Pop, rock, soul a folk w putniskej hospodźe
Chrósćicy. Njezwučene zynki zaklinča sobotu, 14. januara, w 19.45 hodź. w Chróšćanskej putniskej hospodźe. Drježdźanska band Soulmama & friends tam koncertuje. Budźe to akustiske pućowanje skupiny z gitaru, huslemi a spěwom. We wjace hač 20 lětach jewišćowych wustupow je skupina zajimawe slědy zawostajiła. Nimo směrow bigband soul, modern gospel, pop a rock su poněčim tež american folk, blues a country k tomu přišli. Wopytowarjo dožiwja hudźbu k słuchanju, sobuspěwanju a rejwanju, raz wótřišo, raz mjelčišo ze znatymi a mjenje znatymi spěwami.
Tohorunja sobotu, ale hižo w 16 hodź. su dźěći do hospody přeprošene, hdyž chce jim ćeta Monika bajku „Tři złote jabłuka“ bać.
Po aktualnej wosebitej wustajeńcy Muzeja Budyšin „Z Budyskeho ...
Woblubowanu inscenaciju „Jakni mužojo“ předstaja Budyske ...
Dokal na a po hodownych swjatych dnjach?
Hosianna-spěwanje
Kamjenc. Po hudźbnym nyšporu z kurendu a chórom jutře w 17 hodź. w Kamjenskej hłownej cyrkwi su wobydlerjo we 18 hodź. na tradicionalne hosianna-spěwanje na torhošću města přeprošeni. Chórowi spěwarjo katolskeje a ewangelskeje wosady poćahnu z přewodom dujerjow wot bywšeje klóšterskeje cyrkwje swj. Hany k radnicy.
Biblioteka zawrjena
Kamjenc. Lessingowa biblioteka w Kamjencu wostanje wot 24. do 31. decembra zawrjena. Wužiwarjo pak změja přez cyły čas serwis Onleihe k dispoziciji. Wot 2. januara 2017 budźe knihownja zaso přistupna.
Wudźěleja dary zwěrjatam
Biskopicy. Biskopičanski zwěrjenc je jedyn z najrjeńšich, ale tež najmjeńšich Sakskeje. Rady so tam swójby zetkawaja. Dźěći ze swojimi staršimi su tuž patoržicu wot 10 hodź. do parka přeprošeni, zo bychu přihladowali, kak hladarjo zwěrjatam hodowne dary wudźěleja. W zetkawanskim centrumje čaka na pjerachow překwapjenka.
Hodowne kemše w NSLDź
Wosebita přehladka z dźewjeć modelemi architektury „Via Regia en ...
Při słodarni, při smolerni a na dworje Kamjenskeho Muzeja zapadneje ...
Wosebity programna adwentnym koncerće
Budyšin. Chór 1. serbskeje kulturneje brigady přeprošuje wšitkich lubowarjow hudźby na swój tradicionalny, tola wurjadny adwentny koncert jutře za tydźeń, 17. decembra, w 17 hodź. do Budyskeje Michałskeje cyrkwje.
W lěće 1996 přewza cyrkwinski hudźbny direktor Friedemann Böhme chór na Serbskim gymnaziju. Po 20 lětach nasta přeće, woblubowany adwentny koncert z wosebitym programom wuhotować. Tak zaklinči Čěska hodowna mša wuznamneho komponista Jakuba Jana Ryby (1765–1815), kotruž naši susodźa wosebje rady spěwaja. Byrnjež mša po liturgiskej formje natwarjena była, wotbłyšćuja swobodnje zbasnjene teksty a ludowa hudźba hłuboku zwjazanosć Ryby z ludom. Z chórom brigady zaspěwaja solisća-studenća Akademije muziskich wuměłstwow z Prahi Tereza Hořejšová, Petra Vondrová, Ahmad Hedar a Jan Líkař. Hudźi orchester Serbskeho ludoweho ansambla a na pišćelach hraje Gina Hentsch. Cyłkowny wuměłski nawod ma Friedemann Böhme. Zastup je darmotny, wo pjenježny dar so prosy.
