Wuslědki (01.02.16)

póndźela, 01. februara 2016 spisane wot:

Regionalna koparska liga

1. Nordhausen 18 38  :  14 41

2. Zwickau 18 35  :  13 40

3. Jena 18 23  :  9 35

4. Berlinski AK 18 26  :  12 34

5. Neugersdorf 18 30  :  18 34

6. BFC Dynamo 18 40  :  29 34

7. Babelsberg 03 18 24  :  10 31

8. Auerbach 19 32  :  26 31

9. Neustrelitz 19 29  :  23 28

10. Hertha BSC II 18 29  :  33 25

11. Budissa Budyšin 18 28  :  21 23

12. RB Lipsk II 18 22  :  28 19

13. Meuselwitz 18 20  :  31 19

14. Schönberg 18 22  :  26 18

15. FC Viktoria 18 18  :  34 12

16. Luckenwalde 18 13  :  44 10

17. Rathenow 18 14  :  40 8

18. Halberstadt 18 16  :  48 5

Sport (29.01.16)

pjatk, 29. januara 2016 spisane wot:

Koparski camp znowa budźe

Tony Jantschke, kopar zwjazkoweho ligista Borussia Mönchengladbach, je dalši Tonyja Jantschkowy koparski camp připowědźił, a to wot 16. junija do 19. junija ze swojim teamom we Wojerecach. Wobdźělić smě so 44 dźěći. Přizjewjenja pak su hakle kónc februara móžne. Jantschke chce so sčasom přizjewić a modality wozjewić.

Bulowa nóc w Kamjencu

Sportowe towarstwo Natwar Němske Pazlicy přeproša na 13. bulowu nóc za koparjow, staršich hač 35 lět. Turněr je dźensa w sportowej hali při Kamjenskim lětanišću. Wubědźowanje započnje so 18.45 hodź. Přizjewjene su mustwa: Jednota Radeberg, Statistika Němske Pazlicy, HZ Halštrow/Hlinowc, Přećelski kruh Němske Pazlicy (zakitowar pokala), Lok Kamjenc, ST Marijina hwězda, SJ Njebjelčicy, Piwarnja Radeberg, ST Běła/Cunnersdorf, Natwar­ Němske Pazlicy a Natwar Němske Pazlicy II.

Volleyballowa dypkowa hra

30.01. 10.00 Worklecy II hraja we Wojerecach.

Koparske dypkowe hry

Radworscy blidotenisća solidarni

štwórtk, 28. januara 2016 spisane wot:
Póndźelu zhonichmy wo wosom lětnym hólčku w Americe, kiž ćerpi na njewuhojomneho raka. Wulke přeće Doriana je, tak přeradźi swojemu nanej, zo chce być sławny hač do Chiny, prjed hač do njebjes přińdźe. Powěsć rozpřestrě so přez hashtag „#dstrong“ po cyłym interneće. Ludźo z cyłeho swěta wozjewjeja fota z napisom „#Dstrong“, štož woznamjenja „Doriano, wostań sylny“. Radworscy blidotenisća so spontanje rozsudźichu, na treningu ze swojimi palkami wutworić wulke „D“ a je jako postrow do Rhode Island pósłać. Super, zo su to činili. Je rjenje sej předstajić móc, zo mały Dorian runje nětko na Google earth za Radworjom pyta­. Přejemy Dorianej – zastupowacemu wšěch w podobnej ćežkej situaciji: Stay strong Dorian – myslimy na tebje!Claudia Knoblochec

Poskića hojensku gymnastiku

štwórtk, 28. januara 2016 spisane wot:
Sportowe towarstwo Viktoria Worklecy poskići wot soboty, 30. januara, nowy kurs, zaběracy so z hojenskej gymnastiku. Kurs, kotryž započnje so w 17 hodź., ma ćěło bóle zhibujomne sčinić. Na zakładźe pomałych wotběhow zwučowanja a stajneho wospjetowanja pohibow je poskitk za kóždu starobu a strowotnu konstituciju mysleny. Na bohaty wopyt wjeselitaj so nawodnica kursa Rejzka Wałdźic a Ronny Krüger z Worklec. SN

Pančičenjo wuchodosakski mišter

štwórtk, 28. januara 2016 spisane wot:

W Drježdźanach přewjedźechu sakske volleyballowe mišterstwa za hrajerjow, staršich hač 47 lět.

Hnydom w prěnjej hrě dyrbjachu Pančičenjo přećiwo poz­dźišemu wicemištrej Textima Kamjenica-juh nastupić. Byrnjež chro­ble wojowali, woni z 23:25 a 24:26 podležachu. W přichodnej partiji Łužičenjo přećiwo Tannje Thalheim přeswědčiwje z 25:14 a 25:13 dobychu. Tak so za finalne koło kwalifikowachu. W cyłkownym hódnoćenju wobsadźi ST Marijina hwězda 4. městno. To bě zdobom titul wuchodosakskeho mištra Ü 47, dokelž bu Schönbach posledni. Mužojo zakitowachu tuž samsne zaměstnjenje kaž hižo lěta 2014 a 2015. Pětr Bart

Kickerowy turněr we Wotrowje zaso kiwa

srjeda, 27. januara 2016 spisane wot:

Zymska přestawka koparjow so nachila, a to wot zwjazkoweje ligi hač k wokrjesnym klasam. Fanojo Wotrowskeho ki­ckeroweho turněra čakaja nětk samo hižo cyłe lěto, zo smědźa zaso přećiwo sebi wojować. Sobotu, 12. měrca, budźe potom skónčnje zaso tak daloko. Wotrowska młodźina a Serbske młodźinske towarstwo Pawk přeprošatej na 6. kickerowe wubědźowanje do Wotrowa, kotrež přewjedu tradicionelnje na tamnišej starej šuli.

Wuslědki a ličba lětušich přizjewjenjow – je jich 48 z 48 móžnych – poka­zuja, zo je turněr w Serbach jara po­pularny­. Tež mjez holcami zdawa so dźeń a woblubowaniši być. Daniela Dórnikec­ z Łusča a Caro Młynkec z Worklec běš­tej loni prěnja holča dwójka w sta­wiznach ki­ckerturněra, kotraž docpě finale. Kónčny duel drje doby team z Drježdźan a tak tež rjane kickerowe blido­. Dobyćerjej pak njejstaj sej je zdźeržałoj, ale da­rištaj blido młodźinskemu klubej w Hózku.

Dar ST Marijinej hwězdźe

srjeda, 27. januara 2016 spisane wot:

Přeprošenje na 6. přijeće Sakskeho zwjazka srjedźneho stawa MIT bě 150 zastupjerjow sćěhowało. Minister za wobswět Thomas Schmidt (CDU) wuzběhny w narěči wuznam rjemjesła za skutkowne wuwiće wjesneho ruma.

Tradicionelnje přepodawa zwjazk MIT sportowym towarstwam pjenježny dar, zo móhli je za dorostowe dźěło wužiwać. Wotrjadaj volleyball a kopańca ST Marijineje hwězdy zwjesela podpěra 500 eurow, kotrež chcedźa za saněrowanje Pančičansko-Kukowskeje sportoweje hale nałožić. Pětr Bart

Z krutym rjapom k dobyću

wutora, 26. januara 2016 spisane wot:

TSG KW Hamor/Běła Woda

– Viktoria Worklecy 0:3

(22:25, 21:25, 23:25)

Šěsć njebojaznych volleyballistow Viktorije Worklecy a narunanski hrajer z jeje druheho mustwa podachu so po hładkim puću k hrě pola TSG KW Hamor/Běła Woda. Powołanskich a priwatnych přičin dla njemóžachu so hnydom štyrjo stajni nadběhowarjo Viktorije wobdźělić, wotprajić pak hru nochcychu. Tež w deleka mjenowanej zestawje chcychu Worklečenjo hru za sebje rozsudźić. Zo njebudźe to lochki nadawk, wšak woni wědźachu. Sadźbowe wuslědki běchu dźě hižo w prěnjej hrě we Worklecach snadnje wupadnyli.Předposlednje městno w tabulce potencialej hosćićela njewotpowěduje.

W Kyrkonošach trenowali

wutora, 26. januara 2016 spisane wot:

Přihoty na druhu połseriju wokrjesneje koparskeje wyšeje ligi so pomału nachileja. Přichodny kónc tydźenja budu hižo zaso dypkowe hry. Zo bychu je runje tak derje zmištrowali kaž do zymskeje přestawki, podachu so koparjo a zamołwići Sportoweje jednotki Chrósćicy­ wot minjeneho štwórtka do nje­dźele do treningoweho lěhwa w čěskim Harrachovje.

Zaso dwubój Plzeň – Praha

wutora, 26. januara 2016 spisane wot:

W najwyšej koparskej klasy Čěskeje je prěnja połserija zakónčena. Hač do 13. februara maja hrajerjo zymsku přestawku. Na čole tabulki matej Viktoria Plzeň a Sparta Praha jasny předskok před mustwomaj ze sewjera kraja Mladá Boleslav a Slovan Liberec. Zamołwići z Libereca budu ze štwórtym městnom po lońšim dwanatym přewšo spokojom. Tole je tuchwilny tabulkowy wobraz Gambrinu­soweje ligi:

1. Viktoria Plzeň  16 34 : 13 38

2. Sparta Praha  16 35 : 10 35

3. Mladá Boleslav 16 39 : 24 29

4. Slovan Liberec 16 27 : 19 29

5. Slavia Praha  16 23 : 15 26

6. Fastav Zlín   16 22 : 25 24

7. Zbrojovka Brno 16 17 : 22 22

8. Baumit Jablonec 16 26 : 21 20

9. 1. FC Příbram  16 23 : 30 20

10. 1. FC Slovácko 16 21 : 31 20

11. Dukla Praha  16 24 : 23 19

12. FK Teplice  16 25 : 30 18

13. Bohem. Praha 1905 16 19 : 24 16

14. Vysočina Jihlava 16 18 : 31 16

15. Sigma Olomouc  16 14 : 26 15

16. Baník Ostrava 16 12 : 35 4

nawěšk

nowostki LND