Widźał, słyšał, napisał (11.09.23)

póndźela, 11. septembera 2023 spisane wot:

Awtor dźensa

Tomaš Faska

Jenož derje, zo smy wčera popołdnju před wobrazowkami dožiwili zwjeselacy sportowy podawk, kiž sej bjeze wšeho dwěla zasłuži něšto k tomu napisać. Hewak bych drje so čuł winowaty, so němskej kopańcy wěnować, štož so mi mjeztym woprawdźe wjac nochce. Tuta je za mnje doskónčnje wotjěła Krakecam. Ze spokojnosću a wolóženjom jeničce na wědomje bjeru, zo su wčera popołdnju skónčnje njewuspěšnemu a njesebjekritiskemu narodnemu trenarjej Flickej wupowědźili, štož bě woprawdźe najwjetši čas. Hdyž-li nic pře po­zdźe, hladajo na klětuše europske mišterstwo w našim kraju. Ale, njech je, kaž je.

Sport (08.09.23)

pjatk, 08. septembera 2023 spisane wot:

Měšćanske běhi w Budyšinje

Za 29. Budyski měšćanski běh je so 1 138 běharkow a běharjow přizjewiło. Tradicionelny běh zahaji so sobotu, 9. septembra, w 10 hodź. na Młynkec łuce z běhom za swójby. Po tym móža so wobdźělnicy na najwšelakorišich čarach na distancach wot 400 metrow hač do 10 km wubědźować. Dźěćace a šulerske wubědźowanja přewjedu so w stadionje na běžni 400 m, hłowne běhi w sportowym kompleksu Humboldtowy haj.

10.00 hodź.  swójby a bambinije

10.30 hodź. distancy 0,8/1,2 km

12:45 hodź. distanca 3 km

13:45 hodź. 800 m za kóždeho

14:15 hodź. distanca 10 km

14:20 hodź. distanca 5 km

Sport w Delanach

We wobłuku babylěća w Ralbicach wubědźuja so dźensa wječor wot 20 hodź. pod swětłomjetakami wohnjowi wobornicy. Njedźelu steji na programje Ralbičanow konjacy sport, a to wot 13 hodź.

Jenož pokalne koparske hry

Na krajnej a tež na wokrjesnej runinje hraje so jutře a zajutřišim wo zaćah do přichodneho koła. Tak dyrbja Chróšćenjo jutře na přikład do Lubuša pućować a lokomotiwa z Lipska pojědźe do Budyšina.

09.09.  12:30  ST Lubuš II –

  SJ Chrósćicy II

09.09.  15:00  Traktor Malešecy –

  ST Radwor

09.09.  15:00  TSV Połčnica II –

  Wóslink/Skask./Kulow II

09.09.  15:00  HZ Wóspork –

  W. Dubrawa II/Radwor II

Raz, dwaj, tři – dobyli!

štwórtk, 07. septembera 2023 spisane wot:

SJ Njebjelčicy –

FSV Łuty II 4:1 (1:0)

Zestawa domjacych: Hahn – Reinecke, Hanuza, Domš, Matješk, Lehmann (Wagner), Čornak, Hrjehor, Rudolf, Herrmann (Schulze), Rachela

K třećemu hrajnemu dnjej witachu čerwjene košle koparsku rezerwu z Łutow. Po prěnimaj njezbožownymaj hromaj chcyše sej SJN prěnje dypki na konće zawěsćić.

Prěni połčas bě přerosćeny. FSV Łuty dyrbjachu hižo w prěnich mjeńšinach měnić. Přećiwniski wrotar bě so zranił. Jako narunanje přińdźe pólny hrajer. Přewaha SJN bě zahe pytnyć. W 40. min. zamó nowačk Rachela kulowatu kožu po róžku do přećiwniskich wrotow sunyć. Ze stawom 1:0 dźěše tež do połčasa.

Bojowniski wukon pokazali

srjeda, 06. septembera 2023 spisane wot:

ST Radwor –

Natwar Němske Pazlicy 1:1 (0:1)

Zestawa domjacych: Ehrlich - Paška (65. Mička), Šěrak, Pěčak, Glücklich, Castejon (83. Hetaš), Omran, Nuk, Reinecke, Schulze (87. Jatzwauk), Hančik (92. Dej)

Po wuspěšnym derbyjowym dobyću w Ralbicach chcychu Radworscy koparjo rozmach z Delan sobu do přichodneje winowatostneje hry wzać a sej dalše dypki wudobyć. Nadawk pak njebě runjewon jednory.

Na spočatku trjebachu domjacy tróšku časa, zo bychu so do hry dóstali. Tuž namakachu přećiwnicy přeco zaso dźěry, kotrež pak móžachu Radworscy škitarjo spěšnje zaso zatykować. Bojownisce njemóžeše hrajerjam trenarja Petera Grenzemanna žadyn porok činić. Z tutej bojownosću móžachu sej hosćićeljo přeco zaso bule wuwojować a konterować. Jenož před wrotami njeběchu runjewon wuspěšni. Jeničce zmylk w hrajnym natwarje zniči dotal stabilnu hru. Zhubjenje bulow wotewěraše dźěry na křidłomaj. Jednu tajku přećiwnik wuži a w 39. min. k 1:0 trjechi. Hač do wothwizdanja pak bě Radwor lěpše mustwo.

Paul Domš a Filip Kral faworitaj

srjeda, 06. septembera 2023 spisane wot:
Zejičan Paul Domš (naprawo, Dumperowy team Adelsdorf), amtěrowacy dumperowy mišter Němskeje, je njedźelu w Baćonju pola Donatec z dobyćom štwórteho běha wo Němske dumperowe mišterstwo (DDM) w cyłkownym hódnoćenju dypkowu ličbu z Róžeńčanom Filipom Kralom wurunał. Z tym změje finalny běh 21. oktobra dweju faworitow na cyłkowne dobyće. Třeći bu wčera Frank Domš, štwórty Markus Donat. Wobdźěliło bě so w Baćonju 25 jězdźerjow. Foto: Jan Hrjehor

Wotewrjenu hru dobyli

wutora, 05. septembera 2023 spisane wot:

SJ Drjewnica –

SJ Chrósćicy II 0:2 (0:0)

Zestawa hosći: Škoda – Sćapan (82. Klemenc), M. Donat, Zynda, Mark (68. Kola), Domaška, Handrik, Liznar (57. Matik), B. Donat (82. Graf), Zahrodnik, Paška

HZ Rakecy/Minakał II –

ST Marijina hwězda 0:4 (0:4)

Zestawa hosći: Matik – Wróbl, K. Pakoßnik, Weclich, Peschmann (63. Zynda), R. Cyž, Ch. Cyž, Zelnak, Eldor, Kurink, Bulank (86. Šnajder)

Znowa dyrbjachu koparjo Marijineje hwězdy wonka nastupić. Tónraz dźěše jězba k druhemu zastupnistwu Rakec, kotryž twori wot noweje sezony hrajne zjednoćenstwo z druhim mustwom z Minakała.

Rodźeny Radworčan Stani Handrik a jeho teamowy partner Tim Ackerman z Drježdźan staj druhi raz za sobu europskaj mištraj we łójenju šćukow. Při třidnjowskim turněrje Predator-Tour Sweden wułójichu sej za šěsć šćukow cyłkownje 661 dypkow. W přerězku běše tuž kóžda šćuka něhdźe 110 centimetrow dołha. Najwjetšu wućehnje Stani Handrick na prěnim dnju wubědźowanja. Tuta měrješe 119,8 centimetrow. Wubědźowałoj běštaj so při Vänern, najwjetšim jězoru šwedskej, z cyłkownje 71 mustwami z cyłeje Europy. Tute wubědźowanje dwójce za sobu dobyć so dotal nikomu poradźiło njeje. Foto: Stani Handrik

Poražka w poslednich mjeńšinach

wutora, 05. septembera 2023 spisane wot:

ST Wesenitztal –

SJ Chrósćicy 2:1 (1:0)

Zestawa SJC: Králíček – Mark, Runt, Sentiwan, Matješk, L. Zahrodnik, M. Zahrodnik, Hawš (76. Matik), G. Zahrodnik, Młynk, Bogusz

Sobotu wojowachu Chróšćenjo we Wesenitztalu wo dypki. Wobaj cyłkaj běštej z dwěmaj poražkomaj do sezony startowałoj. Chróšćenjo chcychu wysoku poražku zašłeje njedźele zabyć a skónčnje dypkować.

Wuslědki (05.09.23)

wutora, 05. septembera 2023 spisane wot:

Kopańca, krajna klasa

ST Wesenitzal – SJ Chrósćicy 2:1 (1:0)

Niska – Wojerowski FC 1:1 (1:0)

Póst Budyšin – Radebergerske ST 2:1 (1:0)

1. FV Přezjednota Niska 3 14 : 1 7

2. FSV Nowosólc-Hródk 3 7 : 1 7

3. SG Weixdorf 3 7 : 3 6

4. BSV Sebnitz 3 9 : 6 6

5. Póst Germania Budyšin 3 6 : 5 6

6. VfB Běła Woda  3 7 : 11 6

7. Drježdźanski SC  3 4 : 3 5

8. SZ Drježdźany Strěžin 3 3 : 2 5

9. Wojerowski FC 3 3 : 3 4

10. FSC Wódrjeńca  3 6 : 6 3

10. Módro-běli Zschachwitz 3 6 : 6 3

12. ST Wesenitzal 3 5 : 8 3

13. Rakečanske ST 3 4 : 12 3

14. TSV Rotacija Drježdźany 3 5 : 7 1

15. Radebergerske ST 3 5 : 9 1

16. SJ Chrósćicy 3 2 : 10 0

Wokrjesna liga stafla I

Rakecy/Minakał II – M. hwězda 0:4 (0:4)

SZ Drjewnica – SJ Chrósćicy II 0:2 (0:0)

ST Porchow – TSV Wjernarjecy 5:2 (2:2)

1. Arnsdorfske KT 3 12 : 2 9

2. Bretnig-Hauswalde 3 12 : 3 9

3. ST Porchow 3 11 : 4 7

4. ST Marijina hwězda 3 12 : 6 6

5. SJ Chrósćicy II 3 6 : 5 6

6. HZ Huska/Hodźij 3 8 : 5 5

7. Motor Kumwałd 2 6 : 5 4

8. ST Wjelećin 3 10 : 11 3

9. TSV Wjernarjecy 3 7 : 10 3

10. SZ Steinigtwolmsdorf 3 7 : 11 3

11. TSV Wjazońca 3 4 : 7 2

12. HZ Frankenthal 3 3 : 10 0

13. HZ Rakecy II/Minakał II 2 1 : 10 0

14. SZ Drjewnica  3 2 : 12 0

nowostki LND