Z widom na Sprjewju

Budyšin. Z live-hudźbu so do kónca tydźenja podać je dźensa w hosćencu Spreeblick na Rybarskej hasy 6 w Budyšinje móžno. Wot 17.30 hodź. zahudźi tam Nikita z Ukrainy a poskićuje hudźbu, kotraž dawa připosłucharjej dobru naladu a wočerstwjenje. Zdobom je składnosć, sej něšto dobreho k jědźi a k piću popřeć.

Kuzło w hali

Budyšin. Kuzłarska show Mellow – Blow Your Mind! posrědkuje magiju a iluziju. Wšitcy, kotřiž chcedźa so zakuzłać dać, su njedźelu, 15. februara, w 17 hodź. do Budyskeje měšćanskeje hale „Króna“ witani. Zastup płaći 31,80 eurow. Magier Mellow je němski mišter kuzłarstwa. Wón dźěła z holografiskimi widejoefektami a interaktiwnymi iluzijemi a zapopaduje z teleskopom swěcu meteora.

Na hudźbu z kofejom

Budyšin. We wosadnym domje swj. Pětra Při měšćanskim nasypje 12 w Budyšinje zaklinči njedźelu, 15. februara, w 16 hodź. hudźba. Jongyun Jeung (wiola), Lutz Lehmann (róžk) a Soyoung Kim (klawěr) wěnuja so mj. dr. twórbam Josefa Gabriela Rheinbergera a Johannesa Brahmsa. Wopytowarjo móža sej to při šalce kofeja a słódnym tykancu lubić dać.

Židowstwo a Stefan Zweig