Sławny tenor wustupi

Budyšin. Wječorna serenada na žurli Serbskeho ludoweho ansambla lubi twórby sławnych komponistow. Serbska komorna filharmonija pod nawodom Kathariny Dickopf přeprošuje dźensa wječor, 6. februara, w 19.30 hodź. na koncert do žurle Serbskeho ludoweho ansambla. Jako hosća dožiwiće swětosławneho awstriskeho tenora Daniela Johannsena. Słyšiće twórby Korle Awgusta Kocora, Sergeja Rachmaninowa, Ulricha Pogody, Alexandera Porfirjewiča Borodina a Benjamina Brittena.

Dwójka čita

Kamjenc. „Regionalnje čitać“ – dwaj awtoraj – dwě stawiznje“ rěka hesło dźensa, pjatk, 6. februara, w 19 hodź. w Kamjenskej kniharni. Beate Baum z Drježdźan čita ze swojich krimijow wo žurnalistce Kirsten Bertram. Benjamin Knull, spisowaćel z Kamjenca, je znaty dla swojeje wěcneje knihi „GIER, MACHT, SCHAM?“ wo motiwach kriminelnych managerow. Wón čita ze swojeje najnowšeje knihi „Der kleine Isso vom Planeten Normal“. Wona zaběra so z pozdatnje normalnym poměrom dorosćenych z towaršnostnymi wužadanjemi. Kartka płaći 15 eurow.

Cyle wosobinsce