Wuslědki (01.03.22)
Kopańca, regionalna liga muži
SV Babelsberg – Optik Rathenow 1:1 (0:0)
SV Lichtenberg 47 – BFC Dynamo 1:0 (0:0)
Hertha BSC II – Luckenwalde 4:0 (2:0)
Kamjeničanski FC – Lipsk 1:0 (0:0)
ZFC Meuselwitz – VfB Auerbach 1:0 (1:0)
FCE Choćebuz – Berlinski AK 1:0 (1:0)
Eilenburg – Union Fürstenwalde 3:2 (1:1)
Lok Lipsk – VSG Altglienicke wupad
Germania Halberstadt
– Tennis Borussia Berlin 0:2 (0:1)
1. BFC Dynamo 26 62 : 21 58
2. Lok Lipsk 25 55 : 24 53
3. FC Energija Choćebuz 26 58 : 22 52
4. FC Carl Zeiss Jena 25 46 : 24 48
5. Kamjeničanski FC 26 42 : 23 48
6. Berlinski AK 26 40 : 31 48
7. SV Babelsberg 26 37 : 27 45
8. VSG Altglienicke 23 42 : 28 42
9. FSV 63 Luckenwalde 27 44 : 30 39
10. Tennis Borussia Berlin 25 38 : 31 38
11. BSG Chemija Lipsk 27 29 : 29 38
12. Hertha BSC II 27 45 : 42 36
13. SV Lichtenberg 47 27 33 : 41 31
14. ZFC Meuselwitz 26 27 : 39 28
15. Germania Halberstadt 27 33 : 51 25
16. FC Eilenburg 26 29 : 58 22
17. Optik Rathenow 27 29 : 52 20
18. VfB Auerbach 26 26 : 64 17
19. SV Tasmania Berlin 26 19 : 61 16
20. Union Fürstenwalde 26 37 : 73 15
wyša liga, mužojo
Sandersdorf – Wernigerode 0:0 (0:0)
Budissa Budyšin – VFC Plauen 0:2 (0:1)
Rudolstadt – HŁ Neugersdorf wupad
Biskopicy – SV 09 Arnstadt 1:1 (1:0)
Martinroda – Internat. Lipsk 1:1 (1:1)
Erfurt – VfB 1921 Kśišow 5:0 (1:0)
Nordhausen – An der Fahner Höhe 0:3 (0:2)
1. Budissa Budyšin 16 44 : 30 30
2. VFC Plauen 14 26 : 9 29
3. FC Carl Zeiss Jena II 17 30 : 21 29
4. FC Čerwjeno-běli Erfurt 13 29 : 8 27
5. SG Union Sandersdorf 18 28 : 16 27
6. VfB 1921 Kśišow 16 29 : 19 27
7. VfL Halle 96 16 27 : 22 26
8. FC An der Fahner Höhe 15 17 : 15 23
9. Biskopičanske KT 08 15 22 : 21 20
10. FC Jednota Rudolstadt 16 21 : 28 20
Jubilejny 25. raz přewjedźechu wot minjeneho pjatka do njedźele w ...
Zapadołužiski zwjazk informuje
Předsydstwo Zapadołužiskeho koparskeho zwjazka je na swojim posedźenju tydźenja na zakładźe aktualnych postajenjow sćěhowace dypki wobzamknyło:
1. Z winowatostnymi dypkowymi hrami, kotrež njeběchu po wobzamknjenjomaj ze 16.11.2021 a 1.12.2021 hižo móžne, smědźa k deleka mjenowanym terminam zaso pokročować.
2. Mišterske a pokalne hry muži započnu so na wšelakorymaj terminomaj: wokrjesna wyša liga 02./03.04.2022, wokrjesna liga a wokrjesna klasa wot 19./20.03.2022
3. Wokrjesna wyša liga dokónči po tučasnym stawje po hrajnym porjedźe §45 (2) (a) prěnju połseriju.
4. We wokrjesnymaj ligomaj a we wokrjesnych klasach přewjedu po tučasnym stawje prěnje kaž tež druhe koło. Wobě kole so hódnoćitej.
5. W starobnych klasach młodźina B do młodźina G hraja zaso wot 11.03.22.
6. W starobnej klasy młodźina A pokročuja wot 25.03.22.
7. Pokalne wubědźowanja w starobnych klasach młodźina A, młodźina B a młodźina C wotměja so hač do kónca.
8. Wuběrk za dźěći a młodźinu zwjazka smě po dorěčenju ze sportowym towarstwami wo dalewjedźenju mišterskich a pokalnych koparskich partijow rozsudźić. Wo tym porěča tež hišće raz na widejowej konferency 05.03.2022.
Widźał,słyšał, napisał (28.02.22)
Awtor dźensa
André Strelow
Sport, kotryž je mnohim z nas jedna ze sobu najrjeńšich pódlanskich wěcow swěta, steji při aktualnym politiskim połoženju chětro w pozadku. Hladajo na stawizny a globalne wuwiće swěta je wójna na Ukrainje nowum w modernym swěće. Njejsym sej ženje předstajić chcył, zo tajka wójna docyła hišće raz wudyri. Hladajo na namóc ruskich brónjow a wulke wójsko potrjechi situacija wosebje našich słowjanskich susodow, ale tež cyły zbytny swět. Nadźija pak je, zo so wšitcy za blido sydnu a konflikt měrliwje rozjimaja. Pod smužku dyrbi měr stać, ničo druhe! A to tak spěšnje kaž móžno, prjedy hač ličba mortwych dale přiběra.
Z wulkej moralku načolnu hru dobyli
FC Energija Choćebuz – Berlinski AK 1:0 (1:0)
Zestawa domjacych: Stahl – Bitter (89. Wagner), Eisenhuth, Böhmert, Hasse, Erlbeck, Putze, Kujović, Geisler (78. Kremer), Proničew, Mäder (68. Badu)
Derje wočerstwjeni wot njerjaneho wuslědka hry a pózdnimi wrotami k 2:2 pola poslednjeho w Fürstenwalde pokazachu so koparjo FC Energije w načolnym duelu z Berlinskim AK. Z intensiwnym běhanskim wukonom a tójšto wobhladanjahódnymi kombinacijemi stajachu woni hosći wosebje w prěnim połčasu pod wulki ćišć. Šansow pak nasta přiwšěm mało. Jeničce wrota Joshuwy Putzeho wjedźechu k zasłuženemu nawjedowanju 1:0 (29.). Srjedźopólny hrajer Maksimilian Proničew bě překrótko wothraty bul wrotarja Berlinskeho AK Pascala Kühna čuł a přihra kulowatu kožu Putzemu, kiž suny ju bjez ćežow z kromy šěsnatki do syće.
Sport (25.02.22)
Dźensa kónc naprašowanja
Jednaćel Zapadołužiskeho koparskeho zwjazka (WFV) Gojko Sinde je před třomi tydźenjemi naprašowanje čłonskim towarstwam wudźělił, zo by zwěsćił, hač rěči něšto přećiwo winowatostnym koparskim dypkowym hram dorosta. Přičina je, zo smědźa we wšitkich starobnych klasach wot młodźiny G hač do młodźiny B zaso hrać. Jednaćel WFV z toho wuchadźa, zo so wšitke mustwa wobdźěla, a prosy hač dodźensa jenož wo e-mailku, hdyž wobdźělenje na hrach móžne abo wěste njeje.
Spěšnje so přizjewić
Zapadołužiski koparski zwjazk (WFV) přewjedźe 9. posedźenje zamołwitych za koparski dorost sobotu, 5. měrca w 9.30 hodź., a to z widejowej konferencu. Hłownje póńdźe wo winowatostne dypkowe hry dorosta w druhej połseriji hrajneje doby 2021/2022 a wo wuhlady na halowe mišterstwa kaž tež na dźěćacu a młodźinsku spartakiadu. Hač do 1. měrca njech so zastupjerjo sportowych towarstwow pod přizjewja. Tohorunja hač do 1. měrca měli zajimcy swoje diskusijne přinoški na andreas.lisch pósłać.
Kónctydźenska kopańca
Remis dwójce hórki był
FSV Union Fürstenwalde – FC Energija Choćebuz 2:2 (0:1)
Zestawa hosći: Stahl – Bitter, Eisenhuth, Böhmert, Borgmann, Putze, Hasse (61. Mäder), Proničew, Geisler (78. Badu), Kremer (78. Harz), Engelhardt.
Slěd wrotow: 0:1 Geisler (31.), 1:1 Postelt (69.), 1:2 Mäder (80.), 2:2 Corstjens (90.)
Njewočakowany remis dyrbjachu koparjo FC Energije Choćebuz pola poslednjeho tabulki Union Fürstenwalde přijeć. Žołtych kartow, zranjenjow a koronawupadow (k nim słušeše tež trenar Claus-Dieter Wollitz) dla njemóžachu woni w idealnej formaciji nastupić. Jeničke personelne swětleško bě krótki comeback Malcolma Baduwa. Nimo toho je nowopřichad Joshua Bitter na prawym křidle wjacore razy swoje zamóžnosće pokazał.
Hakle w druhej połojcy wotućili
Dynamo Drježdźany – FC Heidenheim 1:1 (0:0)
Zestawa domjacych: Mitrjuškin – Ch. Löwe (29. Giorbelidze), Ehlers, Sollbauer, Akoto, Stark, Kade, Schröter (64. Weihrauch), Daferner, Königsdörffer (46. Borello, 84. Mai), Drchal (29. Batista-Meier)
Prěni połčas w duelu mjez koparjemi Dynama Drježdźany a mustwom z Heidenheima njeměješe runje wjele dobrych akcijow. Jenož jónu dyrbjachu Dynamowcy dyrkotać. Flanka suny so z praweho boka k Tobiasej Mohrej, kiž z lěweje strony kulowatu kožu hnydom direktnje na žerdź zběhny. Tam łakaše Robert Leipertz. Ale Anton Mitrjuškin we wrotach domjacych hrajny nastroj ze strašneje cony třěli (28.). Jeničke rozhorjenje wubudźi na tamnym boku wróćo hraty bul Olivera Hüsinga w šěsnatce k swójskemu wrotarjej. Sudnik pak da dale hrać.
Wuspěšneho olympionika witali
Jasnje lěpši byli,přiwšěm přěhrali
EHC Freiburg – Łužiske lodohokejowe liški 3:2 po podlěšenju (1:1, 1:0, 0:1 – 1:0)
Wot prěnjeho bullyja sem přewzachu Łužiske lodohokejowe liški režiju. Přihrawka Bretta Carsona před wrota přinjese prěni raz strašnosć před kašćikom domjacych. Liški skutkowachu wuwotpočowane, wone wuwojowachu sej jednu šansu po druhej a dyrbjeli hižo zahe nawjedować. Prěnja třělwa na wrota Liškow bě hakle w 6. min. Tola Chris Billich bě puk předaloko dolěwa měrił. Po tym zo Hunter Garlent w druhim pospyće po přihrawce Jakuba Kanije hišće žane zbožo njeměješe, běše to Richie Mueller, kiž po rjanym předdźěle Illije Fleischmanna 1:0 za Liški docpě (8.). Tež po tym jeničce hosćo ćišć wukonjachu. Freiburg dósta so jenož jara zrědka přez módru liniju do nadběhoweje třećiny. Hdyž pak, da bu strašne. Přihrawku Tysona McLellana Marc Wittfoth před wrotami Běłowodźanow snadnje misny. A hižo z druhej třělwu Calvin Pokorny w 12. min. wuruna, štož bě chětro překwapjace. Njejasne wosta, kak běše so hrajny nastroj docyła přez liniju do wrotow sunyć móhł. Tak dźěše z přemało wrotami z wida hosći do prěnjeje přestawki.
