Budyšanka pola RB w Lipsku za bulom honi
W zwjazkowej koparskej lize muži hraje mustwo RB Lipsk super sezonu; mało ludźi pak wě, zo tam w Lipsku tež rodźena Budyšanka Aline Wegerdt za bulom honi. Ze 17lětnej łužiskej zastupjerku žonjaceho mustwa RB Lipsk je so za Serbske Nowiny Hanspeter Benad rozmołwjał.
Hdźe sće kopańcu hrać započała?
A. Wegerdt: To bě w mojim ródnym měsće pola Budissy (po tym hraješe wona pola FFV Lipsk, přisp. red.)
Što běchu dotalne wjerški Wašeje karjery?
A. Wegerdt: Z koparskej wubranku Sakskeje smy w starobnej skupinje turněr Sewjerowuchodneho koparskeho zwjazka Němskeje dobyli.
Kotre cile hišće maće?
A. Wegerdt: Chcu z RB Lipskom rady do regionalneje ligi postupić a snano raz w němskej zwjazkowej lize hrać.
Što činiće, hdyž za bulom njehoniće?
A. Wegerdt: To zetkawam so z přećelkami a přećelemi abo ze swójbnymi. Šulske wěcy su tež wažne. A nakupować wězo tohorunja rady chodźu.
Kak so Wam w Lipsku pola RB lubi?
A. Wegerdt: Tu hraja jara dobru kopańcu a hrajerki móža so optimalnje dale wuwiwać. Jónkrótne su přećelstwa, kotrež tu nastawaja. Zamołwići a trenarjo su cyle jednorje perfektni.
30. jubilejny běh na Mnišonc
Při chětro wětřikojtym zymnym wjedrje je so minjenu srjedu hižo 30. jubilejny běh wo hórskeju kralow wot Hornjohórčanskeje sportoweje hale hač na wjeršk 449 metrow wysokeje hory Mnišonc přewjedł. Při tymle wubědźowanju ze zdźěla jara nahłymi stupanjemi mějachu mužojo kaž žony wšitkich starobnych skupin, tež ći najstarši, 230 metrow wysokostneho rozdźěla přewinyć. Cil běše za nich direktnje při woblubowanym hosćencu z wuhladnej wěžu, ke kotremuž je so 62 atletow a 15 atletkow zdračowało.
Mjez mužemi je sej 31lětny Hartmut Engert z Budyšina titul hórskeho krala w 14:36 min zawěsćił. Pola žonow bě 32lětna Franziska Kranich z Niskeje hórska kralowna w 17:17 min. Na 3,3 kilometrach wubědźowaštaj so tež zaso najstaršej wobdźělnikaj cyłeho zarjadowanja: 70lětna Hella Helmowa z Rakec (37:32 min) a 82lětny Jurij Nuk z Budyšina (33:10 min), kotrajž so tohorunja hač na wjeršk dodrapaštaj. Wobeju počesći Hornjohórčanske sportowe towarstwo w starobnymaj klasomaj.
Z dypkom móža spokojom być
SJ Chrósćicy
– LSV Nowe Město nad Sprjewju 0:0
Zestawa domjacych: Králíček – Teichmann, Cyž, Sentivan, Šafář, Žur (84. Gries), Schulze, Dórnik (70. Bětnar), Runt (65. Młynk), Henčl, Věchet
Při typiskim haperlejskim wjedrje wočakowaše prěnje koparske mustwo Sportoweje jednoty Chrósćicy njedźelu tabulkoweho susoda z Noweho Města nad Sprjewju. Nalětnje słónco, dešć, sylny wětr a krupy njeskićachu pak žane dobre wuměnjenja za šwarnu kopańcu. W cyłym prěnim połčasu hosćo lěpje nadběhowachu. Před wrotami pak wostachu přiwšěm njestrašni. Chróšćanam pobrachowachu cyle jednorje organizacija w defensiwnym dźěle, měr kaž tež ideje při natwarje a trěbna agresiwnosć a wola w dwubojach. Přeco zaso kombinowachu so Nowoměšćenjo z dwójnymi přihrawkami před šěsnatku. Na zbožo njezamóchu nadběhi konsekwentnje zakónčić. Krótko do połčasa pak dóstachu jědnatku, štož wuwabi prašace so mjezwoča a reklamaciju mjez domjacymi. Tež fanam běše hwizdanje njejasne. Kaž pak zawinowar Petr Šafář po hrě přizna, njebě rozsud tola tak wopačny. Domjacy wrotar Petr Králíček třělwu wotwobara.
Biskopičanske běhi na dołhe distancy přewjedli
Mjeztym hižo jubilejne 40. běhi na dlěše distancy wotměchu so při wětřikojtym a zymnym wjedrje sobotu do jutrow w Biskopicach. Po swojim wašnju je tele wubědźowanje sobu najstarše w Sakskej, kotrež měješe z nimale 700 wobdźělnikami 1989 swój dotalny rekord. Hosćićelske Biskopičanske sportowe towarstwo TV 1848 zliči pak tež lětsa cyłkownje 420 starterow, kotřiž doběžachu na hłownych distancach 4,5 km, 10 km, 21,1 km (połmarathon) a na 0,8 km kaž tež na 2,3 km za dźěći a šulerjow do cila.
Na třoch hłownych distancach je so tež sydom serbskich starterow wuspěšnje wubědźowało. Woni wuwojowachu sej w starobnej klasy jedne prěnje a jedne 3. městno, tři štwórte, jedne šeste a jedne 14. městno. Cyłkownaj dobyćerjej w połmarathonje běštaj Sebastian Guhr z Kamjenca (1:17:05 h) a Franziska Kranich z Niskeje (1:32:53 h). Kathrin Mehnertowa z Budyšina wubědźi sej w sk 40 chwalobne 3. městno w spěšnych 1:55:00 h.
Derbyjowe dobyće hišće wyše być móhło
Módro-běli Kulow
– Sokoł Ralbicy/Hórki 0:2 (0:2)
Zestawa hosći: Ch. Gloxyn – Rawš, Zynda, Korjeńk, M. Matka, Šewc, B. Bjeńš, Wowčerk (52. K. Matka), Kurjat (77. Šěn), Bejma (90. J. Bjeńš), S. Bjeńš
Widźał, słyšał, napisał (24.04.17)
Awtor dźensa
André Strelow
Wuslědki (24.04.17)
Krajna koparska klasa
Horni kraj Sprjewja – Mužakow 1:2 (0:0)
Biskopicy II – Nowosólc-Hródk 1:5 (1:3)
Chrósćicy – Nowe Město 0:0 (0:0)
Trjebin – Neugersdorf II 3:1 (1:0)
1. Radebeulski BC 18 41 : 14 46
2. Mužakow 18 44 : 25 39
3. Laubegast 18 54 : 25 38
4. FC Neugersdorf II 18 45 : 24 31
5. Nowosólc-Hródk 19 38 : 35 29
6. Horni kraj Sprjewja 18 45 : 41 27
7. Drježdźanski SC 18 34 : 31 25
8. Nowe Město n. Sprje. 17 28 : 33 22
9. SJ Chrósćicy 19 27 : 34 22
10. SG Weixdorf 19 32 : 46 20
11. Trjebin 19 30 : 50 20
12. Zschachwitz 19 35 : 57 16
13. Biskopičanske KT II 18 15 : 53 0
wokrjesna wyša liga
Kulow – Ralbicy/Hórki 0:2 (0:2)
Großröhrsdorf – Kumwałd 3:0 (2:0)
Połčnica – Germania Budyšin 3:2 (0:0)
Bukecy – Ottendorf-Okrilla 2:1 (0:0)
1. ST Ćisk 23 80 : 17 55
2. Sokoł Ralbicy/Hórki 23 61 : 30 46
3. Rakečanske ST 23 56 : 35 45
4. ST Hnašecy-Dobruša 23 46 : 35 42
5. SC Großröhrsdorf 23 33 : 26 35
6. Póst Germ. Budyšin 23 39 : 44 31
7. Motor Kumwałd 23 42 : 51 31
8. LSV Hory 23 52 : 42 29
9. Wojerowski FC 23 48 : 44 28
10. ST Kinspork/Łužnica 23 43 : 39 28
11. Módro-běli Kulow 23 39 : 44 26
12. Drohotka Ramnow 23 33 : 50 23
13. Zeleno-běli Bukecy 23 36 : 68 22
14. ST Wjelećin 23 44 : 78 22
15. FV Ottendorf-Okrilla 23 33 : 58 21
16. TSV Połčnica 23 35 : 59 18
Sport (21.04.17)
Wučerjo při wysokim saku
Serbska šula „Michał Hórnik“ Worklecy zarjaduje a wuhotuje srjedu, 26. apryla, w ponowjenej Worklečanskej sportowni volleyballowy turněr za wučerkow a wučerjow serbskich šulow z Pančic-Kukowa, Chrósćic, Ralbic, Radworja, Budyšina, Kulowa a Worklec. Turněr započnje so w 17 hodź.
Europska elita w Jaworje
Po poradźenym zazběhu před 11 500 přihladowarjemi pola MSC Fürstlich Drehna zastanje ADAC MX Master, najwjetša motocrossowa serija Europy, 29. a 30. apryla w Jaworje pola Pančic-Kukowa. Přizjewiło je so 240 pilotow z 25 narodow, mjez nimi tež top-jězdźerjej Jens Getteman z Belgiskeje (23, Monster Energy Kawasaki Elf Team Pfeil) a Dennis Ullrich z Kämpfelbacha (23, KTM Sarholz Racing Team). Sobotu budu treningi wot 9 do 12 hodź. a wubědźowanja wot 13 do 17.25 hodź. Njedźelniše warm-upy započnu so w 10 hodź. a prěni běh 11.30 hodź.
Kónctydźenska kopańca
22.04. 13:00 Módro-běli Kulow II
– SJ Njebjelčicy II
22.04. 15:00 Módro-běli Kulow
– Sokoł Ralbicy/Hórki
22.04. 15:00 Hermsdorf – Njebjelčicy
22.04. 15:00 Arnsdorfske KT
– Marijina hwězda
23.04. 11:00 Rakečanske ST – Wjelećin
23.04. 14:00 Rakečanske ST II
– Sokoł Ralbicy/Hórki II
23.04. 15:00 SJ Chrósćicy – Nowe Město
Baumgärtel na mountainbiku zaso prědku
Hižo 39. raz bě Budyske towarstwo přećelow kolesoweho sporta 9. apryla na tradicionalne crosscountry-wubědźowanje do Humboldtoweho haja přeprosyło. Lěto wob lěto so tu mountainbikowa sezona zahaja, tak zo móžachu hosćićeljo tež lětsa ze sylnje wobsadźenymi polemi jězdźerjow ličić. Nimo dobreho wjedra je tež wožiwjenje Srjedźoněmskeho crosscountry-cupa tomu polěkowało. A za dźěći a młodostnych klasow U 9 do U 19 poskića so prěni raz z tak mjenowanym Rookies-cupom nowa serija, hdźež móže dorost přez cyłe lěto dypki hromadźić. Dalša nowosć bě krótki sprint po pólnym pućiku horje k sportnišću, kotryž rozsudźeše wo startowym rjedźe w poprawnym wubědźowanju. Dźěći startowachu tu jednotliwje a spytachu čaru pod mócnym přikleskom a pohonjowanjom syły přihladowarjow tak spěšnje kaž móžno zmištrować.
