Slědźerjo z Choćebuza zběraja zwuki a zynki Łužicy – tež na Bože ćěło
Choćebuz/Njebjelčicy (SN/MiR). „Naš zaměr je zwuki a zynki Łužicy zběrać a je tak zwobraznić, zo móže je kóždy a kóžda dožiwić.“ Tak zwuraznja Adrian Dorschner, architekt a hóstny docent, njewšědny intermedialny slědźerski studijo „New Lusatia/Nowa Łužyca“ na architekturnej fakulće Braniborskeje techniskeje uniwersity (BTU) Choćebuz-Zły Komorow. Zaměr projekta je mjez druhim, jónkrótne rumnostne a architektonisce historiske kwality Łužicy z nowym widom wuslědźić. Projekt njeměri so jeničce na studentow architektury, ale na studowacych, kotřiž so za temu zajimuja. Dalša ideja je, změny we wjesnych strukturach analyzować: „Při tym dźe hłownje wo wsy, kotrež su w zašłym lětstotku wudobywanja brunicy dla hinaše wjesne struktury dóstali abo kotrež su z demografiskeje změny charakterizowane“, Dorschner zwuraznja.
Budyšin (SN/bn). Serbski ludowy ansambl (SLA) wuhotuje lětsa třeći raz rjad Kulturna zahroda. Pod Budyskej Röhrscheidtowej baštu předstaja wot zajutřišeho do kónca junija stajnje wot štwórtka do njedźele dohromady 16 hudźbnikow resp. skupinow runja telko programow pod hołym njebjom. Wuwzaće je kónc tydźenja 14. a 15. junija, na kotrymž wotmějetej so „Słowjanskej nocy“ na dworje Smochčanskeho kubłanišća swj. Bena (Serbske Nowiny rozprawjachu).
SJ Chrósćicy II –ST Marijina hwězda 2:3 (0:0)Zestawa domjacych: Kola – T. Donat (68. Ki. Mark), Dórnik, Kl. Mark, J. Donat, Liznar, Sćapan, Wencel, Klemenc (60. Žur), B. Donat (55. Dźisławk), Kř. ZahrodnikZestawa hosći: Matik – Hoge (90. Ladewig), Cyž, Pakoßnick, D. Jurš (71. Wünsche), Kuring (46. Langer), Wróbl, Clausen (62. Lugge), T. Jurš, Pešman, ZyndaZašłu njedźelu wuhrachu w Chrósćicach serbski koparski derby mjez tamnišim druhim mustwom SJ Chrósćicy a prěnim mustwom susodneho towarstwa ST Marijina hwězda. Hladajo na tabulku běchu hosćo faworit.
Hnydom dwaj čěskaj staćanaj kandidujetaj za Serbske wolerske zjednoćenstwo (SWZ) k lětušim wólbam do Budyskeho wokrjesneho sejmika 9. junija.Budyšin (SN/MiP). Jedyn z njeju je Pavel Šlechta. Studowany slawist a pedagoga je wučer na Swobodnej wyšej šuli w Hamorje. W Němskej bydli dohromady hižo 25 lět, do Łužicy přišoł běše před 16 lětami. „Ja chcu přeco Serbam pomhać“, wotmołwi wón na naprašowanje SN, čehodla za Serbske wolerske zjednoćenstwo kandiduje. „Dyrbimy so hibać! Hdyž ničo nječinimy, potom budźe přepozdźe – runje w tutych časach“, praji 48lětny nan třoch dźěći. Wólbny bój wšak je snadnych financielnych srědkow dla lědma móžny. „Za plakaty njeje pjenjez, smy dotal přeco přez lokalne syće wabili a wězo tež ertnje w našich ‚wosobinskich‘ syćach“.
Při rjanym wjedrje je njedźelu tójšto přihladowarjow na mejemjetanje do Serbskich Pazlic přichwatało. Mjez hosćimi bě mnoho dźědow a wowkow, kotřiž wužichu składnosć swoje wnučki při hajenju nałožka wobkedźbować. Po słódnej swačinje ze samopječenymi tykancami a kofejom zarejowa dohromady 16 porow wokoło mejki, dźewjeć młodźinskich a sydom dźěćacych. Wšitke holcy wjerćachu so w pyšnej narodnej drasće. Běh wo krónu mejskeho krala doby Jonas Ričl, kotryž wuzwoli sej Stefanie Bulankec za swoju mejsku kralownu. Pola dźěći rěkaše lětuši por Luba Brězanec a Jonas Brückner. Foto: Angelika Krječmarjowa
Praha (dpa/SN). Čěski prezident Petr Pavel je před njerealistiskimi wočakowanjemi w zakitowanskim boju Ukrainy přećiwo Ruskej warnował. „By naiwne było, wěrić, zo móže Ukraina w přichodnym času kontrolu nad swojim teritorijom dospołnje wróćo zdobyć“, rjekny bywši šef generalneho staba wójska sćelakej Skyx News. Ruska zdobyte kónčiny wjace njespušći. Štož móžemy činić, je wójnu skónčić“, sej 62lětny žadaše. Po tym móhli wšitcy wobdźěleni wo rozumnym rozrisanju rěčeć. Kompromis je tak a tak jenož z přihłosowanjom Ruskeje, Ukrainy a druhich krajow móžny, je sej Pavel wěsty. Nadźiju na bórzomny přistup Ukrainy do NATO Pavel tohorunja nima. „To drje njepřińdźe do prašenja, dołhož wójna dale traje.“ Najprjedy dyrbjał měr w kónčinje knježić. Tež rozmyslowanja francoskeho prezidenta Emmanuela Macrona, wojakow do Ukrainy pósłać, Pavel wotpokazuje. To by direktnu konfrontaciju mjez NATO a Ruskej zawinowało. „Nichtó tajki konflikt wosrjedź Europy nochce.“ Čěska dotal Ukrainu w boju přećiwo rusk ...
