CFF, FUEN a jubilejej
35. Choćebuski filmowy festiwal je ćežišćo nowemberskeho telewizijneho magacina Łužyca. Nimo toho wobswětla lětuši kongres Federalistiskeje unije europskich narodnych mjeńšin FUEN a wěnuja wusahowacej delnjoserbskej spisowaćelcei Minje Witkojc wosebity přinošk składnostnje jeje 50. posmjertnin. We wobłuku rjadu „Łužyca w rozgronje“ portretuja žurnalista Horsta Adama, kiž je wot njedawna dźewjećdźesatnik.
Telewizija RBB wusyła Łužycu jutře, sobotu, w 13.10 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 22. nowembra, w 12 hodź. W mediatece ARD je aktualna Łužyca wot jutřišeho cyłe lěto kóždy čas přistupna.
Změna, portretaj a žně
Kónc wudobywanja brunicy we Łužicy a z tym zwisowaca strukturna změna stejitej w srjedźišću nowemberskeho telewizijneho magacina Wuhladko. Přinošk wobswětluje, za čo maja so planowane miliardy eurow w regionje nałožować a naprašuje so wobydlerjow, kak hodźeli so tele srědki zmysłapołnje tež na dobro Serbow inwestować. Nimo toho portretuja lětušu lawreatku Myta Domowiny Carolu Holdtowu a předstaja sławnu wysokošulu za rejowanje Palucca w Drježdźanach. Młódšim přihladowarjam rozłoži Dundak Hana, što so tele dny hišće žněje.
Telewizija MDR wusyła Wuhladko zajutřišim, sobotu, w 12 hodź. Wospjetowanje na samsnym sćelaku slěduje póndźelu, 3. nowembra, w 6.45 hodź. Telewizija RBB pokaza magacin sobotu, 8. nowembra, w 13.10 hodź. W mediatece ARD je aktualne Wuhladko wot zajutřišeho cyłe lěto kóždy čas přistupne.
Namrěwstwo zwičnić?
Ćežišćo telewizijneho magacina Wuhladko w oktobrje je tak mjenowany serbski turizm: Na jednym boku njeje w tym zwisku potencial dawno wučerpany, na druhim wšak měło so znajmjeńša wotwažować, w kotrej měrje měło so kulturne herbstwo zwičnić. Nimo toho wopřijima wudaće portretaj, a to hudźbnika, komponista a wusahowaceho spěchowarja serbskeho muzikaliskeho dorosta Měrćina Weclicha kaž tež duchowneho Jana Wjeńki, kiž njeje jenož w Chrósćicach, ale tež w Rudnych horinach trajne slědy zawostajił. Dalši přinošk wěnuja Pěskowčikej, kiž chce přichodnje serbske powěsće w serbskej rěči předstajić.
Telewizija MDR pokaza Wuhladko zajutřišim, sobotu, w 12 hodź. Wospjetowanje na samsnym sćelaku slěduje póndźelu, 6. oktobra, w 6.45 hodź. Telewizija RBB wusyła magacin sobotu, 11. oktobra, w 13.40 hodź. W mediatece ARD je aktualne Wuhladko wot zajutřišeho cyłe lěto kóždy čas přistupne.
Wětrnikaj, pasion ...
Wumóžuja módroćišć
„Chto wumóžyjo łužyski módrośišć?“ je titul filma, kotryž pokazaja w awgustowym wusyłanju telewizijneho magacina Łužyca. Pask Diany Šejcoweje wobswětluje tradicionalne rjemjesło módroćišća, kotremuž so mjeztym předewšěm w Delnjej Łužicy zaso wjacori akterojo wěnuja, po tym zo su so wotpowědne dźěłarnje w regionje nimale dospołnje pozhubili. Zaměr tychle entuziastow je, za zhotowjenje na přikład serbskeje drasty njeparujomnu tradiciju wožiwić, za čož so stareho gratu runje tak přimaja kaž najnowšich technologijow.
Telewizija RBB wusyła Łužycu jutře, sobotu, w 13.35 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 23. awgusta, w 12 hodź. W mediatece ARD je Łužyca wot jutřišeho cyłe lěto kóždy čas přistupna.
Woda, wowcy, dres a bus
Telewizijny magacin Wuhladko wěnuje so w awgusće hłownje drastowemu porjadej w šulach. Přičina je předwidźany dresowy kode, kajkiž je w nachilacych so lěćnych prózdninach mjez chowancami Serbskeho gymnazija Budyšin horcu diskusiju wuskutkował. Dalšej přinoškaj wobswětlujetej pochad pitneje wody w dwurěčnych regionach Budyskeho wokrjesa a pilotowy projekt samojězdźaceho busa při Bjerwałdskim jězoru. Nimo toho portretuja Gerata Šmita, kotrehož předstaja jako „drje poslednjeho powołanskeho wowčerja mjez Budyšinom, Kamjencom a Wojerecami“.
Telewizija MDR wusyła Wuhladko jutře, sobotu, w 12 hodź. Wospjetowanje na samsnym sćelaku slěduje póndźelu, 4. awgusta, w 6.50 hodź. Telewizija RBB pokaza magacin sobotu, 9. awgusta, w 13.35 hodź. W mediatece ARD je Wuhladko wot jutřišeho cyłe lěto kóždy čas přistupne.
Kak dale z kubłanjom?
Rěčne kubłanje je w juliju ćežišćo telewizijneho magacina Łužyca. Tak rěči moderator Christian Matthée z Heikom Kozelom wo napjatej situaciji nastupajo bilingualnu wučbu na Delnjoserbskim gymnaziju Choćebuz. Dale wobswětluje snadny zajim maturantow za studij sorabistiki, kotryž so na personalne połoženje na šulach Delnjeje Łužicy wuskutkuje. Slěborny jubilej Witaj-projektow pak je moderatorej z přikładom za tamniše pozitiwne wuwiće. Telewizija RBB wusyła Łužycu jutře, sobotu, w 13.35 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 26. julija, w 12 hodź. W mediatece ARD je wot jutřišeho cyłe lěto kóždy čas přistupny.
Na slědach Krabata
Telewizija MDR pokaza wutoru, 22. julija, w 21 hodź. we wobłuku rjadu „Der Osten – entdecke, wo du lebst“ reportažu „Krabat – auf den Spuren einer Legende“. Nimo jězby „do wutroby, wěry a identity serbskeho ludu“ wopřijima film dotal njewusyłane nahrawanja wuprajenjow Jurja Brězana a Otfrieda Preußlera. W mediatece ARD je přinošk hižo přistupny.
Festiwal, chorhoje a husy
Wjerški 15. mjezynarodneho folklorneho festiwala Łužica – Łužyca – Lausitz tworja w juliju žro telewizijneho magacina Wuhladko. Jako medijowy partner zarjadowanja bě sćelak MDR na jeiwšćach runje tak přitomny kaž za kulisami. Dalšej přinoškaj wěnujetej so wobzamknjenju Budyskeje měšćanskeje rady, wupowěšeć přichodnje chorhoje Němskeje a Hornjeje Łužicy, při čimž wšako so serbske barby ignoruja, a zazběhu kóždolětneje lěćneje bičwolejbuloweje turneje Radija Satkula. Nimo toho předstaja projekt Slepjanskeje serbskeje wyšeje šule, w kotrehož wobłuku so šulerjo w prózdninach wo cyłkownje 40 husacych młodźatkow staraja.
Telewizija MDR wusyła Wuhladko jutře, sobotu, w 12 hodź. Wospjetowanje na samsnym sćelaku slěduje póndźelu, 7. julija, w 6.50 hodź. Telewizija RBB pokaza magacin sobotu, 12. julija, w 13.35 hodź. W mediatece ARD je aktualne Wuhladko wot jutřišeho cyłe lěto kóždy čas přistupne.
Baje, dorost a jubilej
Telewizijny magacin Łužyca wěnuje so w juniju hłownje předstajenju „Wukšadnjony pókład“, lětušej inscenaciji w rjedźe Błótowskich powěsćowych nocow. Nimo toho pokazaja přinoškaj „50. jubilej Mósćańskego swajźbaŕskego pśeśěga“ a „25. dny serbskeho dźěćaceho dźiwadła w Budyšinje“. We wobłuku rubriki „Paula wari“ předstaja dalši serbski recept.
Telewizija RBB pokaza Łužycu jutře, sobotu, w 13.35 hodź. Wospjetowanje na samsnym sćelaku slěduje zajutřišim w 7.30 hodź. Telewizija MDR wusyła magacin přichodnu sobotu, 28. junija, w 12 hodź. W mediatece ARD je Łužyca wot jutřišeho cyłe lěto kóždy čas přistupna.
Rěčne hnězdo w fokusu
Telewizijny magacin Wuhladko wěnuje so w juniju hłownje projektej Domoj, kotryž ma wobdźělnikam zmóžnić, w dźewjeć měsacach serbšćinu nawuknyć. Dalšej přinoškaj wobswětlujetej kónc šamotownje we Wětrowje a přihoty na 15. mjezynarodny folklorny festiwal Łužica – Łužyca– Lausitz“. Nimo toho portretuja młodu Serbowku, Annabell Wandeltec, kotraž je sej jako samostatna pohrjebniska fachowča „powołanski són spjelniła“.
Telewizija MDR pokaza Wuhladko jutře, sobotu, w 12 hodź. Wospjetowanje na samsnym sćelaku slěduje póndźelu, 16. junija, w 6.50 hodź. Telewizija RBB wusyła magacin sobotu, 14. junija, w 13.30 hodź. W mediatece ARD je Wuhladko wot jutřišeho cyłe lěto kóždy čas přistupne.
