Widźał, słyšał, napisał (21.02.22)
Wo olympiskich hrach móže kóždy myslić, štož sam chce. Wosebje hry w Pekingu, kotrež běchu za němske mustwo jara wuspěšne, su k rozdźělnym a kontrowersnym diskusijam wjedli. Chětro přesłapjace w tym zwisku bě a je skutkowanje němskeho prezidenta olympiskeho komiteja dr. Thomasa Bacha. Sport a politika njehodźitej so bohužel wjace dźělić. Wuwiće drje njeje nowe, dósta pak z hrami w Chinje nowu dimensiju a kwalitu. Sportowcam su olympiske hry nimo swětowych mišterstwow najwuznamniše wubědźowanje w běhu karjery a tak zdobom wjeršk. Olympiski duch pak njeje so tónraz tak wuwił, kaž smy to zdźěla zwučeni. Najwjace wubědźowanskich městnow su cyle nowe natwarili, a dalše wužiwanje po olympiskich hrach je dospołnje njewěste. Dajmy so překwapić, w kotrym stawje olympiske wubědźowanske městna w přichodźe wuhladamy. Wosobinsce wjeselu so hižo nětko na přichodnu zymsku olympiadu 2026 w italskej metropoli Mailand a městačku Cortina d’Ampezzo w Dolomitach.
Němska stafla kombiněrarjow druha najlěpša
Medaljowy špihel
Staw po 97 ze 109 rozsudow:
z s b
1. Norwegska 15 8 11
2. Němska 10 7 5
3. USA 8 8 5
4. China 8 4 2
5. Nižozemska 7 5 4
5. Šwedska 7 5 4
7. Šwicarska 7 2 5
8. Awstriska 6 7 4
9. Ruski OC 5 9 13
10. Francoska 5 7 2
Peking (JBo/SN). Nordiscy kombiněrarjo Manuel Faißt, Julian Schmid, Eric Frenzel a Vinzenz Geiger zamóchu sej wčera dalšu slěbornu medalju za Němsku wuwojować. Wulki podźěl na tym měješe Geiger, kiž bě z fulminantnym kónčnym běhom konkurencu přesćahnył. Jeničce Jörgen Graabak, zastupjer norwegskeje zestawy, docpě z wulkim předskokom 54,90 sekundow před nim cil. Bronzu wubědźichu sej Japančenjo.
Dospołnje zbožowna běše tež 25lětna Němka Daniela Maier. W skicrossu bě wona poprawom jako štwórta do cila přišła. Po někotrych mjeńšinach trajaceje widejoweje analyzy pak jury rozsudźi kónčny wuslědk korigować. Šwicarka Fanny Smith bě mjenujcy Němku na čarje z manewrom myliła, a Danieli Maier bu bronzowa medalja připóznata. Złoto doby faworitka Sandra Näslund ze Šwedskeje.
Sport (18.02.22)
Naprašowanje WFV
Jednaćel Zapadołužiskeho koparskeho zwjazka (WFV) je minjeny tydźeń naprašowanje wudał, z pomocu kotrehož chce wón zwěsćić, hač něšto winowatostnym dypkowym hram dorosta spřećiwja. Tajke smědźa mjenujcy w starobnych klasach młodźiny G hač do młodźiny B přewjesć. Jednaćel WFV Gojko Sinde z toho wuchadźa, zo budu wšitke mustwa zaso pódla. Tak prosy wón hač do 25. februara jenož wo mejlku, njeje-li móžno so na dypkowych hrach wobdźělić, abo njejsu-li wěste.
Načolna koparska partija
We wyšej lize nastupi koparske mustwo Budissy Budyšin njedźelu pola VfL Halle. Hosćićel steji po pjatnaće hrach ze 26 dypkami na 4. městnje, Budissa z dypkom wjac a hru mjenje na druhim.
Regionalna liga muži
18.02. 19:00 Tennis Borussia Berlin –
FC Eilenburg
19.02. 13:00 VfB Auerbach –
Germania Halberstadt
19.02. 13:00 Berlinski AK –
Lok Lipsk
19.02. 13:00 BSG Chemija Lipsk –
Hertha BSC II
20.02. 13:00 Union Fürstenwalde –
FC Energija Choćebuz
20.02. 13:00 FSV 63 Luckenwalde –
SV Lichtenberg 47
20.02. 13:00 Optik Rathenow –
SV Tasmania Berlin
Wyša liga mužojo
19.02. 13:30 Čerwjeno-běli Erfurt –
FC HŁ Neugersdorf
19.02. 13:30 VfB 1921 Kśišow –
VFC Plauen
19.02. 13:30 SV 09 Arnstadt –
Módro-běli Zorbau
Sněhakowarce po dołhich čarach sej złotu medalju wubědźiłoj
Medaljowy špihel
Staw po 90 ze 109 rozsudow:
z s b
1. Norwegska 13 7 8
2. Němska 10 6 5
3. USA 8 8 5
4. Šwedska 7 4 4
5. China 7 4 2
6. Awstriska 6 7 4
7. Nižozemska 6 5 4
8. Šwicarska 6 1 5
9. Ruski OC 4 8 12
10. Francoska 4 7 2
Druhe dobyće w šestej hrě
Aktualna tabulka
hry/dobyća/dypki
1. TSV Wóspork/Hrodźišćo 8 7 14
2. ST Marijina hwězda 4 4 8
3. SJ Budyšin-sewjer 5 4 8
4. ST Hnašecy/Dobruša 6 3 6
5. Sokoł Budyšin 8 3 6
6. VV Schönbach 4 1 2
7. MSV Budyšin 04 III 6 1 2
8. ST Sokolnik/Wjazońca 5 0 0
Po dobyću přećiwo VV Schönbachej loni 1. nowembra, štož bě prěni wuspěch po połdra lěće, doby serbske wolejbulowe mustwo Sokoł Budyšin 1. februara druhi raz. Třeći hrajny dźeń wokrjesneje klasy, stafla wuchod bě we Wósporku, hdźež witaše domjacy TSV Wóspork/Hrodźišćo tež mustwo MSV Budyšin 04 III.
Za Sokoł Budyšin hrajachu: Jan Kanngießer, Stefan Cuška, Tomaš Suchy, Florian Kaulfürst, Frank Püschel, Bosćij Benada, Mario Walter a Handrij Bejmak.
TSV Wóspork – Sokoł Budyšin 2:0 (25:23, 25:13)
Sensacija němskich olympionikow w dwojobobje
Medaljowy špihel
Staw po 83 ze 109 rozsudow:
z s b
1. Norwegska 13 7 8
2. Němska 10 6 4
3. USA 8 7 4
4. Awstriska 6 7 4
5. Šwedska 6 4 4
6. Nižozemska 6 4 3
7. China 6 4 2
8. Šwicarska 5 0 5
9. Ruski OC 4 8 11
10. Francoska 4 7 2
Peking (JBo/SN). Historiski to wukon, kajkiž su wčera němscy sankowarjo w lodowym kanalu w Yanqingu pokazali. W disciplinje dwojobob doby w Pirnje rodźeny Francesco Friedrich z wuběrnym kónčnym časom 3:56:89 min. Jeničce 0,49 sekundow a 1,69 sekundow za nim běštaj teamowy kolega Johannes Lochner a dalši krajan Christoph Hafer do cila dojěłoj. Tak wobsadźichu atleća z Němskeje wšitke tři podijowe městna. Zdobom běše to prěni třikróćny wuspěch w olympiskich stawiznach dwojoboba.
Staw alternatiwnych poskitkow za dźěći
Chcedźa-li so najmłódši po wučbje aktiwnje wucychnować, skića jim šulske kubłanišća husto cyłodnjowske poskitki, w Slepom na přikład mjetańcu abo nowu modernu sportowu družinu jugger. Ze stron sportowych towarstwow maja pak zwjetša jenož poskitk kopańcy. Što pak je z dźěćimi, kotrež so za kopańcu njezajimuja, ale skerje za lochkoatletiku? Faluja tu w Serbach woprawdźe alternatiwy wosebje za předšulske dźěći? Clemens Šmit je so w serbskich towarstwach wobhonił.
Němscy sněhakowarscy skakarjo sej bronzowu medalju wuwojowali
Medaljowy špihel
Staw po 76 ze 109 rozsudow:
z s b
1. Norwegska 11 6 7
2. Němska 8 5 2
3. USA 7 6 4
4. Awstriska 6 6 4
5. Nižozemska 6 4 3
6. China 6 4 2
7. Šwedska 5 3 3
8. Šwicarska 5 0 5
9. Ruski OC 4 7 9
10. Francoska 3 7 2
Peking (JBo/SN). Němska lodohokejowa wubranka je dźensa rano w Pekingu štwórćfinale Olympiskich zymskich hrow zapasła. Wona podleža Słowakskej z 0:4 a dyrbi nětko swoje kófry pakować.
W fulminantnym finalu na wulkoskakanišću Zhangjiakou móžachu sej němscy sněhakowarscy skakarjo wčera bronzowu medalju zawěsćić. Kwartet Karl Geiger/Markus Eisenbichler/Stephan Leyhe/Constantin Schmid je wubědźowanje ze snadnym wotstawkom 40 centimetrow před Norwegčanami zakónčił. Druhe městno wuwojowachu sej Słowjenjo. Najlěpši běchu Awstričenjo.
Trochu mjenje zboža měješe 23lětna Laura Nolte w monobobje. Wona je najebać solidne předstajenje medaljowe městno jeničce wo 0,28 sekundow zapasła. Prěnja bu Američanka Kaillie Humphries. Nowa olympiska dobyćerka w ski-freestylu rěka Xu Mengtao. Chinjanka docpě tu 108,61 dypkow.
Wuslědki (15.02.22)
Kopańca, regionalna liga muži
Tasmania Berlin – BFC Dynamo 0:3 (0:2)
Choćebuz – Borussia Berlin wupad
Eilenburg – Auerbach 0:0 (0:0)
Lichtenberg – Chemija Lipsk 2:1 (0:1)
Kamjenica – Hertha BSC II 2:0 (1:0)
Lok Lipsk – Fürstenwalde 6:2 (4:1)
Halberstadt – Jena0:0 (0:0)
Babelsberg – Luckenwalde 2:1 (1:0)
Altglienicke – Berlinski AK 4:1 (2:0)
Meuselwitz – Rathenow 4:1 (1:0)
1. BFC Dynamo 25 62 : 20 58
2. Lok Lipsk 23 54 : 23 51
3. FC Energija Choćebuz 24 55 : 20 48
4. FC Carl Zeiss Jena 25 46 : 24 48
5. Berlinski AK 25 40 : 30 48
6. Kamjeničanski FC 25 41 : 23 45
7. SV Babelsberg 25 36 : 26 44
8. VSG Altglienicke 23 42 : 28 42
9. FSV 63 Luckenwalde 25 40 : 25 36
10. BSG Chemija Lipsk 25 27 : 27 35
11. Tennis Borussia Berlin 23 36 : 31 34
12. Hertha BSC II 25 40 : 40 33
13. SV Lichtenberg 47 25 31 : 37 28
14. ZFC Meuselwitz 25 26 : 39 25
15. Germania Halberstadt 25 28 : 47 22
16. FC Eilenburg 25 26 : 56 19
17. SV Tasmania Berlin 25 19 : 59 16
18. Optik Rathenow 24 25 : 50 15
19. Union Fürstenwalde 23 32 : 65 14
20. VfB Auerbach 23 21 : 57 14
Spočatk zaspali
Dynamo Drježdźany – Hansa Rostock 1:4 (0:4)
Zestawa domjacych: Mitrjuškin – Löwe, Ehlers (69. Borello), Sollbauer, Becker (24. Mai), Stark, Kade (77. Weihrauch), Mörschel (24. Drchal), Daferner, Batista Meier, Königsdörffer
