórki –
ST Hnašecy/Dobruša 0:1 (0:0)
Zestawa domjacych: Schöne – Schultz, B. Heidorn, Wałda (61. Hicka), Šołta, Mjechela, L. Heidorn (54. Kř. Bejmak), Gloxyn, Korjenk, Woko (85. Šiman), Mikławšk
Na prěnju domjacu hru sezony 2024/2025 witachu Ralbičenjo mustwo z Hnašec/Dobruše.
Pančičenjo derby bjez napinanja za sebje rozsudźili
ST Marijina hwězda –
SJ Chrósćicy II 3:1 (2:1)
Zestawa domjacych: Wünsche – Wróbl, E. Bulank (58. Hoge), K. Pakoßnick, T. Jurš, Peschmann (61. Clausen), R. Cyž, Kurink (61. Ladewig), Eldor, Kreuz (70. F. Bulank, 78. Zynda) J. Pakoßnick
Zestawa hosći: M. Mark – M. Donat (25. F. J. Zahrodnik), T. Donat, Wornar, Handrik, Bjeńš, J. Donat, S. Donat (77. M. Zahrodnik), Budar (41. Wencel), K. Mark, Paška (85. Sćapan)
Hižo na druhim hrajnym dnju wokrjesneje ligi wočakowachu koparjo Marijineje hwězdy rezerwu z Chrósćic na serbski duel.
Na prěnim hrajnym dnju móžachu Njebjelčenjo na Horach pola ...
Wurunana hra w Rakecach
Rakečanske ST –
SJ Chrósćicy 1:1 (1:1)
Zestawa hosći: Škoda – Rätze (88. Mark), F. Cyž, Zynda, B. Cyž, Graf (55. Handrik), M. Zahrodnik (76. Wornar), Hawš, Matik, G. Zahrodnik (83. Donat), Bogusz (83. Młynk)
Na druhim hrajnym dnju dojědźechu sej Chróšćenjo do Rakec. Wobaj cyłkaj běštej zašłe lěta w krajnej klasy wo dypki wojowałoj a so tuž derje znajetej.
W Pětrowej cyrkwi pochowane
Vatikan (B/SN). Štyri wuznamne zemjanske žony Christina von Schweden (1626 –1689), Charlotte von Zypern (1444– 1487), Maria Clementina Stuart (1702– 1735) a Mathilde von Canossa (1046– 1115) njejsu drje swjate, ale historiske wosobiny, kotrež su w bazilice swj. Pětra w Romje pochowane. Hakle 1914 z pohrjebom bamža Piusa X. započa so tradicija, zo tam bamžow chowaja.
Zetkanje z gardistami
Köln (B/SN). Na kubłanskej jězbje slepych a małowidźacych do Vatikana chcychu wobdźělnicy wot gardistow ze Šwicarskeje wuznam najstaršeje armeje swěta wědźeć. Woni zhonichu, zo gardisća Swjateho wótca wodnjo a w nocy wobstražuja, rano jeho jako prěnjeho strowja a wječor k spanju so z nim rozžohnuja. Dokelž wobdźělnicy tak prawje abo scyła uniformu gardistow njewidźa, smědźachu ju tasać, rozprawja domradio.de.
Hłowne žórło je Koran
Energija sej w dohrě dobyće zaručiła
FC Energija Choćebuz –
Alemannia Aachen 2:1 (1:0)
Zestawa Energije Choćebuz: Bethke – Rorig, Kusić, Slamar, Bretschneider (76. Borgmann), Pelivan, Krauß, Ciğerci, Möker (60. Proničew), Halbauer (60. Copado), Thiele
slěd wrotow: 1:0 Rorig (19.), 1:1 Heinz (52.), 2:1 Borgmann (90.+8)
Po dwěmaj poražkomaj k zazběhej sezony bě za FC Energiju Choćebuz načasu, skónčnje z wuspěchom a třomi dypkami partiju třećeje ligi zakónčić. Přećiwo sobupostupnikej z Aachena poradźi so to hakle w poslednjej sekundźe.
Při tym započa so hra za Choćebužanow derje, dokelž Henry Rorig z 22 metrow zdalenosće bul do lěweho hornjeho kuta wrotow smokny a hóstnemu wrotarjej z tym žanu šansu njewostaji. Tola tajku prawu wěstotu wrota k nawjedowanju njespožčichu. Wot měrneho a rjadowaneho hrajneho natwara běchu domjacy šwarny čwak zdaleni. Tak njemějachu přewjele dobrych šansow na wrota. Wjacore razy přichwatachu hosćo do bliskosće wrotow FCE, hdźež pak steješe z Eliasom Bethku wulkotnje reagowacy akter mjez žerdźomaj. Njedźeržomna pak bě wulkotna třělwa Antona Hinca. A z tym dźěchu z wurunanjom do kabiny.
Wubědźowanje wohnjowych woborow pjatk wječor w Pěskecach je mustwo ...
Radworčenjo prěni połčas zaspali
ST Lubuš –
ST 1922 Radwor 2:1 (2:0)
Zestawa hosći: Matik – B. Grubert, Omran, M. Dźisławk M. Grubert, Wjacławk, Adam (89. J. Pěčak), Schöne (46. Henka), C. Dźisławk (79. Dej), Glücklich
Po pokalnym wuspěchu zašłeho tydźenja hraješe so nětko w dypkowej hrě přećiwo Lubušej. Tola prěni połčas Radworski team cyłkownje zaspa. Falowace wothłosowanja a mało zwólniwosće Radworskeho mustwa přećiwnikej hru wolóžachu.
W 6. min. nastachu po dołhim bulu w škiće Radworskich wulke dźěry a tak přećiwnik prěnje wrota trjechi. Tež w dwubojach běchu hrajerjo z Radworja zwjetša předaloko preč a dachu přećiwnikej chwile a rum. Tež z ofensiwu klacaše. Hosćom pobrachowachu jednorje ideje. W poslednich ćahach nadběhow běchu přechwatni a wrota njedocpěchu. Spytachu drje ze škita sem hru natwarjeć, ale njepřekročichu husto srjedźnu liniju. Tak trjechichu Lubušenjo w 36. min. 2:0. Po njedokładnje třělenym bulu zakitowarja njemóžeše jón Radworčan prawje přiwzać. Z tym sej napřećiwny hrajer bul zdoby a znowa dypkowaše.
