Naraz w kabinje stał

srjeda, 03. meje 2017 spisane wot:

Jako je kónc februara po hrě we Wjazońcy Tomaš Henčl naraz w sokołskej kabinje stał, koparjo Sokoła Ralbicy/Hórki špatnje njehladachu. 52lětny Łušćan jim tehdy poskići, mustwo krótkodobnje jako trenar přewzać. Přiklesk a předwjeselo mjez hrajerjemi běštej wězo njesměrnje wulkej. Dlěje hač 20 lět bě Henčl w Ralbicach hižo­ raz jako kopar a trenar skutkował, prjed hač dźěše k Budissy Budyšin, kotruž stajnje wuspěšnje nawjedowaše. Tež w Kamjencu dźěše z nim jenož do jednoho směra: Horje! Po dalšim zasadźenju w Budyšinje je so wón nětko zaso do Ralbic wróćił. Henčlowy přikład je něhdyši trenar Hans Mayer. Najradšo wobhladuje sej Łušćan hry FC Liverpoola, dokelž lubitej so jemu tam wosebita atmosfera kaž tež hrajerski stil. Što so jemu na delanskich Sokołach spodoba a kak je poprawom k tomu dóšło, jich zaso trenować, je Tomaš Henčl Jurjej Bjeńšej powědał.

Knježe Henčlo, mnozy so dźiwachu, jako słyšachu, zo sće zaso w Ralbicach trenar. Móžeće skrótka rysować, kak je k tomu dóšło?

Na Kulowskim jěchanišću su konjacy sportowcy minjenu njedźelu tak mjenowanu zelenu sezonu zahajili. Něhdźe pjećstow přihladowarjow dožiwi tam sto jěcharkow a jěcharjow. Sportowče a sportowcy běchu ze swojimi konjemi z cyłkownje jědnaće jěchan­skich towarstwow z Braniborskeje a Sakskeje do Kulowa přijěli. Na wobrazu widźimy Terezu Šołćic z domjaceho sportoweho towarstwa. Foto: Werner Müller

Sokoł Ralbicy/Hórki

– SC Großröhrsdorf 2:0 (1:0)

Zestawa domjacych: Ch. Gloxyn – Matka, Korjeńk, Zynda, B. Bjeńš, Šewc, D. Gloxyn, Wowčerk (85. Lulak), Kurjat (88. Gerlich), S. Bjeńš, Bejma

Do Ralbic přijědźe minjenu njedźelu koparske mustwo z Großröhrsdorfa, přećiwo kotremuž Sokoljo w dypkowych hrach minjene lěta ženje dobyli njeběchu. Jeničce pokalne połfinale so jim loni poradźi. Tónraz chcychu skónčnje negatiwnu seriju přetorhnyć a sylneho kontrahenta přewinyć. Wjacorych delanskich akterow pak dyrbješe trenar Tomaš Henčl zranjenja abo dowola dla narunać, a to so jemu znowa wulkotnje radźi.

Z krutej wolu k dobyću

wutora, 02. meje 2017 spisane wot:

FC Hornja Łužica Neugersdorf II

– SJ Chrósćicy  0:2 (0:0)

Zestawa hosći: Králíček – Pöpel, M. Zahrodnik, Sentivan, Šafář, Młynk, Schulze, Runt (46. Budar, 80. Kunze), F. Zahrodnik (90. L. Zahrodnik), Henčl, Věchet

Z personelnymi problemami měješe so koparski trenar SJ Chrósćic Pavel Runt dny do hry bědźić. Nimale kóždy dźeń so dalši hrajer wšelakich přičin dla wotzjewi. Hižo do partije wupraji wón tuž wulki dźak Pascalej Budarjej (druhe mustwo SJ Chrósćicy) a Lucianej Zahrodnikej (młodźina A SJ Chrósćicy) za wupomoc, zo by znajmjeńša třoch koparjow na ławce měł. Mustwo pak so wot wšeho toho njezatraši. Tak měješe wone hižo po dźesać mjeńšinach tři dobre składnosće. Dwójce samo přećiwniskeho wrotarja přewiny, na liniji pak škitar wrotam zadźěwa. Třeći króć mjezwočo wrotarja nawjedowanje wotwobara. Při nadběhach domjacych mějachu Chróšćenjo wosebje při dołhich třělwach problemy na křidle. Někotre razy móžeše tak wonkowny lěwy hrajer Neugersdorfa flankować. Na zbožo pak dobre składnosće njewužiwaše. Ze sylnym 0:0 dźěše tuž do kabiny.

ADAC MX Masters na Kaponicy

wutora, 02. meje 2017 spisane wot:

Trójny champion Ullrich połnu ličbu dypkow w Jaworje docpěł

Druhe zarjadowanje ADAC MX Masters w Sakskej pola MC Jawory steješe cyle w znamjenju trójneho championa Dennisa Ullricha (23, KTM Sarholz Racing Team). Motocrossowy jězdźer z Kämpfelbacha je njedźelu wobaj běhaj dobył. „Potajnstwo mojeho wuspěcha drje leži w tym, zo hinak trenuju hač moja konkurenca. Njepodawam so stajnje na limit a njedawam telko płuna. Njejsym snano w kwalifikaciskich běhach stajnje najspěšniši, wažne su hódnoćenske běhi“, 23lětny měnješe. Druhi najlěpši bě njedźelu w kralowskej klasy Hunter Lawrence (17, Team Suzuki World MX2) z Awstralskeje, kiž jězdźi hewak wo swětowe mišterstwa. Braniborčan Christian Bro­ckel (33, KTM GST Berlin) bu w cyłkownym hódnoćenju třeći. Lěpši wuslědk by sej lokalny matador Dominique Thury (24, KTM GST Berlin) přał. Saksa z Bad Schlemy bě ze swojej KTM dźewjaty.

Widźał,słyšał, napisał (02.05.17)

wutora, 02. meje 2017 spisane wot:

Awtor dźensa

Tadej Cyž

W prěnjej zwjazkowej koparskej lize so sezona pomału nachila. Po tym zo je sej Bayern Mnichow znowa mišterski titul wudobył, je w tymle prašenju hižo wšitko rozsudźene. Přiwšěm njemóža Bayerojo z hrajnej dobu spokojom być. Wosebje konsekwentne a strukturowane dorostowe dźěło su w Mnichowje minjene lěta zapasli. Nětko dyrbja najprjedy raz kmany koncept za swójske talenty wutworić a so na někotrych pozicijach zesylnić. Sylni dosć su tuchwilu jeno za němske mišterstwo, nic pak za triple. Dwěluju tež na tym zo je Carlo Ancelotti prawy trenar, zo bychu so swójske talenty do profijoweho kadra­ zapřijeli. Najwjetši problem pak je, zo nimaja Mnichowčenjo chwile. Wuspěch trjebaja a chcedźa lěto wob lěto. Tuž je za młodych koparjow ćežko so etablěrować.

Dypkowu hru z dźewjećomi skónčili

wutora, 02. meje 2017 spisane wot:

Rakečanske ST II

– Sokoł Ralbicy/Hórki II 5:1(2:0)

Zestawa hosći: J. Matka – M. Matka, T. Matka, Młynk, Gloxyn, Šěn, Čórlich, Kobalc, Serbin, Gerlich

Čitarjow, kotřiž wočakuja rozprawu wo bojowniskej koparskej hrě, dyrbju přesłapić. Přičina, zo Sokoljo hru z jeno dźewjeć hrajerjemi skónčichu, je hinaša a zdo­bom zrudźaca. Tójšto wupadow njemóžachu woni kompensować a startowachu tuž z jeno dźesać hrajerjemi. Nažel so tež hišće Čórlich w 40. min. zrani a dyrbješe hrajnišćo wopušćić. To wšak domjacy hižo z 2:0 (7., 35.) nawjedowachu. Ralbičenjo sami mějachu přez Feliksa Šěna jednu dobru składnosć.

Po přestawce poradźichu so hosćom samo wrota. Po kombinaciji Denny Gloxyn – Markus Gerlich dósta Šěn bul a skrótši na 2:1 (51.). Wězo njebě móžno z kontrahentom přez cyły čas sobu dźeržeć a tak dyrbjachu Sokoljo dalše troje wrota přijimać (66., 72., 75.). Wrota padnychu stajnje zmylkow Sokołow dla. Ale z dwěmaj hrajerjomaj mjenje to tež njezadźiwa. Maik Brězan

ST Radwor

– HZ Wulke Ždźary 3:1 (2:1)

Zestawa domjacych: Ch. Šěrak – Henka, Zähr, Omran, Zimmermann, Nuk, von Karwin, Winar (80. Wjeńka), Schulze, Mark, Kurjat (60. Hančik)

Prěnje koparske mustwo ST Radworja měješe w domjacej hrě přećiwo načolnikej z Wulkich Ždźarow móžnosć, dypkowu diferencu dale pomjeńšić. Tak dźěše z wulkim elanom do hry a móžeše nimale cyły prěni połčas na swoje konto knihować. Hrajersce kaž tež bojownisce móžachu přeswědčić. W 19. min. pak nawjedowaše hósć z prěnim dobrym nadběhom. Tobias Wersch bu wot Daniela Kühne­lta na puć pósłany. Z podpěru domjaceho wrotarja Chrystofa Šěraka poradźi so jemu 0:1. Radworčenjo so wot zastatka zatrašić njedachu a spytachu z angažowanym hraćom mjezywuslědk korigować. Z dwójnym dyrom Daniela Nuka zwjertnychu hru w běhu dweju mjeńšin (25. a 27.) k nawjedowanju, štož bě w tym času wjac hač zasłužene. Wólny kop Měrćina Kurjata bě do toho na łatu (22.) prasnył, a Omran Abdullah trjechi w druhim pospyće jeno žerdź (31.).

Wuslědki (02.05.17)

wutora, 02. meje 2017 spisane wot:

Krajna koparska klasa

Nowe Město – Drježdźanski SC 4:0 (0:0)

Neugersdorf II – Chrósćicy 0:2 (0:0)

Radebeul – Horni kraj Sprjewja 3:0 (1:0)

Nowosólc-Hródk – Zschachwitz 6:1 (4:0)

Mužakow – Trjebin2:0 (1:0)

Laubegast – Biskopicy II 1:0 (0:0)

1. Radebeul 19 44  : 14 49

2. Mužakow 19 46  : 25 42

3. Laubegast 19 55  : 25 41

4. Nowosólc-Hródk 20 44  : 36 32

5. Neugersdorf II 19 45  : 26 31

6. Horni kraj Sprjewja 19 45  : 44 27

7. Drježdźanski SC 19 34  : 35 25

8. Nowe Město 18 32  : 33 25

9. SJ Chrósćicy 20 29  : 34 25

10. SG Weixdorf 19 32  : 46 20

11. ST Trjebin 20 30  : 52 20

12. Zschachwitz 20 36  : 63 16

13. Biskopičanske KT II 19 15  : 54 0

wokrjesna liga, stafla II

Lubuš – Njeswačidło4:3 (2:2)

Wulke Ždźary – Rakecy II 2:1 (0:0)

Łaz/Běły Chołmc – Hory II 4:2 (1:1)

Ralbicy/Hórki II – Wojerecy II 0:3 (0:2)

Łuty – Radwor1:1 (1:0)

Nadrózna Hrabowka – Bluń 4:0 (1:0)

1. HZ Wulke Ždźary 20 49  : 27 43

2. ST Radwor 20 62  : 24 38

3. HZ Łaz/Běły Chołmc 20 48  : 29 38

4. ST Ćisk II 20 35  : 27 36

5. ST Lubuš 20 42  : 30 33

6. FSV Łuty 20 39  : 25 30

7. Nowe Město II 20 31  : 36 27

8. LSV Hory II 20 33  : 38 24

9. ST Nadr. Hrabowka 20 37  : 43 24

10. Rakečanske ST II 20 29  : 38 24

11. Wojerowski FC II 20 37  : 53 22

12. Mód.-běli Njeswačidło 20 36  : 54 18

13. LSV Bluń  20 29  : 52 16

14. Sokoł Ralbicy/Hórki II 20 21  : 52 10

wokrjesna liga, stafla I

Budyšin – Porchow1:1 (0:1)

Hodźij – Concordia Załom 0:2 (0:2)

1. Traktor Malešecy 20 70  : 21 46

2. ST Horni kraj Sprj. II 20 78  : 30 45

3. ST Budyšin 20 56  : 23 38

4. FV Concordia Załom 20 60  : 29 36

5. TSV Wjernarjecy 20 44  : 34 35

Sport (28.04.17)

pjatk, 28. apryla 2017 spisane wot:

Europska elita na Kaponicy

ADAC MX Masters, najwjetša motocrossowa serija Europy, je wot dźensnišeho hač do njedźele z hosćom na Jaworskej Kaponicy. Přizjewiło je so 240 pilotow z 25 narodow. Jutře trenuja woni wot 9 do 12 hodź. a wubědźuja so wot 13 do 17.25 hodź. Njedźelu započnje so trening w 10 hodź. a prěni běh w 11.30 hodź.

Kćenjowe běhi a kolesowanje

W Kamjencu změja njedźelu, 7. meje, wulki sportowy program. Wot 10 hodź. přewjedu tam we wobłuku 19. łužiskeho kćenjoweho běha wodźene kolesowarske tury. Jedna rěka „Mjez serbskej tradiciju a modernu“. Start na 80 km budźe w 10 hodź. a na 50 km dźesać mjeńšin pozdźišo. Wot 11 hač do 14.20 hodź. wotměja na Kamjenskim torhošću dźesać běhanskich wurisanjow. Mjez nimi je tež duatlon (běh – kolesowanje – běh).

Wokrjesne wubranki hraja

W Hlinowcu pola Kamjenca přewjedu wokrjesne wubranki U 14 Sakskeho koparskeho zwjazka SFV jutře, 29. apryla, a póndźelu, 1. meje, turněr. Wobaj dnjej započnje so mocyměrjenje najlěpšich dorostowych koparjow Sakskeje w 10 hodź.

Koparski derby

Serbska debata

nowostki LND