Widźał, słyšał, napisał (09.05.22)
Awtor dźensa
Tomaš Faska
Titulne wubědźowanje w Formuli 1 je nětko tola zaso poměrnje napjate. Při prěnim wubědźowanju w South Beach přesadźi so kónc tydźenja Max Verstappen w swojim „Čerwjenym byku“ přećiwo najzasaklišemu riwalej Lewisej Hamiltonej. Z tym njeje Nižozemjan jenož prěnje wulke myto Miamija dobył, ale tež wotstawk na tuchwilneho načolnika, Charlesa Leclerca, znajmjeńša skrótšić móhł. Leclerc ma nětko 104 dypkow na swojim konće, Verstappen 85 a přińdźe nawjedowacemu dale a bliže. A tež rekordny swětowy mišter Lewis Hamilton a Mercedes pokazaštej porno dotalnym wubědźowanjam lěpšu „perfomance“, kaž so w motorowym sporće praji. (Štož móhło so do serbšćiny jako předstajenje abo prezentacija přełožić.)
Wuslědki (09.05.22)
Kopańca, krajna klasa
VfB Žitawa – BSV 68 Sebnitz 2:1 (0:0)
Wódrjeńca 02 – Drježdźany 8:2 (3:1)
Ćisk – Sachsenwerk Drježdźany 0:3 (0:1)
Rakecy – VfB Běła Woda 1909 2:0 (2:0)
Wesenitzal – Drohotka Ramnow2:2 (0:1)
SG Weixdorf – SJ Chrósćicy 4:1 (1:1)
1. FSV Wódrjeńca 02 15 69 : 15 40
2. SC Borea Drježdźany 14 50 : 10 35
3. SV Wesenitzal 15 35 : 19 34
4. BSV 68 Sebnitz 15 30 : 26 26
5. VfB Běła Woda 1909 15 26 : 15 22
6. Rotacija Drježdźany 15 28 : 30 21
7. Rakečanske ST 14 25 : 23 20
8. Drježdźanski SC 1898 14 30 : 23 19
9. SG Weixdorf 15 23 : 32 18
10. VfB Žitawa 15 20 : 34 17
11. SJ Chrósćicy 15 24 : 29 15
12. Sachsenw. Drježdźany 15 12 : 46 12
13. Drohotka Ramnow 14 19 : 38 11
14. ST Ćisk 15 12 : 63 4
15. FC Wocl Rěčicy-jězor zg. 0 0 : 0 0
15. ST Trjebin zg. 0 0 : 0 0
wokrjesna wyša liga, čoło tabulki
1. Wojerowski FC 13 44 : 11 34
2. ST Horni kraj-Sprjewja 13 38 : 9 33
3. Módro-běli Kulow 13 32 : 16 30
4. ST Hnašecy-Dobruša 14 47 : 29 24
5. Póst Germania Budyšin 13 37 : 26 22
6. Sokoł Ralbicy/Hórki 13 29 : 16 21
7. Natwar Němske Pazlicy 13 25 : 16 21
8. Biskopičanske KT II 12 24:25 21
9. TSV Wachau 12 31:22 19
10. SG Großnaundorf 13 20:14 19
11. ST Porchow 13 15:37 15
12. HZ Łaz/Běły Chołmc 13 20:21 12
13. SC 1911 Großröhrsdorf 14 11:25 11
14. ST Marijina hwězda 13 17:35 11
15. ST Kinspork/Łužnica 13 10:39 10
16. TSV Połčnica 14 18:39 6
17. LSV Hory 15 12:50 6
Sport (06.05.22)
Módro-běli pola Natwara
Na wokrjesnej runinje ale tež na krajnej přewjedu sobotu a njedźelu znowa wjacore zajimawe duele. Zazběh tutych twori jutře duel Kamjenc – Freital. Do Lessingoweho města přijědźe načolnik krajneje ligi. Tež we wokrjesnej wyšej lize lubi hra njedźelu, 8. meje w 15 hodź., Natwara Němske Pazlicy přećiwo Módro-běłym z Kulowa napjatu partiju. W Chrósćicach změja njedźelu w 12.30 hodź. serbski koparski derby, hdyž přijědu Njebjelčenjo.
07.05. 13:00 Budissa Budyšin –
SV Módro-běli Zorbau
07.05. 14:00 Jednota Kamjenc –
SC Freital
07.05. 15:00 Rakečanske ST –
VfB Běła Woda 1909
07.05. 15:00 ST Radwor – FSV Łuty
07.05. 15:00 ST Horni kraj-Sprjewja –
ST Marijina hwězda
07.05. 15:00 ST Módro-běli Njeswa-
čidło – SJ Njebjelčicy II
08.05. 14:00 Sokoł Ralbicy/Hórki –
SG Großnaundorf
08.05. 11:30 Sokoł Ralbicy/Hórki II –
Natwar Němske Pazlicy II
08.05. 15:00 SG Weixdorf –
SJ Chrósćicy
Wubranki hraja w Slepom
Horstka serbskich lubowarjow běhanja sobu startowała
30. jubilejny Wostrowski nalětni běh realizowany
Njedźelu do jutrow wotmě so po dwulětnym přetorhnjenju koronapandemije dla nětko lětuši 30. jubilejny Wostrowski nalětni běh nad Nysu. Na tutym wubědźowaše so wuspěšnje 392 atletow běhanja z Hornjeje a srjedźneje Łužicy, z Drježdźan, Mišnja, Lipska, Berlina kaž tež z pomjezneho čěskeho Libereca a pólskeho Zgorzeleca. Wurjadny rekord z 550 atletami w cilu kaž w lěće 2019 to wězo njebě. Tehdy njeje hišće nichtó z koronapandemiju ličił a tež wjedro běše najrjeńše nalětnje. Wěm, zo su někotři pandemije dla doma wostali a nječujachu so hišće dosć strowi resp. mějachu wulke zastatki w treningu.
Jednotliwe distancy wurisanjow běchu 0,8 km, 2,0 km, 4,0 kaž tež 12 km. Na nich wubědźowachu so lubowarjo běhanja a na 4 km tež lubowarjo walkinga wot předšulskeho dźěsća hač k 87lětnemu wuměnkarjej, kiž pak zranjenja dla do cila doběžeć njemóžeše. To je so jemu wot započatka wubědźowanja 1955 w běhanju (cyłkownje 1 060) hakle druhi króć stało. Mjez so wubědźowacymi běše tež zaso horstka serbskich sportowcow.
Sokoljo w pokalu koło dale
HZ Kumwałd/Šumbach – DJK Sokoł Ralbicy/Hórki 0:3
Zestawa hosći: Schöna, Janca (72. Hrjehor), Rachel (46. Šiman), Wałda, Šewc, Domaška, Šołta, Korjeńk (22. C. Matka), D. Gloxyn, Bejma, Nuck
We wosmifinalu wokrjesneho pokalneho koła su Sokoljo z Ralbic w Šumbachu zaćah do skupiny poslednich wosmjoch docpěli. Mustwo trenarja Christopha Gloxyna doby suwerenje z 3:0 přećiwo hrajnemu zjednoćenstwu Kumwałd/Šumbach. Hladajo na šansy Delanskich pak bě dobyće jasnje přeniske. Po tym, zo so Sokoljo zašły tydźeń hišće z wjele zranjenymi hrajerjemi bědźachu, běše mustwo na soboće zaso jara derje nastajene. Nimo rutinjejow Pětra Domaški a kapitana Stanija Šewca, běše so tež najlěpši třělc Sokołow Dawid Šołta zaso do prěnjeje zestawy nawróćił. Dalše wrota drje Šołta při comebacku docpěł njeje, za to pak je jědnatku, kotruž Denny Gloxyn k 1:0 (31.) přetwori, wuwojował.
Serbski derby njedźelu w Chrósćicach
Relegaciska hraza Worklečankiw Běłej Wodźe
TSG Hamor Běła Woda – Viktoria Worklecy 3:1 (25:20, 23:25, 25:17, 26:24)
Za Viktoriju Worklecy zasadźene běchu: Anja Bielowa, Marina Köhlerowa, Stefanie Köhlerowa, Jana Kralec, Anne Kurzetz, Christin Opicec, Jennifer Otto, Constanze Pašcyna, Rejzka Rawšec, Anita Salowskec, Katrin Spiesec, trenar: Stephan Mühl
Prěnje zastupnistwo wolejbulistkow Viktorije Worklecy bě so w aktualnej sezonje w 2. stafli wobwodneje ligi wuchodneje Sakskeje na čole zaměstniło. Z tym měješe wone móžnosć přez relegacisku hru, kotraž so sobotu tydźenja wotmě, do Sakskeje klasy postupić. Kontrahent TSG Hamor Běła Woda bě prěni z prěnjeje stafle. Tutón wopokaza so hižo w swojej stafli jako sylny přećiwnik. We wosom hrach doby wosom króć, z nimale stajnje z 3:0.
Sport zwjazuje čłowjekow
Pod tutym hesłom-nadpismom hrajachu srjedu tydźenja na Chróšćanskim sportnišću kopańcu. Tam nastupi Chróšćanska młodźina A přećiwo cyłkej misionskeho dwora z Lěskeje (Lieske). Zamołwići w Lěskej poskićeja tamnišim wobydlerjam mjenujcy tež kopańcu. Štyrjo hladarjo přewjedu zhromadnje ze zbrašenymi jónu wob tydźeń koparski trening. Aktualnje přihotuja so na integratiwny turněr „Isar-Cup“, kotryž so spočatk julija w Mnichowje přewjedźe. Tam wubědźuja so měšane mustwa, kiž wobsteja z hrajerjow z a bjez handicapa. Tuž bě testowa hra za inkluziske mustwo z Lěskeje dobra móžnosć swoje kmanosće na trawniku wuspytać.
Stota dypkowa hra za SJ Chrósćicy
Do zakopa hry SJ Chrósćicy přećiwo Drohotce Ramnow minjenju njedźelu bu Michał Młynk z Hórkow za swoju 100. dypkowu hru za Chróšćanow počesćeny. Wosebity dźeń bě sebi Młynk sam skulojćił, w tym zo zamó w hrě hnydom troje wrota třělić. Tak přinošowaše wón zdobom jasnemu dobyću SJ Chrósćicy z kónčnym stawom 5:0. W swojej karjerje za prěnje mustwo bě Michał Młynk cyłkownje 22 wrotow třělił. W hrajnymaj dobomaj 2019/2020 a 2020/2021 běše 25lětny za Rakečanske sportowe towarstwo aktiwny, po tym pak so zaso do Chrósćic nawróći. „SJ Chrósćicy je mustwo, do kotrehož moja wutroba słuša. Je to mustwo w kotrymž sym započinał kopańcu hrać, mam tu mnoho přećelow a nalada w mustwje je jara pozitiwna. Nimo toho chcu w serbskim mustwje hrać a w Chrósćicach móžu to na runinje krajneje klasy činić, štož je cyle wosebite za mnje. Wothladajo wot toho je w mustwje runje mnoho młodych hrajerjow, kotřiž maja mnoho potenciala a lóšt so stajnje polěpšeć“, tak Michał Młynk.
Wuslědki (03.05.22)
Kopańca, krajna klasa
1. FSV Wódrjeńca 02 14 61 : 13 37
2. SC Borea Drježdźany 14 50 : 10 35
3. SV Wesenitzal 14 33 : 17 33
4. BSV 68 Sebnitz 14 29 : 24 26
5. VfB Běła Woda 1909 14 26 : 13 22
6. TSV Rotac. Drježdźany 14 26 : 22 21
7. Drježdźanski SC 1898 14 30 : 23 19
8. Rakečanske ST 13 23 : 23 17
9. SJ Chrósćicy 14 23 : 25 15
10. SG Weixdorf 14 19 : 31 15
11. VfB Žitawa 14 18 : 33 14
12. Drohotka Ramnow 13 17 : 36 10
13. ST Sachsen. Drježdźany 14 9 : 46 9
