Prěnje koparske mustwo ST Marijineje hwězdy je so wčera w druhim ...
Po zastatku hru kontrolowali
FSV 63 Luckenwalde
– FSV Budissa Budyšin 1:4 (1:2)
Zestawa hosći: J. Jakubov – Kolan (82. Fröhlich), Klippel, Patka, Čermák, Hoßmang, Reher, Rosendo, Kral (65. Heppner), Salewski, Walther (85. Pfanne)
Po dwěmaj domjacymaj partijomaj dyrbjachu koparjo Budissy Budyšin w Luckenwaldźe nastupić. 400 přihladowarjow widźeše dosć porjadnu hru, postajanu zwjetša wot Budissy. 1:0 pak trjechi hosćićel (5.). Budissa njeda so znjeměrnić a ćišć zwyši. Jako běžeše Reher do šěsnatki, zawinowa Luckenwaldski wrotar jědnatku. Hoßmang ju k 1:1 (12.) wěsće přetwori. Budissa njepopušći a nadźěła sej wjacore móžnosće. Hakle po wólnym kopje Walthera pak zhłójčkowa Klippel k 1:2 (31.). Krótko do połčasa móhł Diouf hišće wurunać, ale z bliskosće třěli wón wyše wrotow.
W druhim połčasu chcyše domjacy cyłk wězo wurunanje, hra pak wjedźeše do cyle hinašeho směra. Dalši wólny kop Walthera zhłójčkowa Patka k 1:3 do wrotow (47.). Budyšenjo mějachu přećiwnika wotnětka jasnje pod kontrolu a nadźěłachu sej dalše móžnosće. Dwójny pas mjez Waltherom a Reherom zakónči Walther z wrotami k 1:4 (78.). Wuběrne to dobyće Budissy po jara dobrym wukonje. Clemens Werner
Zelena swěca koparskeho zwjazka
Hrajny wuběrk Zapadołužiskeho koparskeho zwjazka je z tym přezjedny, zo so koparskej dypkowej hrě Ralbicy – Rakecy a Hnašecy – Chrósćicy wot 25. junija 2016 doprědka přepołoža. Tón dźeń mjenujcy budźe w Južnym Tirolu finale Europeady 2016. Trenarjej wubranki Frank Ričel a André Strelow ličitaj tučasnje z wjacorymi Chróšćanskimi a Ralbičanskimi hrajerjemi, kotrychž chcetaj w Italskej zasadźić.
Finalne pokalne hry 18. a 19. junija pak Zapadołužiski koparski zwjazk njepřepołoži. Ralbičanske kaž tež Chróšćanske mustwo stej hišće w pokalnym kole. Wobě matej potajkim hišće móžnosć, kónčnu hru docpěć.
Dyrbja dale sćerpni być
Wostanu na čole tabulki
W Budyšinje čakaštej na volleyballistow ST Marijineje hwězdy sylnej mustwje. Wokrjesny mišter Budyšin- sewjer bě prěni přećiwnik, z kotrymž mějachu so mužojo wokoło kapitana Marka Kowarja rozestajeć. Po tym łakaše na nich MSV Budyšin 04 IV. Pančičenjo pak móžachu z połneho čerpać. Jědnaće sportowcow bě k dispoziciji a chcyše z přećiwnikom mocy měrić.
Budyšin-sewjer – Marijina hwězda 0:2 (21:25, 21:25)
Za ST Marijinu hwězdu započa šestka, kotraž bě hižo na prěnim hrajnym dnju we Wósporku wuspěšna. Jeničce za schorjeneho Metoda Šołtu zaskoči Jurij Bjeńš. A wón ćežki nadawk pře wšu měru wuspěšnje zmištrowa. Přeco zaso zwrěšći Budyski nadběh na jeho sylnym bloku. Tež w nadběhu Pančićenjo přeswědčichu. Přez cyłu sadźbu woni snadnje nawjedowachu. Na kóncu hišće připołožichu a jasnje dobychu.
Blamažu runje tak wotwobarali
FC Łužica Wojerecy
– Sokoł Ralbicy/Hórki 2:3 (1:1)
Zestawa hosći: Gloxyn – Lulak, Schultz, B. Bjeńš, von Köding, Šołta, S. Bjeńš, Bejma (59. M. Kurjat), Wałda, Korjeńk, G. Kurjat
Pokal ma swójske zakonje! Tale štučka je najskerje tak stara kaž pokal samy. Koparjo Sokoła Ralbicy/Hórki móža wo tym nětko dalšu podawiznu powědać. Jězba wjedźeše jich k Łužicy Wojerecy, hdźež we wulkim stadionje nastupichu. Ralbičenjo běchu wězo faworit, byrnjež domjacy na dobrym 2. městnje we wokrjesnej lize stali. Po dźesać mjeńšinach třěli Sokoł 1:0. Šołta bě mócnje do dołheho kuta trjechił. Jenož pjeć mjeńšin pozdźišo ležeše bul znowa w saku. Gabriel Kurjat bu do haski pósłany a połoži bul pódla wrotarja, kotryž Wałda přez liniju storči. Pobóčny sudnik pak rozsudźi na jara dwělomnu nimohru. W dalšim hrajnym času wustupowachu hosćo z mócnym pressingom a wudobychu sej tak wjele bulow. Poslednja preciznosć pak agilnemu Šołće stajnje pobrachowaše. Kaž z ničeho Wojerowčenjo w 42. min. wurunachu. Spěšny Gaede wobkruži von Ködinga a přetwori do krótkeho lěweho kuta.
Widźał, słyšał, napisał (02.11.15)
Awtor dźensa
Stefan Šmit
Po premjerje lěta 2008 w Šwicarskej a dalšim turněrje 2012 we Łužicy budźe klětu třeća europeada, a to w italskim, Južnym Tirolu. Třeći tajki koparski turněr wuhotujetej dwě narodnej mjeńšinje zhromadnje: Ladinojo a Južnotirolčenjo. Dotal mějachmy jenož mało informacijow z juha wo přichodnym wubědźowanju. Tak njebě hač na ryzy termin, mjenujcy 18. do 26. junij 2016, ničo konkretneho jasne a wozjewjene. Wot zašłeho tydźenja plan skónčnje eksistuje. Po nim na přikład běži tučasnje přizjewjenska faza, kotraž traje hišće hač do 16. nowembra. Hač do srjedź nazymnika dyrbja so narodne mjeńšiny rozsudźić, hač so klětu na turněrje wobdźěla, hač z jednym abo snano samo dwěmaj mustwomaj, jednym muskim a jednym žónskim, nastupja. Přetož, a to budźe nowosć w hišće chětro młodych stawiznach europeady, tež žony změja swój mišterstwowy turněr. Přizjewjenje mustwow twori potom zakład za dalšu organizaciju. Ta předwidźi – tydźeń do hód dalši wulki krok mjenujcy wulosowanje skupin za europeadu. 14. decembra, tak rěka ze stron přihotowanskeho wuběrka, budźe to w italskim měsće Bozenje.
Wuslědki (02.11.15)
Regionalna koparska liga
Luckenwalde – Budissa Budyšin 1:4 (1:2)
Nordhausen – Meuselwitz 2:2 (0:2)
Neugersdorf – Halberstadt 2:2 (0:0)
Auerbach – Rathenow 3:1 (1:1)
Babelsberg 03 – Zwickau 0:0 (0:0)
RB Lipsk II – Jena0:1 (0:0)
Berlinski AK – Schönberg 1:0 (1:0)
Hertha BSC II – BFC Dynamo 3:4 (1:1)
Neustrelitz – FC Viktoria 0:0 (0:0)
1. Jena 13 19 : 5 28
2. Nordhausen 13 22 : 9 28
3. Zwickau 13 24 : 9 27
4. BFC Dynamo 13 33 : 21 27
5. Berlinski AK 13 16 : 6 25
6. Neugersdorf 13 22 : 13 25
7. Babelsberg 03 13 13 : 7 22
8. Budissa Budyšin 13 21 : 11 21
9. Auerbach 14 20 : 21 21
10. Neustrelitz 14 20 : 19 18
11. Schönberg 13 15 : 13 15
12. Hertha BSC II 13 18 : 23 15
13. Meuselwitz 13 16 : 23 14
14. RB Lipsk II 13 12 : 21 11
15. Rathenow 13 10 : 25 7
Sport (30.10.15)
Volleyball a blidotenis
We Worklečanskej ćěłozwučowarni hraja jutře wot 13 hodź. volleyballisća tamnišeje Viktorije přećiwo cyłkej z Hamora/Běłeje Wody a wot 15 hodź. přećiwo načolnikej, Kupoji-Nowej Łuce. We 18 hodź. přizamknje so na samsnym městnje blidotenis. Potom wočakuja Worklečanscy blidotenisća sportowcow prěnjeho mustwa z Korzymja.
Prěni domjacy hrajny dźeń
Hnydom dwě premjerje změja jutře wot 14 hodź. w Pančičanskej sportowej hali Marijine hwězdźički. Wone hraja we wobwodnej volleyballowej lize prěni raz doma. Nimo toho je to za nje prěni domjacy hrajny dźeń sezony 2015/2016. jich prěni přećiwnik je Kupoj-Nowa Łuka, w 16 hodź. wočakuja VV Žitawu 09 II.
Kawasakije testować
Firma Zweirad Pfeil z Durinskeje poskići jutře, sobotu, zaso móžnosć, nowe Kawasakijowe modele testować, a to wot 10 do 16 hodź. na motocrossowej čarje w Jaworje. Tele modele su pódla: KX 85, KX 250 F a KX 450 F.
Wokrjesne pokalne koło
Dobyće sej zasłužili
ST Ćisk II
– Sokoł Ralbicy/Hórki II 1:3 (0:1)
Zestawa hosći: Cyž – Bogusz, Zynda, Róbl, Bejmak, Kobalc, Kř. Matka, Serbin, M. Matka, Kurjat (64. Bernard), Šmit
Ćišćanska koparska rezerwa steji lětsa tež w pincy tabulki a je zdobom direktny susod Sokoła Ralbicy/Hórki II. Wona wuži swobodny hrajny dźeń prěnjeho mustwa a zesylni so ze štyrjomi jeho hrajerjemi. Mjez nimi bě wrotowy garant Rostam Geso. Tež mustwo Sokoła běše derje nastajene. Z Křesćanom Bejmakom, Křesćanom a Michałom Matku běchu to tónraz třo z nazhonjenjom we wokrjesnej wyšej lize.
Hra so derje započa. W 11. min. přesadźi so spěšny Michał Matka na lěwej stronje. Tam nahra Róbla, kiž preciznje dosrjedźa sflankowa, a Šmit direktnje přetwori. Tež přećiwnik pak běše přeco zaso strašny, a to wosebje z dołhimi třělwami k spěšnym nadběhowarjam. Tomu polěkowaše, zo stejachu Ralbičenjo tróšku přewysoko. Tak wuskoči wjele róžkow, a tuž so w šěsnatce stajnje paleše. Dwě dobrej móžnosći Bejmak njewuži. Dwójce so přesadźi, před wrotami pak zaprajichu jemu čuwy. Krótko do połčasa posłuži Michał Matka ze zakładneje linije Šmita, tola tež wón njetrjechi.
