Špatny start do druheje połojcy
SJ Chrósćicy II –
ST Zeleno-běli Sepicy 0:3 (0:1)
Zestawa domjacych: Mark – Lehmann, Kola, T. Donat, Budar (73. Špitank), F. Zahrodnik (52. Sćapan), M. Donat, Kř. Zahrodnik, J. Donat, B. Donat (66. Hojer), M. Zahrodnik (73. Klemenc)
Na zazběh druheje połserije aktualneje hrajneje doby witachu hrajerjo druheho mustwa SJ Chrósćicy koparjow sportoweho towarstwa ze Sepic na trawniku w Hórkach. Posledni tabulki hraješe přećiwo předpředposlednjemu tabulki wokrjesneje ligi. Chróšćenjo chcychu sej na kóždy pad tři dypki zdobyć.
Prěnje wolejbulowe mustwo muži sportoweho towarstwa Viktorije ...
Přihotowansku partiju najebać słabosće na kóncu dobyli
ST Marijina hwězda –
HZ Zeleno-běli Halštrow/Hlinowc
5:4 (2:1)
Zestawa domjacych: D. Matik – J. Ladewig, K. Pakoßnick, T. Jurš, E. Bulank, A. Eldor, Fl. Bulank, Ch. Cyž, F. Zelnak, J. Pakoßnick, F. Kreuz, J. Clausen, E. Zynda
Jara suboptimalnje bě so přihotowanska koparska hra na kumštnym trawniku w Halštrowje za Pančičanow započała. Po štyrjoch mjeńšinach Sven Herzog mjenujcy swobodny rum blisko napřećiwnych wrotow wuži a lesćiwje k 1:0 přetwori. We 28. min. Krystof Cyž tutón zastatk přez połwysoki wólny kop z kromy šěsnatki k 1:1 wuruna. Tomaš Jurš so na to dwě mjeńšinje před přestawku samo wo nawjedowanje 2:1 postara. Wrota běchu sćěh rjaneje akcije w centrumje.
Duel mustwow z wuchoda bjez wrotow
FC Energija Choćebuz –
FC Hansa Rostock 0:0
FC Energija Choćebuz: Funk – Straudi, Awortie-Grant, Manu, Lucoqui, Tolga Ciğerci (26. Michelbrink), Pelivan (79. Thiele), Biankadi (46. Butler), Tolcay Ciğerci, Borgmann, Engelhardt
Z wulkej napjatosću wočakowana načolna hra skónči so za fanow Energije a přiwisnikow hosći bjez juskanja nad wrotami. To zaležeše na jednym boku na jara wobhladniwje agěrowacych škitarjach. Mjez hosćićelemi napadnyštaj při tym wosebje nutřkownaj zakitowarjej King Manu a Nyamekye Awortwie-Grant, kotrajž zwjetša spěšnemu Maksimilianej Kraußej wjacore razy paradu skazyštaj. Wukon ofensiwy FCE pak bě słaby. Naspomnjenja hódna je jeničce dobra móžnosć wosrjedź prěnjeho połčasa. Běžo daloko do přećiwniskeje šěsnatki bě Merville Biankadi zakładnu liniju docpěł a sobu běžaceho Erika Engelhardta posłužił. Třělwa najlěpšeho třělca Energije pak zleća snadnje nimo wrotow.
Wolejbulisća nalěćo witali
Wólnočasne wolejbulowe mustwo Žołto-módri Kulow je wčera wječor w Ralbicach wolejbulowy turněr Mustwa 1296 z mjenom „Witamy nalěćo“ dobyło. Konrad Kokel, Florian Kochta, Raphael Hentschel, Max Scholze a Sandro Krahl (wotlěwa, wšitcy Kulow) dóstachu wot turněroweho nawody Jana Hrjehorja (naprawo) wopismo a nalětnje kwětki jako myto. Na wobrazu pobrachujetaj Manuel Šołta a Richard Bulang. Kulowčenjo dobychu z jeničkim małym dypkom předskoka přećiwo wučerjam Serbskeho gymnazija Budyšin. Třeće městno wobsadźichu Radworčenjo.
Foto: Tomaš Šołta
Prěnju domjacu hru druheje połserije přěhrali
ST 1922 Radwor –
Wojerowski FC II 0:2 (0:1)
Zestawa domjacych: Pěčak – B. Grubert, M. Grubert, Schäfer, Mička (55. Elsner), Adam (73. Reineke), Wencel, Paška, Wjenka (73. Wjesela), Glücklich (55. Buša), Hetaš (55. Dźisławk)
W prěnjej domjacej hrě druheje połojcy sezony witachu Radworčenjo druhe mustwo Wojerowskeho FC. Něhdźe 40 přihladowarjow bě puć na Radworske sportnišćo namakało.
Konječenjo serbski derby přećiwo načolnikej dobyli
ST Viktoria Worklecy –
DJK Konjecy 5:10
Za Worklecy hrajachu: Roman Straube, Stefan Mět, Milan Lukaš, Robert Lejnart, Tobias Lehmann, Stefan Anders
Za Konjecy hrajachu: Matijas Kokla, Alojs Ćóška, Rafał Šěrak, Julian Hrjehor, Frank Woko, Jurij Šwejda
Na třinatym hrajnym dnju w 1. wokrjesnej lize wotmě so we Worklecach serbski blidotenisowy derby mjez prěnimaj mustwomaj ST Viktorije Worklecy a DJK Konjecami. Wobě mustwje dyrbještej z narunanskimi hrajerjemi nastupić. Worklečanam wupomhaštaj Tobias Lehmann a Stefan Anders, zastupujo Mikławškec bratrow Křesćana a Michała. W rjadach Konječanow hraješe Jurij Šwejda za Andreja Čórlicha.
Po witanju bu hra z partijemi dwójkow zahajena. Prěni duel doby hosćićelski duwo Straube/Mět 3:0 po sadźbach přećiwo dwójce Šěrak/Hrjehor. Po tym pak so Konječanskej porikaj Kokla/Čóška přećiwo duwu Lukaš/Lejnart 3:0 a Woko/Šwejda přećiwo dwójce Lehmann/Anders 3:1 přesadźištej. Serbski blidotenisowy derby wosta tuž z 1:2 po třoch partijach wuski, dokelž so w tutej fazy žanomu teamej rozsudna kročel njeporadźi.
Kónctydźenske wuslědki (09.03.26)
Minjeny kónc tydźenja steješe hłownje w znamjenju wolejbula a kopańcy. Po wjacorych wupadnjenych a přesunjenych koparskich hrach su sobotu a njedźelu nimale wšudźe zaso kopańcu pod hołym njebjom hrali.
We wyšej lize su Biskopičenjo wonkownu hru přećiwo Germaniji Halberstadt 3:2 dobyli. Dobyćerske wrota za mustwo trenarja Franka Ričela docpě Johan Weiß (90.+1). Budissa Budyšin podleža doma hosćom z Glauchauwa 1:2.
W sakskej klasy nawróćichu so Němskopazličenjo z dobyćom 2:0 z Radebeula. Wot 39. min. dyrbjachu hosćo z dźesać koparjemi dale hrać, dokelž bě Franz Cech čerwjenu kartku dóstał.
Derby we wokrjesnej wyšej lize Kulow – Rakecy skónči so 3:0. Ralbičanscy Sokoljo su sobotu w Połčnicy 0:1 přěhrali. Chróšćenjo podležachu wčera w Hórkach hosćom z Horow 0:2.
Přichodne hry:
10.03. 19:30 Viktoria Worklecy –
SZ Ullersdorf
20.03. 19:30 TTV Hózk/Kulow II –
Viktoria Worklecy
20.03. 19:00 DJK Konjecy –
TTC Wojerecy III
17.04. 19:00 DJK Konjecy –
TTV 97 Kamjenc
Widźał, słyšał, napisał (09.03.26)
Awtor dźensa
Clemens Šmit
Olympiski duch – je wón was tónraz zhrěł? W Mailandźe a Cortinje d’Ampezzo wojuja tuchwilu sportowcy a sportowče ze zbrašenjom abo z handicapom wo medalje w zymskich disciplinach. Na paralympiskich hrach dopokazuja, kajke ekstremne wukony zamóže čłowjek docpěć. Tola mjeztym rěči a piše so wottam hižo wo nalětnich olympiskich hrach. A wobrazy pokazuja, zo słónčko tež w sewjernej Italskej hižo zymu rozžohnuje. Němski atlet Marco Maier je wčera z krótkim trikowom a w krótkich cholowach na sněhakach startował. Skerje skurilny napohlad, a wón njebě jenički. Naposledk je sej Maier bronzowu medalju wudobył. Gratulaciju! Při zahajenju wšak paralympiske hry cyle tak słónčne njeběchu. Němscy zastupjerjo a zastupjerki běchu wotewrjensku galu bojkotowali, dokelž ruscy atleća a atletki prěni raz zaso pod swójskej chorhoju startowachu.
