Młodźinski klub Wotrow z.t. (03.04.20)

pjatk, 03. apryla 2020 spisane wot:
Młodźinski klub Wotrow z.t.

paradiz kolesowarjam

pjatk, 03. apryla 2020 spisane wot:

Danielo, we wutornym wudaću Serbskich Nowin móžachmy hižo čitać, zo staj so ty a Marian Žur jako serbskaj triatletaj na kupu Mallorca podałoj. Twój kolega serbskeho tri-teama je mi wo tym hižo tróšku rozprawjał. Prašenje, na ko­trež pak mi wotmołwił njeje: Čehodla runje Mallorca?

D. Matka: Mallorca je wulkotny blečk a mnohim nažel jenož jako domicil za party-turizm znaty. Kak mnohostronska pak krajina tam je, hakle spóznaješ, hdyž so tróšku wotsališ. Wosebje kolesowarjam skići ­Mallorca wulkotne wuměnje­nja. Dróhi su zwjetša asfaltowane a tak za wšědny trening derje preparowane. Nimo toho njeje kupa jenož wot ­morja wobdata, ale tež chětro horata. Muskulaturu móžeš tuž idealnje trenować. A jasna wěc, zo so při miłej klimje wězo lěpje trenuje.

Kak da wupadaše waju wšědny dźeń? Wosrjedź dnja tróšku trenować a wječor party?

W Ralbicachtrenowali

pjatk, 03. apryla 2020 spisane wot:

Při najkrasnišim wjedrje su holcy a žony Serbskeje koparskeje wubranki spočatk měrca najprjedy raz posledni raz zhromadnje trenowali. Na Ralbičanskim twjer­dym hrajnišću tehdy zawěsće hišće nichtó tak prawje z tym ličił njeje, zo budźe tež europeada koronawirusa dla přestorčena. Lěpšina wšak je, zo ma tre­nar Pětr Bejmak zhromadnje z Handrijom Rachelom nětko hišće wjace chwile, serbske bulkoparki na turněr přihotować.

Jurij Bjeńš

Foće: Jörg Stephan


Wujimk z noweje knihi „Moje prěnje swjate woprawjenje“, kotruž móžeće sej w interneće pod www.domowina-verlag.de skazaćPřihoty na prěnje swjate wopra­wje­nje w serbskich katolskich wosadach su přetorhnjene. Hdy smědźa dźěći prěni raz k wołtarjej přistupić a woblatko přijimać, njeje wěste. Přiwšěm so wone zawěsće nutřkownje z tym rozestajeja. W Ludowym nakładnistwje Domowina je nětko dołho wočakowana kniha „Moje prěnje swjate woprawjenje“ wušła. Je to wosebitostka w serbskej rěči – spodobnje wuhotowany album jako dopomnjenka na wažny měznik w žiwjenju křesćana. Prěnje swjate woprawjenje budźe nachwatane, a tak smědźa so dźěći z prašenjemi rozestajeć, kaž: Što stawa so na Božej mši? Móžu nawuknyć so modlić? Kak Boha narěčeć? Kak mi Jězus pomha, dobry čłowjek być? Móžu Jězusowy přećel być? Što je zakład woprawdźiteho přećelstwa? Nowostka dawa dźěćom wotmołwy a skići jim nimo toho dosć městna za swójske zapiski a fota wo swjedźenju kaž tež dwustronske wumolowanki. Bianka Šeferowa

Na Mnišonc pućowali

pjatk, 03. apryla 2020 spisane wot:
Spočatk nalěća je naša swójba na Mnišonc pućowała. Awto smy w Za­horju wotstajili. Prjedy hač dźěchmy pućować, wobhladachmy sej hišće pom­nik sławneho komponista Korle Awgusta Kocora. Wón bě so 3. decembra 1822 w Zahorju narodźił a zemrě 19. meje 1904 w Ketlicach. Tam skutkowaše lěta dołho jako wučer a kantor. Připódla pilnje kompo­nowaše. Teksty bě napisał jeho dobry přećel Handrij Zejler. Wot Mnišonca maš krasny wuhlad, předewšěm z wěže. tekst a foto: Frido Malink a bratr Filip z Rakec

Hódanski kućik

pjatk, 03. apryla 2020 spisane wot:
w
l
š
i

š
i
p
u
d
s
i
e

t
a
e
š
y
W

Jeli wot wupo­kazaneho spočatka po liniji dale dźeće, wučitaće serbske přisłowo.

Wuhódanje: Wyše stupiš – dale widźiš.

Rjany hobby

pjatk, 03. apryla 2020 spisane wot:
Foto: Anet WałdźinaAlena a Lydija Wałdźic z Prawoćic stej Dźěćiznakej napisałoj, kajki matej hobby. Alena je samo rjany wobraz narysowała. Sym so jara nad powěsćomaj zwjeselił. Snano chce tež tón abo tamny/ta abo tamna z was na tymle městnje rozprawjeć, što we wólnym času rady čini. Waš Dźěćiznak

Porchowčance rjemjesło wulke wjeselo wobradźa, štož je jej najwjetše zbožo w powołanju

Hornčerstwo je prastare rjemjesło a dźensniši dźeń znamjo wobstajnosće. To dopokazuje mjez druhim hornčerka Cornelia Lehmann z Porchowa, kotraž bě so hižo 1994 wuspěšnje zesamostatniła a zhotowja lute rjane wěcki. Mjeztym ju tež mandźelski Hans podpěruje, a molerka keramiki Ilona Schwiebs nimale 25 lět wudźěłkam rukopis hornčernje spožča.

Nochce powučeć, skerje radźić

pjatk, 27. měrca 2020 spisane wot:

Lětuša swójbna schadźowanka prěni dźeń nalětnika w Chróšćanskej „Jednoće“ je zaso dźěći a jich staršich wabiła. Mnozy běchu poskitk přiwzali a zeznachu w jeho wobłuku tež Annett Howack.

Rachlowčanka běše prěni króć na tymle zarjadowanju. Serbsce wona njerěči, ma pak dobre zwiski do Serbow. Je tuž rady wo tym rěčała, zo ma serbskich prjedownikow. Někotři wopytowarjo prašachu so ju za pochadom. „Sama hižo serbšćinu njerěču, rozumju pak wjacore słowa. Začuwam ju jako jara luboznu“, wona wuzběhny. Za swójbnu schadźowanku wabiła bě ju socialna dźěłaćerka Rěčneho centruma WITAJ Edit Šurowa. Přičina přeprošenja bě dotalny hobby Annett Howack, kotryž chce wona rady k powołanju sčinić – strowe zežiwjenje. Na zarjadowanju w Chrósćicach chwalachu sej wopytowarjo, kotrymž po mnohich dožiwjenjach brjuch korčeše, šokolodźany a dalše mazy, wusmuž k snědani a po cyłej rumnosći wonjacy chlěb. Woptanki tam dołho njestejachu, ale žnějachu wulki wothłós mjez wopytarjemi. Nimo toho su wone strowe.

„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny ­Durinčan je 40 lět we Wětrowskej šamotowni­ dźěłał. Serbske Nowiny wozjewjeja­ jeho trochu wudospołnjene, wot Arnda Zoby a Friedharda Krawca ­z přećelnej­ dowolnosću nakładnistwa DeBehr zeserbšćene dopomnjenki.

W tym času hižo njedósta NDR hižo žane kredity, byrnjež wona mjenje zadołžena była hač někotre zapadne kraje. Trěbna bě najprjedy raz zwólniwosć Michaila Gor­bačowa, kritisce so prašeć za pozadkom systema socialistiskich statow, permanentneje hospodarskeje słabosće a njedostatkoweho hospodarstwa, za pozadkom njesměrnych wojerskich wudawkow a politisko-ideologiskeho wašnja rozestajenja ze wšitkimi problemami. Gorbačow je ludnosć w NDR rozsudnje wobwliwował, zo by swój wosud do ruki wzała.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND