Hromadźe dźeržeć a pryzle worać

pjatk, 23. septembera 2016
artikl hódnoćić
(0 )
Minjenu njedźelu su so dwójniki a jich starši z Rakec, Ralbic, delnich Sulšec a Koćiny w Pančicach-Kukowje k bjesadźe zetkali. Sydom  hólcow a jedna holca nětko w Ralbicach a Worklecach do šule chodźa. We wučbje pak we ławce hromadźe njesydaja. Minjenu njedźelu su so dwójniki a jich starši z Rakec, Ralbic, delnich Sulšec a Koćiny w Pančicach-Kukowje k bjesadźe zetkali. Sydom hólcow a jedna holca nětko w Ralbicach a Worklecach do šule chodźa. We wučbje pak we ławce hromadźe njesydaja.

Jako su so před šěsć lětami w Ralbicach, Koćinje, delnich Sulšecach a Rakecach nimale w samsnym času dwójniki narodźili, bě to w Serbach mała sensacija. Dwójce je sej Předźenak dwójniki, sydom hólcow a holčku, a jich staršich na kofej přeprosył. Zašły króć bě to w meji 2013, jako dwójniki w Ralbicach, Sulšecach a Worklecach do pěstowarnje chodźachu.

Dokelž pak su Christian a Frederic z Koćiny, Lena a Luis ze Sulšec, Cosimo a Caspar z Rakec kaž tež Ludwig a Richard z Ralbic mjeztym do šule zastupili, smy sej jich, ale tež jich staršich Carolu a Enrica Langec, Birgit a Jurja Suchec, Wiktoriju Brězanec a Chrystofa Bjarša, Marjanu a Stefana Dietrichec znowa do Pančic-Kukowa na bjesadu přeprosyli. Dźěći so na zetkanje wjeselachu, a wědźachu sej minjenu njedźelu popołdnju wjele powědać. Koćinske, Sulšečanske a Ralbičanske dwójniki wšak w Ralbicach hromadźe do šule chodźa. Rakečanskaj hólcaj drje we Worklecach wuknjetaj, staj pak k nim jara spěšnje zwisk namakałoj.

wozjewjene w: Předźenak

Galerija

dalši wobraz (1) Na lětušim mejemjetanju w pěstowarni je sej Luis jako kral swoju sotru Lenu za kralownu wu zwolił.
dalši wobraz (2) Cosimo (nalěwo) a Caspar z Rakec rady lětadła z papjery paslitaj a je najradšo z woknom swojeje spanskeje stwy pušćitaj.
dalši wobraz (3) Wosebje derje słodźa Fredericej (nalěwo) a jeho bratrej-dwójnikej Christianej muffinsy . Tajke drje z prawej ruku jěstaj, pisataj pak z lěwej. SN/Maćij Bulank
Prošu přizjewće so, chceće-li komentar podać

Serbska debata

nowostki LND