Choćebuz (SN). W meji pobychu redaktorojo delnjoserbskeho telewizijneho magacina Łužyca na 62. FUEN-kongresu pola madźarskeje narodneje mjeńšiny w Rumunskej. Što su tam filmowcy dožiwili, móža sej přihladowarjo jutře w 13.30 hodź. w telewiziji sćelaka RBB wobhladać. Nimo toho předstaja w magacinje 26lětneho přichodneho jurista Wylema Janhoefera, kiž je njedawno zastojnstwo zastupowaceho předsydy Domowiny přewzał. W pućowanskej rubrice wotkryja filmowcy serbske slědy w Nowej Niwje. Po pokiwach rozmysluje domownik Šybalik wo narodnych mjeńšinach a jich mocy.

15.6.2017–21.6.2017 Budyski filmowy palast: Wonder Woman w 3 D: wšědnje 14:15 (nimo štw a srj), 17:00 (nimo srj) a 20:00 | srj 16:30 | pj a so 22:50 Bob der Baumeister – Das Mega Team: wšědnje 14:14 (nimo štw a srj) a 16:00 (nimo srj) | srj 17:00 | nj 12:45 Transformers – The Last Knight w 3 D: srj 17:00 a 19:30 Die Mumie w 3 D: wšědnje 17:45 (nimo srj) a 20:15 (nimo srj) | pj a so 22:45 Baywatch: wšědnje 14:45 (nimo štw, pó a srj), 17:15 (nimo srj) a 19:45 (nimo srj) | pj a so 22:30 Pirates of the Caribbean – Salazars Rache: wšědnje 16:45 (nimo pó a wu), 19:45 (nimo pó) | wu 17:00 | pj a so 22:15 The Boss Baby: nj 12:30 | wu 13:15 Hanni & Nanni – Mehr als beste Freunde: nj 12:30 | pj a nj 14:30 Die Schlümpfe – Das verlorene Dorf: nj 12:30 | pó 15:00 Überflieger – Kleine Vögel, großes Geklapper: so 14:30 | wu 15:15

Kino-ekstra: Der Hundertjährige, der die Rechnung nicht bezahlte und verschwand: pó 14:30, 17:15 a 20:15

Wo mjezsobnosći

Čorny Chołmc. Dźěłowy kruh Serbja Budyskeho zwjazka SPD přeproša jutře, srjedu, w 19 hodź. na zjawne rozmołwne koło w Čornochołmčanskim Krabatowym młynje. Pod hesłom „Respektnje a solidarnje mjez susodami“ póńdźe wo němsko-serbske nazhonjenja, wo prašenja a wočakowanja do přichoda kaž tež wo mjezsobnosć ludźi rozdźělneho pochada, rěče a tradicijow. Mjez druhim wobdźěla so dr. Dieter Tempel, dr. Uta Strewe a dr. Měrćin Wałda. Zajimcy su wutrobnje witani.

Informaciski centrum wočinjeny

Budyšin. Powołansko-informaciski centrum Budyskeje agentury za dźěło na Nowosólskej změje sobotu, 17. junija, w času wot 8.30 do 12 hodź. wočinene. Wopytowarjo móža internetne dźěłowe městna při pytanju za wukubłanskimi, dźěłowymi abo dalekubłanskimi móžnosćemi wužiwać. W mjenowanym času budźe powołanski poradźowar na městnje. Za rozmołwy z nim so žadyn termin dojednać njetrjeba.

Kajki přichod změje město?

Wojerecy. Ze strukturnej změnu we Wojerecach zaběra so podijowa diskusija Herberta Wehneroweho kubłanskeho skutka za komunalnu politiku jutře, wutoru, we 18.30 hodź. we Wojerowskej bibliotece Brigitty Reimann na Bonhhoefferowej 6. Při tym póńdźe wo prašenje, kak wupada přichod města. Zajimcy móža sobu diskutować, kak móhli politika, towarstwa, hospodarstwo a tež ludźo strukturnu změnu wobliwować. Z hosćom budu statny sekretar w sakskim hospodarskim minis­terstwje Stefan Brangs, prof. Heike Jacobsen z Braniborskeje techniskeje uniwersity a jednaćel Hospodarskeje iniciatiwy Łužica (WiL) Klaus Aha.