Twórba Picassa w fokusu
Smochćicy. Stawizny swětosławneje mólby Pabla Picassa „Guernica“ steja w srjedźišću přednoška wuměłstwoweje stawiznarki Marianny Risch-Stolz, kotryž Smochčanske kubłanišćo swj. Bena jutře, 13. nowembra, w rjedźe „Smochćičanske jewišćo“ w 19.30 hodź. zarjaduje. Přizjewjenja su pod www.bildungsgut-schmochtitz.de móžne.
Njewšědne zynki w muzeju
Budyšin. Hamburgske duwo Farbton koncertuje jutře, sobotu, w 19.30 hodź. na žurli Budyskeho Serbskeho muzeja. Tam chcetaj hudźbnikaj Jelizawjeta Iljina a Sönke Schreiber publikum ze swojim aktualnym programom „Soundbeat – Wutroba a puls“, wopřijimacym mjez druhim sferiske zynki, filmowu hudźbu a minimal music, wobkuzłać. Nimo elektroniskich instrumentow hrajetaj tež na marimbafonje, wibrafonje a křidle. Zastup při wječornej kasy płaći 18 eurow resp. 15 eurow w potuńšenju.
Křesćan Krawc čita
