Sprawny remis w Hornim kraju docpěli
ST Horni kraj Sprjewja –
Sokoł Ralbicy/Hórki 2:2 (2:2)
Zestawa hosći: Chr. Gloxyn – Matka, Rachela, Korjeńk (77. Kurjat), Schultz, A. Wałda, T. Wałda , D. Gloxyn, Šewc, Rawš, Bejmak (77. P. Šołta)
Pola pjateho tabulki w Hornim kraju nastupichu Sokoljo minjenu sobotu. Z dobyćom bychu jich hosćo tež přesćahnyć móhli. Z Pětrom Domašku pak pobrachowaše nazhonity nadběhowar. Jeho zastupowaše Fabian Korjeńk. Tež trenar Tomaš Henčel njebě přitomny. Kotrenar Matijas Šnajder pak mustwo wuběrnje nastaji.
Hižo w 7. min. padny nawjedowanje za hosćićela. Hrajer wuhra na prawej stronje hnydom dweju Ralbičanow a flanka bu nisko do šěsnatki hrata. Prěni nadběhowar da bul přez noze běžeć, tak zo druhi samlutki nawjedowanje docpě. Sokoljo pak njedachu so zatrašić. Po róžku docpě Andy Schultz z hłowu wurunanje (11.). Po dobrej poł hodźinje pak nawjedowaše znowa hosćićel. Wospjet přesadźi so hrajer na prawej stronje, nadběhowar skoči na dołhej žerdźi najwyše a docpě z hłowu 2:1. Krótko do połčasa pak padny wurunanje. Pawl Rachela bu dołho pósłany, wuhra w šěsnatce zakitowarja a zwjertny bul do dołheho róžka.
Nadźije Energije dale wobsteja
FC Energija Choćebuz –
Čerwjeno-běli Erfurt 1:1 (0:1)
Zestawa domjacych: Bethke – Hasse (78. Kujović), Hildebrandt, Slamar (78. Heike), Borgmann, Eisenhuth, Hofmann, Oesterhelweg (67. Shcherbakovski), Thiele, Hottmann, Wähling (67. Badu)
To wšak njeje sej rekordna kulisa něhdźe 17 000 domjacych fanow Energije w Choćebuskim stadionje woprawdźe zasłužiła. Chowancy Energije wotedadźa při načolnej hrě přećiwo Erfurtej komfortabelny tabulkowy staw a z tym započina wulke třepotanje. Ale njedźiwajcy toho běše to kwalitatiwnje jara naročna hra. Sebjewědomi hosćo trjechichu jako prěni 1:0 a tutón předskok dołho jara derje zakitowachu. Domjacy namakachu jenož ćežko do hry, wšako hosćo jara efektiwnje w škiće agěrowachu. Po tym zo bě w 81. min. Energiji zbožo poboku, jako RWE w njepřewidnej scenje wonkownu žerdź trjechi, krótko do toho zaměnjeny Tim Heike fanow wumóži. Najprjedy Eric Hottmann na wonkownej poziciji zhubjeny bul energisce wróćo zdoby, po tym dósta Jonas Hofman kulowatu kožu. Jeho precizna flanka do centruma trjechi přiběžaceho Tima Heike, kiž docpě wurunanje.
Sylny wustup w trajnym dešću Duisburga
Sakska krajna koparska wubranka bě so njedawno na turněrje na sportowej šuli we Werdauwje wobdźěliła. Holcy U 16 su lětuši směrodajny turněr němskeho koparskeho zwjazka w Duisburgu wuspěšnje zakónčili. Bohužel dyrbješe so turněr trajneho dešća dla po třećim hrajnym dnju přetorhnyć, dokelž njebě wjac móžno, na trawnikach hrać. Po suwerenym zazběhowym dobyću přećiwo Saksko-Anhaltskej na prěnim hrajnym dnju (5:0), móžeše Sakska w na to sćěhowacych hrach stajnje sylne remisy přećiwo wulkim mjenam (1:1 přećiwo Braniborskej a 0:0 přećiwo Delnjorynej) docpěć. Tak nastupichu talenty njedźelu z dobyćom a dwěmaj remisomaj we wačoku domojjězbu. W kónčnej tabulce wobsadźi Sakska tak pjate městno.
Rezimej trenarja krajneje wubranki Fabiana Grigata po dnjach w Duisburgu: „Z wukonom turněra móžemy jara spokojom być. Z tróšku wjace překlepanosću a klewernosću w ofensiwnej hrě by samo medalja móžna była. Hrajerki su so na tutym sylnym niwowje super prezentowali. Škoda, zo njemóžeše so štwórty hrajny dźeń hižo wotměć, ale wjedro njemóžeš wobwliwować.“ Kilian Hrjehor
Wuslědki (16.05.23)
Kopańca,
regionalna liga muži
VSG Altglienicke – BFC Dynamo 2:3 (1:2)
SV Lichtenberg – Tennis Berlin 2:2 (1:1)
Kamjeničanski FC – Lok Lipsk 1:1 (0:1)
Energija Choćebuz – FC Erfurt 1:1 (0:1)
Chemija Lipsk – Ger. Halberstadt 2:0 (1:0)
Carl Zeiss Jena – SV Babelsberg 0:0 (0:0)
Luckenwalde – Greifswaldski KK 6:2 (1:2)
Berlinski AK – Hertha BSC II 0:5 (0:1)
Meuselwitz – FC Viktoria Berlin 2:1 (1:1)
1. FC Energija Choćebuz 32 64 : 28 66
2. FC Čerwjeno-běli Erfurt 32 61 : 29 62
3. FC Carl Zeiss Jena 32 54 : 19 59
4. Lok Lipsk 32 55 : 38 57
5. BFC Dynamo 32 54 : 39 55
6. VSG Altglienicke 32 61 : 37 53
7. BSG Chemija Lipsk 32 48 : 43 51
8. Kamjeničanski FC 32 45 : 30 49
9. SV Babelsberg 32 46 : 37 49
10. Hertha BSC II 32 55 : 50 48
11. FC Viktoria Berlin 32 45 : 43 45
12. Berlinski AK 32 41 : 50 43
13. FSV Luckenwalde 32 40 : 50 38
14. Greifswaldski KK 32 45 : 56 34
15. ZFC Meuselwitz 32 40 : 67 29
16. SV Lichtenberg 32 33 : 64 26
17. Germania Halberstadt 32 29 : 69 16
18. Tennis Borussia Berlin 32 24 : 91 13
Wažne dobyće za Chróšćanow
SJ Chrósćicy –
SV Wesenitztal 2:0 (2:0)
Zestawa domjacych: Králíček – Mark, B. Cyž, Runt, Kreuz (64. Matik), L. Zahrodnik (82. Wornar), Młynk, M. Zahrodnik, Matješk (78. Janca), Krawc, Bogusz (91. Handrik)
Na 25. hrajnym dnju sezony 2022/2023 dojědźechu sej koparjo z Wesenitztala do Chrósćic. Wobaj cyłkaj měještaj z 27 dypkami samsne mnóstwo ličakow na swojim konće. Tuž wočakowaše přihladowarjow wurunana hra. SJC swoju prěnju jědnatku zranjenjow dla na někotrych městnach změni. Tuž dyrbješe sej šeftrenar Pavel Runt tež zaso raz swoje kopački woblec.
Wjacore dźesatki dorostowych a dalšich motocrossowych jězdźerjow ...
Widźał, słyšał, napisał (15.05.23)
Awtorka dźensa
Tereza Wićazowa
Za čas studija sym husto do biblioteki sportowych wědomosćow sportoweje fakulty w Lipsku chodźiła. Tam mějachu knihi wurjadowane, kotrež wjac načasne njejsu abo wottrjebane. Hdys a hdys sej jednu abo druhu knihu za symboliski fenk sobu wzach. Před krótkim zaso swójsku „biblioteku“ přelistowach a namakach w jednej z tutych knihow zajimawy nastawk Dietera Brodtmanna. Nastawk je wón drje w lěće 1993 napisał, rozestaja pak so ze sportom w lěće 2023. Dieter Brodtmann je sportowy pedagoga a wysokošulski wučer. Mjez druhim napisa: „Hdyž nětko na lěto 2023 zhladuju a so prašam, kak mam dźensa dźěći na pohib za 30 lět kwalifikować, potom wšak dyrbju spytać anticipować, kak móhł wólny čas a pohib w lěće 2023 wupadać.“
Tuž spyta wón w lěće 1993 někotre tendency resp. mysle za lěto 2023 nastajić:
Wuslědki (15.05.23)
Kopańca, krajna liga
1. SSV Markranstädt 25 51 : 15 53
2. Großenhainski FV 90 25 46 : 17 53
3. SG Taucha 25 54 : 20 52
4. VfB Empor Glauchau 27 61 : 31 50
5. FSV Motor Marienberg 25 55 : 34 49
6. VfB Fortuna Kamjenica 27 60 : 40 48
7. Drježdźany Laubegast 25 59 : 40 40
8. Rjemjesło Rabenstein 25 46 : 38 40
9. Radebeulski BC 25 48 : 55 36
10. Radefelder SV 26 44 : 47 33
11. FC Lößnitz 25 40 : 43 30
12. VfL Pirna-Copitz 27 29 : 58 23
13. FSV Wódrjeńca 24 43 : 71 21
14. BSC Rapid Kamjenica 25 29 : 58 21
15. FC Módro-běli Lipsk 26 20 : 66 17
16. SZ Drježdźany Strěžin 26 25 : 77 7
Krajna klasa
Přezjednota Niska – SG Weixdorf 2:1 (1:1)
Drježdźanski SC – R. Drježdźany 0:2 (0:1)
TSV Cossebaude – BSV Sebnitz 4:2 (1:1)
Wojerowski FC – Rakečanske ST 0:2 (0:1)
SJ Chrósćicy – SV Wesenitzal 2:0 (2:0)
Nowosólc-Hródk – Radeberg 3:0 (1:0)
Běła Woda – Drohotka Ramnow 2:1 (1:1)
1. SC Borea Drježdźany 23 82 : 20 57
2. FV Přezjednota Niska 23 81 : 22 56
3. TSV Rotacija Drježdźany 23 48 : 23 50
4. FSV Nowosolc-Hrodk 23 45 : 31 38
5. VfB Běła Woda 23 44 : 57 34
6. Rakečanske ST 24 47 : 49 32
7. Drježdźanski SC 23 34 : 38 31
8. SJ Chrósćicy 23 30 : 24 30
9. SV Wesenitzal 22 40 : 48 27
10. Radebergske ST 24 41 : 70 27
11. TSV Cossebaude 23 44 : 54 26
12. Wojerowski FC 22 35 : 35 25
13. SG Weixdorf 24 34 : 58 20
14. BSV Sebnitz 24 30 : 78 19
15. Drohotka Ramnow 24 40 : 68 12
Sport (12.05.23)
Jubilejne běhi na Sokolnik
Jutře steja we wubědźowanskich kalendrach wutrajnostnych sportowcow 30. běhi na horu Sokolnik pola Wjazońcy. Wutřěl ze startoweje pistole za trailowy běh na distancy 30km wudyri w 11 hodź. W dwěmaj započnje so běh na čarje 12 km, potom walking a wot 14.30 hodź. dźěćacej běhaj na čaromaj 2,5 a 1 km.
Šlagrowa hra w Choćebuzu
Tři hrajne dny do kónca sezony móže regionalny koparski ligist FC Energija Choćebuz z dobyćom přećiwo Čerwjeno-běłym Erfurt dočasne mišterstwo swjećić a so po tym na relegaciskej hrě wo postup do třećeje ligi přihotować. Za šlagrowu hru jutře je FC Energija hižo přez 17 000 zastupnych lisćikow předała.
13.05. 13:00 Wu. Dubrawa II/Rad. II –
ST Lubuš II
13.05. 13:00 FC Energija Choćebuz –
FC Čerwjeno-běli Erfurt
13.05. 14:00 Biskopičanske KT –
FC An der Fahner Höhe
13.05. 15:00 TSV Wachau –
ST Radwor
13.05. 15:00 ST Horni kraj-Sprjewja –
Sokoł Ralbicy/Hórki
14.05. 13:00 Ralbicy II/Njebjelčicy II –
HZ Łaz/Běły Chołmc II
14.05. 13:00 Budissa Budyšin –
FC Grimma
14.05. 15:00 SJ Chrósćicy –
SV Wesenitzal
14.05. 15:00 SJ Njebjelčicy –
SJ Chrósćicy II
14.05. 15:00 Zeleno-běli Sepicy –
ST Marijina hwězda
14.05. 15:00 Na. Němske Pazlicy –
Módro-běli Kulow
Lodohokejisća w Lubiju
Třeća hra za sobu bjez poražki
Módro-běli Minakał –
SJ Njebjelčicy 2:2 (1:2)
Zestawahosći: Nico Hahn – Gabriel Čornak (72. Nico Šuster), Christoph Pawlik, Marvin Reinecke (45. Handrij Korjeńk), Józef Matješk, Florian Domš, Jakub Šołta, Clemens Reinelt (45. Anton Malaškin), Oliver Domš, Rony Hanuza, Gregor Hermann
Po dwěmaj dobyćomaj w zašłymaj hromaj chcychu Njebjelčenjo nětko dale dypki hromadźić. Z tutym nastajenjom dojědźechu sej zašłu njedźelu do Minakała.
Defensiwnje wusměrjeni spytachu wěsće stać. To so jim w prěnjej poł hodźinje tež jara derje poradźi. Njebjelčenjo mějachu domjacych pod kontrolu a lědma městna za ofensiwne akcije přećiwnika wostajichu. W 21. min. namaka bul puć k Gregorej Hermanej. Tutón hraješe połwysoki bul doprědka na Olivera Domša, kiž trjechi k 1:0 do dołheho róžka. Tak hosćo hnydom z prěnjej šansu nawjedowachu. 10 mjeńšin pozdźišo móžachu, hač do toho njestrašni hosćićeljo wurunać. Třělwa z róžka smaleše direktnje na wrota. Wot wrotow pohonjowani wukonjachu módro-běli nětko wjace ćišća a zwjertnychu hru na 2:1 (34.).
