Mjerza so na špatne pólne pućiki wokoło Radworja

pjatk, 12. junija 2015
artikl hódnoćić
(0 )
Lědma što hišće na to dopomina, zo su po dźensnišich njesměrnje wulkich zahonach něhdy pólne pućiki wjedli. Hač drje so  tež w pozadku podworana něhdyša Budyska dróha hdy zaso wožiwi? Lědma što hišće na to dopomina, zo su po dźensnišich njesměrnje wulkich zahonach něhdy pólne pućiki wjedli. Hač drje so tež w pozadku podworana něhdyša Budyska dróha hdy zaso wožiwi?

Stara karta dokumentuje, što je so minjene lětdźesatki w přirodźe změniło

Njesměrnje wulke zmawowace so žitnišća abo zahony rěpika hač k horicontej – štož je mnohim wuraz moderneho ratarstwa a nadźija na bo­hate žně, ma Ludwig Sachsa z Radworja za wochudnjenje přirody. Dopokazać móže wón tole z pomocu stareje karty z lěta 1936. Na njej su wšitke pućiki a haty dokładnje zarysowane. „Nětko je tež jasnje widźomne, što wšo je so minjene lěta zhubiło“, Radworčan praji.

Problem zhubjenych starych šćežkow Ludwiga Sachsu hižo dołho zaběra. Před 25 lětami, hnydom po přewróće, bě wón z tehdyšim nawodu ratarskeho přede­wzaća wo tym rěčał. Tam běchu zwólniwi, někotre stare zwiski mjez wsami zaso aktiwizować. Gmejna wšak dyrbjała to chcyć. Ale na gmejnskim zarjedźe Ludwig Sachsa hižo wjele lět słyši, zo nimaja srědki za nakup wotpowědnych płonin. Mjeztym so tež druzy přizjewjeja, kotřiž bychu nowe-stare šćežki radlubje wužiwali. K nim słušeja na přikład mějićeljo konjacych dworow. Tak bychu po šćežkach jěchać abo ze zapřahami jězdźić móhli.

wozjewjene w: Předźenak

Galerija

dalši wobraz (1) Na starej karće z lěta 1936 su wšitke pućiki a haty tehdyšeho časa w Radworskej kónčinje dokładnje zarysowane. Tójšto z nich bu wotstronjene a podworane.
dalši wobraz (2) Tójšto wobstejacych pućikow wokoło Radworja je w chětro špatnym stawje, kaž tónle z Bronja do Kamjeneje.SN/M. Bulank (2), karta: Ludwig Sachsa
Prošu přizjewće so, chceće-li komentar podać

nawěšk

nowostki LND