Dokładnje dźewjeć lět po prěnjej a jeničkej sezonje Viktorije Worklecy w sakskej krajnej klasy poda so minjenu sobotu jědnaće přewšo motiwowanych wolejbulistow do Coswiga, zo bychu přećiwo tamnišemu mustwu Połobski kraj a w druhej hrě přećiwo Póstej Drježdźany dypkowali. Wobaj cyłkaj hrajetej hižo wjele lět w krajnej klasy, a tak zdaše so nadawk za serbskich wolejbulistow jara ćežki być.
Zo so Worklečenjo z tajkim wulkim kadrom do wonkowneje hry podachu, bě a je wažna lěpšina. Skoro kóžda pozicija bě dwójce wobsadźena, a to bjez kwalitatiwnych deficitow. Jeničce za poziciju přistajerja steješe wulki prašak, dokelž stajny přistajer Marcel Rjelka tónraz pobrachowaše. Tak dyrbješe nowopřichad Christian Weitzmann jeho rólu přewzać. Bjeztoho zo móhł so z mustwom zahrać, bu wón do zymneje wody ćisnjeny. Zmištrował pak je swój nadawk tak derje, zo běše na kóncu muž dnja.
ST Połobski kraj Coswig-Mišno – Viktoria Worklecy 2:3 (23:25, 21:25, 25:18, 25:18, 9:15)
Najebać wšitke njewěstosće a wosebite organizatoriske wužadanja smědźachu na tradicionalny triatlon při Třižonjanskim jězoru tež lětsa sportowcow z cyłeje Němskeje witać. Wjace hač 1 100 wutrajnostnych sportowčow a wutrajnostnych sportowcow je składnosć wužiło, mjez nimi tež někotři profijojo kaž dwójna Ironman-dobyćerka Maren Hufe, lokalny matador Markus Thomschke z Połčnicy a jeho treningowy towarš Philipp Bahlcke. Woni dominowachu sobotu ironmanowu połdistancu (płuwanje 1,9 km, kolesowanje 84 km, běhanje 21,1 km).
Na krótšich čarach wobdźělichu so njedźelu tež třo Serbja. Dopołdnja, při hišće suchim wjedrje, počuchaštaj Matej Wjeńka a Daniel Nuk prěni raz třibojowy powětr na sprintowej distancy. Po 750 metrach we wodźe, 20 kilometrach na kolesu a pjeć kilometrach pěši doběhnyštaj wobaj z mało wotstawkom mjez sobu jako 45. a połstaty w srjedźnym polu do cila.
Zestawa hosći: Schöne – Lešawa (68. Nuk), Wałda, Bejma, Matka, Šewc, Rawš (79. Budar), Šołta, Gloxyn, Schultz, Šiman (88. Kobalc)
Po domjacym dobyću přećiwo Módro-běłym Kulow nastajichu so koparjo Sokoła Ralbicy/Hórki sobotu do Budestec. K faworitej na staflowe dobyće jědźechu chowancy trenarja Chrystofa Gloxyna z wulkim sebjewědomjom, byrnjež z Pětrom Domašku, Měrćinom Kurjatom a Paulom Rachelu hnydom třo wažni akterojo pobrachowali. Za to pak nawróći so kapitan Stani Šewc do zestawy.
Hłójčkowanje w kopańcy juniorow zakazać!
Ně, to njeje žadyn směšk, ale, dźe-li po měnjenju někotrych wědomostnikow, realna próstwa. Najprjedy to sam wěrić nochcych. Tola smjeće je mi, po tym zo sym so hłubšo do tematiki začitał, woprawdźe zašło.
Přikład Jendźelska: Tamniši koparski zwjazk bě hižo loni na warnowanja reagował a samo wukaz wudał. Z dźěćimi w zakładnošulskej starobje, potajkim hač do jědnaće lět, je hłójčkowanje tohodla na koparskich treningach mjeztym dospołnje zakazane. Dale wukaz předwidźi, zo maja so hač do staroby 18 lět zwučowanja, při kotrychž z hłowu hraja, redukować. Při dypkowych hrach pak wostanje pola jendźelskich juniorow najprjedy hišće wšitko po starym – młodźi hrajerjo smědźa tam z nohomaj runje tak kaž z hłójčku bul třěleć.
Viktoria nětko klasu wyše
Wolejbulisća Viktorije Worklecy startuja jutře jako postupnik w krajnej klasy do winowatostnych dypkowych hrow, a to w Coswigu. Tam hraja wot 12 hodź. přećiwo ST Łobjowemu krajej Coswig-Mišno. Druhu hru tohole mustwa serbscy wolejbulisća sudźa, a w třećej hrě dnja wojuje Viktoria z Póstom Drježdźany.
Dalše krajne pokalne koło
Na krajnej runinje přewjedu dalše pokalne koło w kopańcy. Tež někotre cyłki Zapadołužiskeho koparskeho zwjazka su hišće zastupjene.
12.09. 15:00 ST Panitzsch (Borsdorf)
– Budissa Budyšin
12.09. 15:00 ST Ćisk – VFC Plauen
13.09. 15:00 Čerwjeny křiž Lipsk 99
– Jednota Kamjenc
Kónctydźenska kopańca
Štyri derbyje pospochi tworja zazběh prěnjeho koparskeho mustwa ST 1922 Radwor. Tydźenja doby wone w Malešecach z 1:0, njedźelu, w 15 hodź. hraje doma přećiwo cyłkej z Małeho Wjelkowa, kotryž je tydźenja z 0:6 na domjacym trawniku HZ Hórnikečanskemu jězorej/Ćiskej II wysoko podležał.
12.09. 12:30 HZ Hórnikečanski jězor
– SJ Chrósćicy II
12.09. 13:00 HZ Wojerowski FC II
– SJ Njebjelčicy
12.09. 15:00 Módro-běli Kulow
– ST Kinspork/Łužnica
12.09. 15:30 ST Horni kraj-Sprjewja
– Sokoł Ralbicy/Hórki
13.09. 10:30 LSV Hory II
SJ Chrósćicy II – HZ Wojerowski FC II/Wětnica-Hola 4:2 (2:1)
Zestawa domjacych: Hejduška – M. Donat, Mark, Kola (57. Dehn), Schulze, J. Donat (69. Richter), Špitank (86. Klimant), Domaška, Paška, Liznar, Jakubaš
Prěni kónc tydźenja w septembru je so tež za koparjow rezerwy Chróšćanskeje SJ skónčnje hrajna doba 2020/2021 započała. Jako hosći witaše wona mustwo z Wojerec. W minjenych lětach běchu to přeco poměrnje wurunane partije mjez cyłkomaj, a tak nastajichu so přihladowarjo na wurunany duel.
Kopańca, regionalna liga žonow
Biskopicy – Phoenix Lipsk 2:1 (2:0)
Přezjednota Lipsk-juh – Erfurt 0:1 (0:0)
RB Lipsk II – Magdeburgski FFC 3:3 (2:3)
1. Biskopičanske KT 1 2 :1 3
2. Přezjednota Lipsk-juh 1 1 :0 3
3. Magdeburgski FFC 1 3 :3 1
3. RB Lipsk II 1 3 :3 1
5. FC Carl Zeiss Jena 2 0 0 :0 0
6. 1. FFV Erfurt 1 0 :1 0
7. FC Phoenix Lipsk 1 1 :2 0
regionalna liga muži
Lichtenberg – Meuselwitz 1:1 (0:0)
Altglienicke – Auerbach 2:1 (0:0)
Carl Zeiss Jena – Hertha BSC II 3:0 (2:0)
Chemija Lipsk – Berlinski AK 0:0 (0:0)
Choćebuz – Halberstadt 0:2 (0:1)
Rathenow – Babelsberg 1:1 (0:1)
Biskopičanske KT – Lok Lipsk 0:2 (0:1)
Luckenwalde – BFC Dynamo 2:5 (0:3)
Borussia Berlin – Viktoria Berlin 1:2 (1:1)
Kamjenica – Fürstenwalde 3:2 (2:1)
Drježdźanski SC
– SJ Chrósćicy 3:2 (1:1)
Zestawa hosći: Králíček – B. Cyž (46. Matješk), F. Cyž, Sentivan, L. Zahrodnik, Zynda, M. Zahrodnik, G. Zahrodnik, F. Zahrodnik (86. Špitank), Vokáček, Heidari
K prěnjej dypkowej hrě po 182 dnjach přestawki nastupi prěnje koparske mustwo SJ Chrósćicy pola Drježdźanskeho SC, a to před 150 přihladowarjemi w starodawnym Heinza Steyerowym stadionje. W publikumje bě něhdźe 30 hóstnych fanow. Wuměnjenja za koparsku partiju běchu optimalne.
Wobaj cyłkaj spočatnje wjele njeriskěrowaštej. Tak wuwi so hra mjez šěsnatkomaj, bjez wulkich šansow, ale z tójšto foulemi. W 25. min. bu domjacy hrajer w šěsnatce foulowany. Sudnik rozsudźi tuž na jědnatku za DSC, a Julius Wetzel ju přetwori. Hosćo spytachu nětko wjace za hru činić, ale zdźeržachu sej kruty porjad. Najwjetšu składnosć za hosćićela wrotar SJC Petr Králíček wotwobara. Hdyž so w tajkej hrě wjele njeradźi, dyrbiš standardy lěpje wužiwać. Přez tajki nasta w 46. min. wurunanje. Po sylnym róžku Gabriela Zahrodnika Feliks Cyž najspěšnišo reagowaše a bul z krótkeje distancy k 1:1 do wrotow suny.
Mužojo Viktorije Worklecy zahaja sobotu wolejbulowu sezonu 2020/2021. Po wjele wuspěšnych lětach we wobwodnej lize bě postup do sakskeje klasy wjac hač zasłuženy.
Za mustwo wokoło kapitana Ludwiga Eckerta je to wulke wužadanje a zdobom dyrdomdej. Jasny zaměr wšěch hrajerjow rěka: Klasu dźeržeć! To pak budźe hladajo na sylnu konkurencu jara ćežko. Nimo toho dyrbja Worklečenjo wotchad Jana Bětnarja narunać, kiž nětko w Drježdźanach pod wysokim sakom hraje. Nowačkaj Christian Weitzmann a Max Jurack njejstaj z mustwom hišće dosć zahrataj. Tohodla Worklečenjo tučasnje tak prawje njewědźa, hdźe steja. Tak bě přeprošenje Módro-běłych z Wojerec na přihotowanski turněr w prawym wokomiku dóšło. Wolejbulisća z Zusoweho města hraja w aktualnej sezonje tež w krajnej klasy.