Změna pola koparskeho dorosta
Wot hrajneje doby 2017/2018 změjemy w kopańcy juniorow na małym polu młodźiny D, E a F nimale hižo rewolucisku změnu. Cyłe lěta njesmědźeše wrotar bul z rukow direktnje přez srjedźnu liniju třělić. Tež wotkopy dyrbjachu so před srjedźnej liniju wot druheho hrajerja přiwzać abo so jeho dótknyć. Jeli so to njesta, dyrbješe sudnik situaciju přetorhnyć. W tajkich padach dawaše na wysokosći srjedźneje linije stajnje wólny kop za přećiwnika. Prawidło „Hraće přez srjedźnu liniju“ płaći jenož hišće w hrajnej dobje 2016/2017. Wot julija 2017 budźe při runje wopisanymaj situacijomaj město srjedźneje linije šěsnatka na tamnym boku hrajnišća magiska hranica. To rěka, zo smědźa so wotkopy a dołhe bule wrotarja nimale direktnje hač do přećiwniskich wrotow třělić! Bul pak dyrbi so wězo do tuteje „hranicy“ swójskeho abo přećiwniskeho hrajerja dótknyć – hewak dóstanje přećiwnik na wysokosći swójskeje šěsnatki wólny kop. Hižo w aktualnej dobje smědźa mustwa zhromadnje tole dojednać a raz wuspytać. Powšitkownje pak płaći dale hišće srjedźna linija jako imaginarna hranica.
Serbska beachvolleyballowa liga
Wot meje serbscy beachvolleyballisća hłownje w Róžeńće zaso w pěsku wo dypki wojuja. Wot toho časa su dotal 21 z 42 hrow přewjedli. Hłowny organizator Jurij Bjeńš podawa tule po połojcy sezony krótki facit.
Lětsa dyrbi kóžde mustwo wot spočatka z třoch hrajerjow wobstać. Loni je mjenujcy přewjele partijow chorosće abo dalšich terminow dla wupadnyło. Třeći, narunanski akter hišće njebě, a rezultat wšeho bě, zo njemóžachu někotre mustwa sezonu dokónčić. Ideja z třećim akterom je na kóždy pad wunošna, te abo tamne mustwo tež raz z hinašej dwójku nastupi.
Přiwšěm su dale wulke problemy, so hižo wot wšeho spočatka na hrajne terminy dojednać. Byrnjež sej wšitcy hotowy hrajny plan za cyłu sezonu přeli, tak zo bychu dwójki wědźeli, w kotrym tydźenju su na rjedźe, so bohužel tak prawje na njón njedźerža. Přez Facebook a Whatsapp sej mustwa nětko mjez sobu pisaja, hdy so komu hodźi. Loni hrajachu husto srjedź tydźenja – lětsa skerje kónc tydźenja.
Wulce poradźena premjera
Něhdźe 200 ludźi je na wčerawši prěni wopyt beachtury Radija Satkula w Pančicach-Kukowje přišło. Na wubědźowanju, kotrež je zdobom přihot na kóždolětny beachvolleyballowy turněr młodeje žołmy w Miłoćicach, wobdźěli so 17 mustwow. Wčerawši dobyćer je cyłk z mjenom Smovka a band.
Přichodny tydźeń zakónča turu w Róžeńće. Tam wulosuja potom tež zestawu staflow za hłowny turněr, póndźelu, 22. awgusta, w Miłočanskej Bobkec jěchanskej hali. Šěsnaće cyłkow je so přizjewiło.
Tole su přizjewjene mustwa za turněr w Miłoćicach:
Pančičanscy knježa
Dwójna nula
Team Satkula
Róžeńčanske mustwo
Dźiwje micki
Škit Budyšin
Mustwo z Nuknicy
Měšane mustwo MST
Mustwo wučerjow
CTP-crew
Hańžki 16
Radworčenjo
Na - woči
Sorabija
O²
SC Knack Katka Pöpelec
Hry Budissy
Prěnja połserija 2016/2017
31.07. 13.30 Auerbach – Budyšin
07.08. 13.30 Budyšin – Babelsberg
10.08. 19.00 Budyšin – Carl Zeiss Jena
13.08. 13.30 Fürstenwalde – Budyšin
28.08. 13.30 Budyšin – Neustrelitz
11.09. 13.30 Berlinski AK – Budyšin
18.09. 13.30 Budyšin – Hertha BSC II
25.09. 13.30 Energija Choćebuz – Budyšin
02.10. 13.30 Budyšin – Luckenwalde
16.10. 13.30 Nordhausen – Budyšin
23.10. 13.30 Budyšin – Neugersdorf
30.10. 13.30 Lok Lipsk – Budyšin
06.11. 13.30 Budyšin – RB Lipsk II
19.11. 13.30 Schönberg 95 – Budyšin
27.11. 13:30 Budyšin – Viktoria Berlin
04.12. 13:30 BFC Dynamo – Budyšin
11.12. 13:30 Budyšin – Meuselwitz
Jurij Bjeńš
Přihotowansku hru dobyli
SZ Chrjebja-Nowa Wjes
– ST Marijina hwězda 0:1 (0:0)
Za hosći zasadźeni: D. Matik – Wróbl, Škoda, R. Hawš, Smoła, Peschmann, Pakoßnick, Bělk, Schmidt, O. Hawš, Jurš, Langer
Prěnju testowu hru za nowu sezonu wotmě prěnje koparske mustwo ST Marijineje hwězdy w Mikowje přećiwo wokrjesnemu ligistej SZ Chrjebja-Nowa Wjes. Dokelž bě a je přeco hišće tójšto hrajerjow w dowolu, měješe trenar Tobias Škoda jenož dwanaćoch k dispoziciji. Tak móžeštaj nowopřichadaj Stanij Smoła (SJ Njebjelčicy) a Oskar Hawš (Natwar Němske Pazlicy) hižo w startowej formaciji swoje zamóžnosće pokazać. Na woběmaj cyłkomaj bě widźeć, zo stejitej hišće na spočatku přihotowanskeje fazy. Hižo w 1. min. wotwobara Matik ze sylnej paradu zažny zastatk. W 25. a 26. min. pak dyrbješe wrotar Chrjebje-Noweje Wsy wšitke swoje zamóžnosće pokazać. Najprjedy wotwobara wón třělwu Bělka, krótko po tym třělwu Jurša.
Kowar: Trajny zaćišć zawostajili
Čłonojo přihotowanskeho wuběrka Domowiny za lětušu 3. koparsku europeadu w Južnym Tirolu su ju wčera w Hórkach wuhódnoćili.
Zazběhowy program
Koparske zwjazki podawaja tule dalše hrajne plany za sezonu 2016/2017. Prěnje pjeć partijow zazběhoweho programa smy za koparske cyłki z Chrósćic, Kulowa, Ralbic, Radworja, Pančic-Kukowa a Njebjelčic smy do přehlada zestajeli. Njezbožowna je konstelacija w stafli III wokrjesneje ligi. Tam hrajetej serbskej cyłkaj SJ Njebjelčicy a ST Marijina hwězda stajnje w samsnym času a samsny dźeń doma. Z přehlada tež wučitaš, zo nastupja Njebjelčanscy koparjo stajnje přećiwo tomu cyłkej, přećiwo kotremuž su Pančičenjo tydźeń do toho hrali.
Krajna klasa, wuchod
SJ 1981 Chrósćicy:
14.08. 15:00 SJ Chrósćicy
– ST Horni kraj
28.08. 15:00 Fortuna Trjebin
– SJ Chrósćicy
11.09. 15:00 Nowosólc-Hródk
– SJ Chrósćicy
18.09. 15:00 SJ Chrósćicy
– Drježdźanski SC
25.09. 14:00 Biskopicy 08 II
– SJ Chrósćicy
Wokrjesna wyša liga
Módro-běli Kulow:
13.08. 15:00 Wojerowski FC – Kulow
20.08. 15:00 Kulow – Rakecy
27.08. 15:00 Kulow – Großröhrsdorf
03.09. 15:00 Połčnica – Kulow
17.09. 15:00 Kulow – Wjelećin
Sokoł Ralbicy/Hórki:
14.08. 10:30 LSV Hory – Ralbicy
21.08. 15:00 Ralbicy – Kinsp./Łužnica
28.08. 15:00 Ottend.-Okrilla – Ralbicy
04.09. 15:00 Ralbicy – Bukecy
18.09. 15:00 Ćisk – Ralbicy
Wokrjesna liga, stafla II
ST 1922 Radwor:
14.08. 15:00 Radwor – Hory II
21.08. 14:00 Łaz/Běły Chołmc
– Radwor
28.08. 15:00 Radwor – Ćisk II
Špatny wukon pokazali a testowu hru přiwšěm dobyli
SJ Chrósćicy
– ST Ćisk 3:2 (1:2)
Za domjacych hrajachu: Králíček – Pöpel, Kunze, Cyž, Schulze, Šafář, Zahrodnik, Špitank, Runt, Sentivan, Dehn, Młynk, Domaška, Henčl, Bogusz, Budar
Serbscy triatleća pódla byli
Přihotuja so na sezonu
ST 1922 Radwor
– SJ Njebjelčicy 2:5 (2:4)
Za hosći zasadźeni: D. Ričel – Hrjehor, Haška, Kral, Janca, Hanuza, Lejnart, Fl. Ričel, Korjeńk (Cyž), Hoelzel, Čornak
Trenarjej Detlef Panic a Handrij Krawčik zwołaštaj aktiwnych koparjow Njebjelčanskeje sportoweje jednotki do treningoweho zazběha. Po tym bě hišće triatlon (płuwanje, běhanje a kolesowanje) wupisany, na kotrymž so jědnaćo dobrowólnje wobdźělichu. Po dalšim treningu minjenu wutoru přewjedźechu Njebjelčenjo testowu hru w Radworju.
Na krasnym sportowym arealu „Zeleneje hałžki“ nawjedowaše cyłk trenarja Pětra Bejmaka po krótkim času ze spěšnje wuhratymi wrotami. Hosćo trjebachu cyłu chwilu so do hry namakać. Poněčim so suk torhny a tak padny w prěnim połčasu šěsć wrotow. Njebjelčenjo nawjedowachu po prěnich 45 mjeńšinach 4:2 a dobychu skónčnje 5:2. Wrota za nich třělichu Lejnart (2), Čornak, Janca a Hanuza. Wuslědk samy tón dźeń njebě za wobě zastupnistwje přewažny, ale wjele bóle zhromadne hraće po ćežkich treningowych jednotkach. Bjarnat Deleńk
