Z bojownosću dale

wutora, 04. apryla 2017 spisane wot:

Sokoł Ralbicy/Hórki

– ST Ćisk 3:2 (1:1)

Zestawa domjacych: Ch. Gloxyn – Rawš, Zynda, Korjeńk, B. Bjeńš, Šewc, D. Gloxyn, T. Bejma (26. Wałda/87. Wowčerk), B. Bejma (92. Kurjat), S. Bjeńš, Domaška

Wjac hač 130 přihladowarjow dožiwi njedźelu w Ralbicach bój w štwórćfinalu wokrjesneho koparskeho pokala. Načolnik wokrjesneje wyšeje ligi přichwata do Stadiona přećelstwa. Sokoljo hrajachu wot spočatka z njesměrnym sebjewědomjom jako zakitowar pokala a pokazachu hosćej, zo chcedźa na kóždy pad znowa do finala. Wot spočatka hrajachu woni­ ze sylnym pressingom a nuzowachu Ćišćanow tak k zmylkam. W 15. min. domjacy po rjanej kombinaciji nawjedowachu, jako Denny Gloxyn sobu běža­ceho Stefana Bjeńša nahra, a tón kulowatu kožu jenož hišće do wrotow suny. Ralbičenjo dale atakowachu, a hosćo njewědźachu sej žaneje rady. Po tym zo wo­tedachu w srjedźnym polu njetrjebawši bul, podachu so prěni raz ze spěšnosću na wrota Chrystofa Gloxyna. A niska třělwa z ničeho kuleše so do saka k wurunanju (42.). Tuž dźěše z remisom do přestawki.

35. sokołski turněr wuspěšny

póndźela, 03. apryla 2017 spisane wot:

Tójšto nowych idejow zwoprawdźili

Čłonojo Serbskeho Sokoła z.t. běchu sej za swój 35. volleyballowy turněr wo pokal Domowiny, kotryž su sobotu w sportowej hali na Budyskim Třělnišću přewjedli, tójšto nowostkow wumyslili a tež zwoprawdźili. Prěni raz njejsu na přikład zakitowarja pokala – Sportowych přećelow z pólskeje Tokarnje – přeprosyli, dokelž njehodźeše so přepruwować, w kotrych volleyballowych klasach woni doma­ hraja. Jich hrajny niwow bě za wólnočasny volleyballowy turněr prosće přewysoki. Bjez serijoweho dobyćerja minjenych lět wuwi so lětsa zajimawe wubědźowanje, při kotrymž měješe znajmjeńša dźesać cyłkow wuhlady na pokal. Domowina dyrbješe nowu pućowansku trofeju wobstarać, dokelž smědźachu sej Polacy dotalnu zdźeržeć.

Domjacu seriju dobyćow rozšěrili

póndźela, 03. apryla 2017 spisane wot:

SJ Chrósćicy

– Biskopičanske KT 08 II 4:0 (1:0)

Zestawa domjacych: Králíček – Pöpel, Cyž, Sentivan, Šafář, Młynk (70. F. Zahrodnik), M. Zahrodnik (59. Schulze), Bětnar (65. Kunze), Henčl, Věchet, Žur

Prěnje koparske mustwo Chróšćanskeje SJ ma na swojim dypkowym konće dalše tři ličaki. Hižo třeće to dobyće na domjacym trawniku w druhej połseriji. Hačrunjež steji přećiwnik z Biskopic z tójšto dypkami zastatka na poslednim městnje tabulki, warnowaše domjacy trenar Pavel Runt swojich chowancow do partije před bojowniskim cyłkom. Wot wšeho spočatka běše tež jasne, zo njebudu na chětro dźěratym trawniku móc žanu wulce spodobnu kopańcu hrać. Bul přeco zaso njejapcy směr měnješe a chětro skakaše. Po spočatnym počuchanju sy­dachu pak dobre nadběhi na woběmaj stronomaj. Po jednym tajkim zwrěšći Radim Věchet na wrotarju, po druhim zhłójčkowa Michał Młynk snadnje wyše łaty. Hosćo pytachu swoje zbožo z třělwami z druheho rynka. W 34. min. móžachu domjacy skónčnje wyskać. Po dobrym­ nadběhu přez Věcheta a To­ma Henčla wuži Simon Žur składnosć k 1:0.

Widźał,słyšał, napisał (03.04.17)

póndźela, 03. apryla 2017 spisane wot:

Awtor dźensa

Stefan Šmit

Dokal powjedźe jenož puć regionalneho koparskeho ligista Budissa Budyšin? To so zawěsće jenož ja njeprašam. Sym sej wěsty, zo tež jenož ja sej woprawnjene starosće wo přichodźe tamnišeho prěnjeho mustwa nječinju. Z tučasnje hakle dwěmaj dobyćomaj, dźewjeć remisami a pjatnaće poražkami steji Budyšin mjenujcy hižo někotre tydźenje na předposlednim a tak na jednym z dweju zestupneju městnow w štwórtej najwyšej koparskej lize Němskeje. Tež trenar, znaty něhdyši nadběhowar Dynama Drježdźan Torsten Gütschow, hišće ničo na sportowej situaciji Budissy změnił njeje. Tola kak póńdźe dale?

Hač do kónca hry so njepodali

póndźela, 03. apryla 2017 spisane wot:

SC Großröhrsdorf II

– ST Marijina hwězda 4:0 (2:0)

Zestawa hosći: Schmidt – Wróbl, Škoda, Jurš, Bejmak, F. Peschmann, Hawš, Pakoßnick, T. Peschmann, Schulz, Sćapan

Trenar koparjow ST Marijineje hwězdy Tobias Škoda měješe za hru w Großröhrsdorfje runje jědnaćoch k dispoziciji, dokelž je lisćina zranjenych hrajerjow přeco hišće chětro dołha. Nimo toho běchu někotři na dźěle abo na dalekubłanju. Tež někotři z klóšterskeje koparskeje rezerwy dyrbjachu wupomhać. Přiwšěm chcychu so z dypkom nawróćić.

Po kapitalnym zmylku w škiće hosći pak reagowaše Hans-Jürgen Eckart najspěšnišo a přetwori k 1:0 (6.). Zažny zastatk postara so wo njewěstosć w rjadach Pančičanskich koparjow, a domjacy cyłk přewza iniciatiwu. Nadźěłajo sej šansu po šansy zwyši hosćićel krótko do přestawki po rjanej akciji na 2:0 (43.).

Wuslědki (03.04.17)

póndźela, 03. apryla 2017 spisane wot:

Wokrjesna koparska liga, stafla III

Großröhrsdorf II – Mar. hwězda 4:0 (2:0)

Frankenthal – Němske Pazlicy 0:1 (0:0)

Liegau-Augustusbad – Njebjelčicy 0:4 (0:2)

1. SG Großnaundorf 17 56  : 15 42

2. Natw. Němske Pazlicy 17 42  : 21 38

3. TSV Wachau 16 57  : 22 35

4. SJ Njebjelčicy 17 32  : 27 30

5. SV Haselbachtal 17 40  : 26 28

6. SG Frankenthal 17 36  : 26 26

7. Zeleno-běli Sepicy 17 40  : 34 26

8. SC Großröhrsdorf II 17 36  : 32 25

9. Arnsdorfske KT 17 22  : 25 22

10. ST Marijina hwězda 15 23  : 26 18

11. SV Hermsdorf 17 24  : 45 16

12. SZ Wóslink/Skaskow 17 17  : 49 11

13. ST Drjewnica 17 13  : 52 10

14. Liegau-Augustusbad 16 17  : 55 5

krajna klasa

Zschachwitz – Mužakow 3:5 (2:3)

Chrósćicy – Biskopicy II 4:0 (1:0)

1. Radebeul 17 40  : 11 46

2. Laubegast 15 44  : 20 34

3. Mužakow 16 41  : 24 33

4. Neugersdorf II 16 41  : 17 31

5. Nowosólc-Hródk 16 31  : 32 23

6. Drježdźanski SC 16 31  : 29 21

7. Chrósćicy 16 26  : 25 21

8. Horni kraj Sprjewja 14 35  : 35 18

9. Nowe Město 15 26  : 32 18

Sport (31.03.17)

pjatk, 31. měrca 2017 spisane wot:

Volleyballowy turněr Sokoła

Serbski Sokoł wuhotuje jutře, zhromadnje z cyłkomaj Škit Budyšin a Mustwo 1296 35. sokołski volleyballowy turněr wo pokal Domowiny. Za njón je so cyłkownje 18 cyłkow přizjewiło. Wubědźować budu so wone na štyrjoch hrajnišćach w hali na Budyskim Třělnišću. Sćoplić móža so mustwa wot 8 hodź., nastup je za 8.15 hodź. planowany a prěnje hry započnu so we 8.30 hodź. Finalnej dwubojej wo městnje 3 a 1 wotmějetej so wot 14.10 hodź. na wulkim volleyballnišću.

Překwapjenka hišće móžna

We wobwodnej volleyballowej lize wuchodneje Sakskeje hraje prěnje mustwo Viktorije Worklecy jutře pola OSC Lubija wo mišterstwo. Serbscy volleyballisća dyrbja prěni duel dnja z 3:0 dobyć. Jeli domjacy cyłk druhu partiju dnja tež 3:0 přećiwo načolnikej tabulki JTVG Fitnes Koblicy z 3:0 dobudźe, maja Kobličenjo a Worklečenjo samsnu ličbu wulkich dypkow a samsny sadźbowy poměr.

Pokalne duele w štwórćfinalu

Mustwo pytane

štwórtk, 30. měrca 2017 spisane wot:
Dwójna nula, wólnočasne volleyballowe mustwo z Pančic-Kukowa, je dźensa rano wobdźělenje na 35. sokołskim volleyballowym turněru wo pokal Domowiny wotprajiło. Trěbny je nětko narunanski cyłk za sobotne wurisanje w sportowni na Budyskim Třělnišću. Přizjewić móžeće so pola Jana Hrjehorja w Róžeńće. SN

ST Lubuš

– Sokoł Ralbicy/Hórki II 3:0 (2:0)

Zestawa hosći: Cyž – Bogusz, M. Matka, Šnajder, Kobalc, Serbin, Čórlich, Gerlich, Jakubaš, J. Matka, Wowčerk (46. T. Matka)

Po domjacej poražce přećiwo Łutam wjedźeše jězba koparskeje rezerwy Sokoła do susodstwa Łutowčanow, a to do Lubuša, kotryž bě swoje zašłe tři hry přěhrał. Šansa, duel dobyć, za nju potajkim wobsteješe. Wšitke předewzaća pak so dospołnje nimokulichu. Ralbičenjo dachu sej troje wrota napraskać a přisadźichu nimo toho hišće hrajerja.

Wjedro běše wuběrne a trawnik derje spřihotowany. Jenož hra běše špatna. Prěnju móžnosć wrota docpěć mějachu Sokoljo. Handrij Jakubaš zhłójčkowa bul snadnje pódla wrotow. W 20. min na tamnej stronje klinkaše. Srjedźopólny hrajer bě so z dołhej přihrawku hač na zakładnu liniju předrěł, a wróćohraty bul Matthias Stoyan k 1:0 přetwori. W 39. min. dóńdźe k předrozsudej. Gabriel Čórlich zawini jědnatku, dokelž bě swojemu wrotarjej pomhać chcył. Sudnik pokaza jemu na to čerwjenu kartu. Tak budźe Konječan znajmjeńša dwě hrě pobrachować. Jědnatku Marco Schneider wěsće přetwori.

Wjele prócy a potu a samo kreje za tři dypki

štwórtk, 30. měrca 2017 spisane wot:

Drohotka Ramnow

– Sokoł Ralbicy/Hórki 1:3 (1:0)

Zestawa hosći: Ch. Gloxyn – Rawš (9. Schultz), B. Bjeńš, Šewc, Bejma (93. Zynda), Korjeńk, Wałda (46. S. Bjeńš), D. Gloxyn, Domaška, Kurjat

Serbska debata

nowostki LND