Dale wulki zajim za kubłanišćo

štwórtk, 17. nowembera 2022
artikl hódnoćić
(0 )
Za móžnosće na Serbskim gymnaziju so šulerjo runje tak zajimowachu kaž jich starši.  Foto: Jan Kral Za móžnosće na Serbskim gymnaziju so šulerjo runje tak zajimowachu kaž jich starši. Foto: Jan Kral

Budyšin (JK/SN). Hižo wjacore lěta wotewri Serbski gymnazij zhromadnje z tamnišej serbskej wyšej šulu zajimowanemu publikumej na předwječoru pokutneho dnja durje kubłanišća. Tež lětsa tomu tak bě. Hdyž běchu dopołdnja šulerjo a wučerjo hišće mjez sobu, njemějachu po wučbje hač do zažneho wječora wjele chwile, sej raz wotpočink popřeć. Stajnje zaso přichadźachu zajimowani starši abo přiwuzni šulerjow, zo bychu sej přehlad wo kubłanju swojeho dorosta kaž tež wo metodach a móžnosćach sposrědkowanja wědy stworili. Načasne metody zbudźichu wulki zajim, wosebje, hdyž šulerjo sami tute předstajichu a z wučbnej wědu w cyłku prezentowachu. Wučerjo běchu w tym padźe jenož dohladowacy personal, ale mějachu na mnohe prašenja staršich wotmołwjeć.

wozjewjene w: Kubłanje
Prošu přizjewće so, chceće-li komentar podać

nawěšk

nowostki LND