Wjace hač dypk wšak móžny był
HZ Hórnikecy
– SJ Njebjelčicy 1:1 (1:0)
Zestawa hosći: Hahn – Čornak, Hanuza, Deleńk, Hoelzel, Kral, Lejnart, Haška (82. Domš), Tatzel (46. Hommel), Schulze, Korjeńk
Znowa nastupichu Njebjelčanscy koparjo přećiwo jim dotal njeznatemu cyłkej wokrjesneje ligi-stafle II. Hórnikečanski trawnik pak je tomu abo tamnemu, kiž wojowaše před lětami tam we wobwodnej klasy, w pomjatku wostał. Bě runje tak špatny kaž tehdy.
Sport (01.09.17)
Marijine hwězdźički startuja
Za prěnje volleyballowe mustwo Marijinych hwězdźičkow započnje so nowa hrajna doba sobotu z pokalnymaj hromaj w prěnim kole wo wobwodny pokal. Wot 14 hodź. wočakuja Pančičanki doma mustwje Módro-běłe Wojerecy a TSC Kundraćicy. Žony Viktorije Worklecy hraja w samsnym času w Niederoderwitzu přećiwo ST Oberoderwitzej a CVJM Zhorjelcej. Mužojo Viktorije nastupja na samsnym městnje přećiwo OSSV Kamjencej a ST Oberoderwitzej.
Dwacete cityjowe běhi
W Złym Komorowje přewjedu njedźelu 20. Złokomorowske běhi, a to wot ranja w dźewjećich. Čara budźe płona, za to pak chětro křiwicata. Běhi powjedu po starym měsće, torhošću a hrodowym parku.
Za Powerserba so přizjewić
Lětuše lóštne sportowe wubědźowanje Powerserb budźe 9. septembra wot 13 hodź. w Kopšinje. Wuhotować budźe je Traktor Kopšin. Z młodźinskim towarstwom Pawk su so traktorisća na wosom stacijow dojednali. Startowy pjenjez na mustwo wučinja 10 eurow a wone ma z pjeć hólcow a jedneje holcy wobstać. Přizjewjenja su móžne na Facebooku pod Flex Wokx.
Kóncytydźenska kopańca
Na druhi WORKWUB
Lětsa přewjedu na sportnišću we Worklecach 2. WORKlečanske WUBědźowanje. Sportowe towarstwo Viktoria Worklecy a młode swójby ze wsy přeprošeja wobydlerjow kaž tež dalšich zajimowanych sportowcow z wjesnych dźělow Worklečanskeje gmejny, 9. septembra, na sportowe popołdnjo. W 14.30 hodź. započnu so dźěćace wubědźowanja, w 16.30 hodź. swójbne staflowe běhi. Team dyrbi z muža, žony, dźěsća a jokera wobstać. Premiju dóstanjetej tež zaso najlěpši kostim a najoriginelniši staflowy kij. Přizjewjenja su hač do 5. septembra pola Christiny Hozyneje pod čisłom 035796/94 408 móžne.
Lětuše moto rěka: „Čiń sobu, čiń kaž tamni, čiń lěpje.“ SN
Hóstni koparjo překwapili
FC Energija Choćebuz
– ZFC Meuselwitz 1:0 (1:0)
Zestawa domjacych: Meyer – Starcew, Stein, Karbstein, Schlüter, Kruse, Weidlich, Viteritti, de Freitas, Zimmer (87. Geisler), Mamba (90.+1 Boakye)
Faworit, mustwo FC Energije, je přećiwo defensiwnje nastajenym hosćom jasnje dominował, dźěše pak přiwšěm jeno z 1:0 do połčasa. Tim Kruse (20.) docpě wrota wot lěweje kromy šěsnatki.
Po přestawce nawróći so ZFC Meuselwitz z połnym zapalom a agresiwnym pressingom. Nětko wobradźeše wón domjacym starosće. 5 231 přihladowarjow so jenož tak dźiwaše. Najlěpše móžnosće mějachu hosćo z třělwu Janika Mädera do žerdźe a z direktnym wólnym kopom w přidatnym hrajnym času, kotryž wrotar Alexander Meyer wot wrotoweje linije škrabny. Streli Mamba měješe 2:0 (72.) na noze. Při přihrawce Fabija Viterittija pak přispěcha wón kročel přepozdźe.
Načolnik regionalneje ligi sewjerowuchod FCE wosta w pjatej hrě sezony wuspěšny. Nětko ma pjeć dypkow předskoka na BFC Dynamo. Georg Zielonkowski
Wuslědki (31.08.17)
Regionalna koparska liga
Nordhausen – Lok Lipsk 0:0 (1:0)
Chemija Lipsk – Fürstenwalde 1:2 (1:0)
Neugersdorf – Dynamo 1:3 (0:0)
Luckenwalde – Babelsberg 2:2 (0:0)
Budissa Budyšin – Auerbach 0:0 (0:0)
Energija Choćebuz – Meuselwitz 1:0 (1:0)
1. Energija Choćebuz 5 17 : 1 15
2. BFC Dynamo 5 11 : 5 10
3. Lok Lipsk 5 7 : 3 10
4. FC Viktoria Berlin 5 12 : 9 8
5. FC Neugersdorf 5 11 : 8 8
6. FSV Nordhausen 5 5 : 2 8
7. Halberstadt 5 8 : 6 8
8. SV Babelsberg 5 5 : 4 8
9. FSV Fürstenwalde 5 8 : 7 7
10. Meuselwitz 5 8 : 8 7
11. Altglienicke 5 4 : 4 7
12. Budissa Budyšin 5 3 : 6 7
13. Hertha BSC II 5 6 : 10 6
14. Berlinski AK 5 7 : 10 5
15. Auerbach 5 3 : 8 3
16. Chemija Lipsk 5 2 : 9 3
17. Neustrelitz 5 4 : 13 3
18. Luckenwalde 5 6 : 14 1
krajna klasa
Nowe Město – Borea Drježdźany 6:1 (4:1)
Ćisk – Weixdorf1:0 (1:0)
Horni kraj Sprjewja – Chrósćicy 1:1 (1:0)
Oderwitz II – Nowosólc-Hródk 3:0 (2:0)
Laubegast – Mužakow 2:2 (1:0)
1. FSV Oderwitz II 3 10 : 4 9
2. ST Ćisk 3 7 : 3 9
3. ST Trjebin 3 5 : 7 6
4. Čerwjeno-běli Mužakow 3 11 : 4 5
5. Drježdźany-Strěžin 3 10 : 3 5
6. Horni kraj Sprjewja 3 8 : 6 4
7. Nowosólc-Hródk 3 6 : 4 4
8. FC Neugersdorf II 3 4 : 3 4
8. SG Weixdorf 3 4 : 3 4
10. LSV Nowe Město 3 13 : 12 3
11. Drježdźanski SC 3 10 : 18 3
12. SJ Chrósćicy 3 4 : 6 1
1. městno we wokrjesnym finalu
Doma bjez přećiwniskich wrotow
Budissa Budyšin
– VfB Auerbach 0:0
Zestawa domjacych: Ebersbach – Kunze, Patka, Hoßmang, Heppner, Krawčik (77. Mack), Pfanne, Weiß, Schmidt, Bönisch (86. Gehrmann), Hänsch (62. Milde)
Po dwěmaj dobyćomaj chcychu koparjo Budissy Budyšin tež třeću domjacu hru wuspěšnje zakónčić. Hižo zahe pak postaji sudnik pokutny kop, dokelž bě Budyski kapitan Franz Pfanne přećiwniskeho hrajerja w šěsnatce foulował. Kapitan VfB Auerbacha Philipp Kötzsch měješe wulku šansu na 0:1. Wrotar Maik Ebersbach pak jědnatku na zbožo wotwobara (5.). Nawjedowanje njeby domjacym runjewon tyło. Po róžku Tonyja Schmidta zhłójčkowa Jonas Krawčik bul jeno snadnje wyše łaty (8.). Třělwa Schmidta bu wotfalšowana a prasny do žerdźe Auerbachskich wrotow (39.). Hrajersce njebě partija na wysokim niwowje.
Wjacore hry wčera jara snadne a napjate byli
Wot finalnym beachvolleyballowym turněru Radija Satkula
Wulkeho naprašowanja dla běchu młodźi žurnalisća serbskeho rozhłosoweho sćelaka Radija Satkula ličbu mustwow lětsa wot 16 na 20 cyłkow powjetšili. Dokelž pak stej krótkodobnje tola dwaj teamaj wotprajiłoj, pytachu Satkularki a Satkularjo za nowymaj, štož so jim krótko do turněra tež poradźi. Za to wuprajam jim a krótkodobnje wutworjenymaj cyłkomaj wulku chwalbu. Wosebite připóznaće pak słuša młodej žołmje za znowa jara poradźeny sportowy podawk.
Derby doma jasnje dobyli
ST Marijina hwězda
– SJ Chrósćicy II 4:0 (2:0)
Zestawa domjacych: O. Schmidt – Wróbl, Škoda (46. K. Pakoßnick), Jurš, R. Hawš, Peschmann, Kuring, O. Hawš (22. Rab), P. Schmidt, Eldor, J. Pakoßnick (67. Prasse)
Zestawa hosći: Matješk – Mark, Förster (67. Kral), Młynk, Budar, Liznar, Pöpel, Šmit (63. Mohaupt), J. Bogusz, Dehn (41. Klimant), Dórnik
