Kulturny centrum Krabatowy młyn je wčera w Čornym Chołmcu swoju prěnju planowansku rozrěč kaž tež zhromadnu čitansku probu za nowe předstajenje z mjenom KRABAT-saga přewjedło. Prapremjera krucha budźe lětsa 19. junija na arealu Krabatoweho młyna.
Čorny Chołmc (SN/MiP). Nimo organizaciskeho teama su so dźiwadźelnicy kaž tež akterojo z dalšich wobłukow projekta – maski, kostima, hudźby a režije – wobdźělili. „Nimo wonkownych změnow na dobro lěpšeho gastronomiskeho zastaranja wopytowarstwa kaž tež wutwara publikumoweje tribuny, chcemy hladajo na wuměłske kriterije cyle nowe dźiwadłowe předstajenje poskićić“, piše Kulturny centrum Krabatowy młyn w nowinskej zdźělence. Wone z přerěznje 100 přihladowarjemi wjace na předstajenje liči.
Tež lětsa su „Pózdnje změny“ w městach a gmejnach planowane
Wjelkow (CS/SN). „Pózdnja změna“, kotraž wotměwa so w Budyskim wokrjesu nětko hižo 7. lěto, ma wjele přiwisnikow. Zarjadowanje zmóžnja jónkrótnu składnosć za wrotami zawodow pohladać, hdźež ludźo hewak žadyn přistup nimaja. A předewzaćam skići so šansa, wo fachowcow wabić abo zajim pola młodych ludźi zbudźić, kotřiž potom ewentualnje wukubłanje w zawodźe zahaja. Hišće přeco njejsu ludźom w regionje šansy a móžnosće znate, kotrež so w powołanskim swěće Budyskeho wokrjesa skića. Mnozy njewědźa, zo je hospodarska móc w Budyskim wokrjesu wyša, hač w Drježdźanach. Dojězdźowarjo njetrjebaja hižo do stolicy Sakskeje na dźěło jězdźić. Čas, kotryž woni zalutuja, je wjace žiwjenskeho časa, měni jednaćelka wokrjesneho rjemjeslnistwa Sabine Gotscha-Schock.
Muski chór Delany a Malešanska swójbna trójka koncert wuhotowałojMalešecy (CRM/SN). Nalětni koncert muskeho chóra Delany z tudyšimi chowancami Witaj-pěstowarnje na zawčerawšej njedźeli njemóžeše so bohužel tak wotměć kaž planowany a w Serbskich Nowinach připowědźeny. Ale namaka so na zbožo wupuć a město pěstowarskich dźěći poskići Grafec trójka, su to mać Adela a dźowce Alma a Berta, nimale połhodźinski jara spodobny program z klawěrom a dwojimi huslemi, kiž dosć bohate připosłucharstwo z wjele respektom a dźakliwje přiwza. Je dźě swójba wosebje pod mjenom Trittmacher w cyłej Malešanskej wokolinje jako přewšo aktiwna znata.
Sokoł Ralbicy/Hórki –ST Horni kraj-Sprjewja 1:2 (0:2)Zestawa domjacych: Žur – P. Šołta (72. K. Hrjehor), Heidorn, Schultz, Woko, Rawš, D. Gloxyn, Korjeńk (62. M. Matka), Rachela, S. Bjeńš, BejmakPo poražce w pokalnej hrě chcychu Sokoljo njedźelu w domjacym stadionje zaso dobyć, tola přećiwnik je jedyn z najlěpšich cyłkow wokrjesneje wyšeje ligi. Sokołam zaso tójšto hrajerjow zranjenja dla pobrachowachu. Tuž so chowancy trenarja Krystofa Gloxyna najprjedy raz na defensiwu koncentrowachu.Prěnju šansu mějachu hosćo po hakle 20 mjeńšinach, kotruž Titus Žur hišće wulkotnje wotwobara. Štyri mjeńšiny na to pak Róžeńčan šansu njeměješe, jako přećiwnicy po rjanej kombinaciji z dźesać metrow nisko k 1:0 přetworichu. W 32. min. docpěchu samo dalše wrota. Znowa so woni sćerpnje hač před wrota kombinowachu a tónraz z 10 metrow do hornjeho kuta trjechichu. Ralbičenjo pak dale wojowachu a spytachu na mokrym trawniku tohorunja kombinować. Čim dlěje hra traješe, ćim lěpje so jim to zešlachći. Wulke šan ...
W Israelu su wčera z kóždolětnym narodnym swjatkom wopory holocausta wopominali. Při tym spominachu na wulkich sćěnowinach na šěsć milionow morjenych Židow za čas němskeho nacionalsocializma. Dźeń steješe lětsa w znamjenju Gazaskeje wójny: Wójsko bě tójšto młodych muskich a žónskich rezerwistow do wojerskeje słužby zwołało. Foto: pa/AP/Oded Balilty
W jědnaće hosćencach a barach su sobotu w Budyšinje korčmowy festiwal swjećili. Wšudźe móžachu hosćo na live hudźbu słuchać, při tym bjesadować a so zabawjeć. W cocktailowej barje „Sam’s“ je so Björn Martin wo hudźbu starał, tak zo sej tam wopytowarjo samo spontanje zarejwachu. Foto: Maćij Bulank
Tójšto zajimcow přiwabiła je „ralley rjemjeslnikow“ minjenu sobotu na naměsto před Choćebuskej měšćanskej halu. Tam prezentowachu kamjenjećesarjo, metalotwarcy, třěchikryjerjo, pjekarjo a mulerjo swoje rjemjeslniske kmanosće. Při tym móžachu samo najmjeńši sobu činić – kamjenje přidawać, šindźele wobdźěłać abo kran posłužować, z kotrymž mulerjo wulke kamjenje sadźeja. Choćebuska rjemjeslniska komora bě akciju zhromadnje ze zwjazkom rjemjeslnikow organizowała. Po tutym puću chcychu zajim młodych ludźi za rjemjeslniske powołanja zbudźić. Dobry wothłós žněješe tež z tym zwjazany „swjedźeń chlěba“. Foto: Michael Helbig
Hajko Kozel je ze zahajenja šulskeho lěta 2023/2024 šulski staršiski rěčnik Delnjoserbskeho gymnazija w Choćebuzu. Milenka Rječcyna je so ze serbskim juristom rozmołwjała.Kak je tomu dóšło, zo sće tutu zamołwitosć přewzał?H. Kozel: Sym wo tym rozmyslował, kak móhł so jako nan za gymnazij angažować, na kotryž mój syn chodźi. Sym swój zajim a swoje zaměry spočatk šulskeho lěta 2023/2024 staršiskej zhromadźiznje zwuraznił. To je mjez druhim skrućenje a dalewuwiće serbskeho profila na šuli.Kak je staršiska konferenca reagowała?H. Kozel: Sym maćernorěčny Serba a serbski nan. Wjetšina staršich su za mnje hłosowali, tež hdyž njejsu maćernorěčni. To mějach za wulce zajimawe. Wšako běch do zarjadowanja słyšał, zo starši za serbski profil gymnazija zajim nimaja. Nětko pak su zajimawy signal wusyłali. Kruh staršich bjez serbskeho pozadka su maćernorěčneho nana wuzwolili kiž chce serbski profil gymnazija skrućić.Što je so mjeztym stało? ...
Předsydstwo Serbskeho šulskeho towarstwa (SŠT) je na wčerawšim posedźenju wobzamknyło, zo swojich „wosom žadanjow za serbske šulstwo“ na wšitke frakcije Sakskeho krajneho sejma pósćele. Zdobom chcedźa z listom wo stejišćo frakcije k podatym žadanjam a wo rozmołwu prosyć.
