Pytaja talenty za film a hudźbu
Budyšin. Talenty z Budyskeho regiona změja jutře, sobotu, wot 12 do 17 hodź. w Budyskim Centeru na Žitnych wikach składnosć, so za mjezynarodne filmowe a hudźbne projekty předstajić. Na wotewrjenym castingu móže so kóždy zajimc bjez přizjewjenja wobdźělić. Předewšěm pytaja dźiwadźelnikow, spěwarjow a spěwytwórcow. Wobdźělnicy njeměli młódši hač 16 lět (činohra) resp. 14 lět (spěw, songwriting) być.
Z awtom po Kubšiskej gmejnje
Kubšicy. „Wjac hač jenož křiže – stawiznički wokoło starych kamjenjow a křižow“ je tema wot rěčneho motiwatora Luciana Kaulfürsta zarjadowaneje ekskursije, kotraž powjedźe zajimcow jutře, sobotu, z Jaseńcy pola Sokolcy mjez druhim přez Splósk a Jenkecy do Plusnikec. Zajimawostki podłu čary rozłoži Bosćij Čórlich, při čimž steja předewšěm křiže při pućach w srjedźišću. Wobdźělenje je ze swójskim awtom resp. ze sobujězbu móžne. Start je w 14 hodź. při silach w Jaseńcy, popłatk na wosobu wučinja 5 eurow.
Brězan, Budar a Koch na Hrodźe
