Štyri dypki sej zawěsćili
Po wurunanju tola hišće dobyli
FSV Luckenwalde –
FC Energija Choćebuz 2:3 (0:2)
Zestawa hosći: Stahl – Hasse, Eisenhuth, Hildebrandt, Borgmann, Kujović, Hofmann, Proničew (59. Erlbeck), Schulz (84. Geisler), Engelhardt, Zografakis (90.+2 Böhmert)
slěd wrotow: 0:1 Proničew (22.), 0:2 Hildebrandt (29./jědnatka), 1:2 Göth (55.), 2:2 Rothenstein (59.), 2:3 Engelhardt (87.)
Po šestym dobyću w sedmej hrě je so FC Energija Choćebuz na druhe městno w tabulce regionalneje ligi-sewjerowuchod sunyła. Lok Lipsk drje móže FCE z dobyćom w nachwatanskej hrě hišće přesćahnyć, dyrbi pak najprjedy raz dobyć. Partija w Luckenwaldźe běše so z dramatiskej scenu započała. Něhdyši wrotar Energije André Thoms bu wot sobuhrajerja tak jara do hłowy kopnjeny, zo je bjez wědomja ležo wostał, a dyrbjachu 39lětneho do chorownje w Podstupimje dowjezć. Po šoku FC Energija hru dominowaše, tak zo nastachu dwoje jednore wrota. Jako pak widźeše Arnel Kujović žołto-čerwjenu kartu, mějachu Choćebuženjo z mužom mjenje wulke ćeže. Po wólnym kopje Jonasa Hofmann steješe Erik Engelhardt na prawym městnje. Z hłowu so jemu hišće 3:2 poradźi.
Za hosćićela wjac móžno było
Klětu přewjedu w Jaworje zaso ADAC MX Masters
Europska motocrossowa elita wróći so po pjeć lětach přestawki zaso do Łužicy, a to 3. a 4. septembra 2022. Wo tym rozprawjachu Serbske Nowiny zašły kónc tydźenja w swojich krótkopowěsćach. Pod Kaponicu budu potom po pjećlětnej přestawce zaso pod profesionelnymi wuměnjenjemi sportować. Najwažniše informacije a fakty k najwjetšej motocrossowej seriji w Europje je tule Konstantin Hrjehor zestajał.
Što su ADAC MX Masters?
Serija ADAC MX Masters poskića ambicioněrowanym motocrossowym jězdźerjam profesionalne jewišćo. Wona bu wot najwjetšeho Europskeho awtomobilneho kluba ADAC do žiwjenja zwołana. Cil zarjadowanja je narodny sport skrućić a dorost spěchować. Mjeztym njeda so serija ze swěta motocrossa hižo wustorčić. Docpěte bu to dźakowano profesionalnej organizaciji, spušćomnemu planowanju a dobremu zhromadnemu dźěłu z motorskej industriju kaž tež angažementej zarjadowarjow. Motorska industrija je zastupjena přez zhotowjerjow kaž KTM, Suzuki, Kawasaki, Honda, Yamaha a Husqvarna.
Wolejbulistki Drježdźanskeho SC w mišterskej lize jasnje přěhrali
Tabulka champions league w skupinje A po druhim hrajnym dnju:
1. Lokomotiwa Kaliningrad 6 6:0
2. DevelopRes SkyRes Rzeszów 5 6:3
3. Drježdźanski SC 1 2:6
4. SC Prometey Dnipro 0 1:6
Wolejbulistki DSC podležachu minjenu srjedu druhu partiju w champions league cyłkej Lokomotiwa Kaliningrad w swójskej Margon-arenje z 20:25, 17:25 a 19:25. Chowanče trenarja Alexandra Waibla njemějachu přećiwo amtěrowacemu ruskemu mištrej žanu šansu a steja po dwěmaj hromaj w mišterskej lize na třećim městnje skupiny A.
Wuslědki (14.12.21)
Kopańca, regionalna liga muži
Altglienicke – Jena wupad
Choćebuz – BFC Dynamo 1:1 (0:1)
Eilenburg – Luckenwalde 2:1 (1:0)
Tasmania Berlin – Lichtenberg wupad
Kamjeničanski FC – Babelsberg 0:0 (0:0)
Berlinski AK – Auerbach wupad
Lok Lipsk – Rathenowwupad
Halberstadt – Chemija Lipsk wupad
Fürstenwalde – Borussia Berlin wupad
Meuselwitz – Hertha BSC II 0:2 (0:1)
1. BFC Dynamo 21 48 : 20 46
2. FC Energija Choćebuz 21 51 : 19 42
3. Berlinski AK 20 34 : 22 41
4. FC Carl Zeiss Jena 20 39 : 19 40
5. Lok Lipsk 19 41 : 17 39
6. VSG Altglienicke 20 37 : 23 38
7. Kamjeničanski FC 21 34 : 21 35
8. SV Babelsberg 21 29 : 22 35
9. Tennis Borussia Berlin 20 31 : 28 30
10. FSV 63 Luckenwalde 20 31 : 18 29
11. Hertha BSC II 21 32 : 31 27
12. BSG Chemija Lipsk 20 20 : 24 25
13. SV Lichtenberg 47 20 24 : 32 21
14. ZFC Meuselwitz 21 22 : 33 21
15. Germania Halberstadt 20 24 : 39 19
16. SV Tasmania Berlin 20 16 : 44 16
17. FC Eilenburg 21 21 : 47 15
18. Optik Rathenow 20 22 : 38 14
19. Union Fürstenwalde 19 27 : 53 13
20. VfB Auerbach 19 21 : 54 12
Liški trójce za sobu podleželi
Poslednje zbožo falowało
Łužiske lodohokejowe liški –
Lawy Frankfurt 2:3 (0:1, 0:1, 2:1)
Na 18. hrajnym dnju druheje najwyšeje lodohokejoweje ligi Němskeje (DEL 2) podležachu Łužiske lodohokejowe liški prěnjemu DEL 2 snadnje z 2:3. Hižo po 18 sekundach steješe Ryon Moser swobodny před wrotarjom domjacych Tobiasom Ančičku. Po 45 sekundach pospyta so Clarke Breitkreuz před Bastianom Kucisom. Wobaj poslednjej mužej pak swoje wrota zakitowaštaj. Slědowaše faza, w kotrejž stej wobě mustwje wjele ćišća wukonjałoj, ale wuspěch žadyn njewuskoči. Prěnje wrota padnychu po konteru. Darren Mieszkowski z centralneje pozicije wotzamkny. Třělwa bu dwójce wotfalšowana, a puk dźěše mjez nohomaj Ančički k 0:1 (10.) do syće. Liški drje so dale a lěpje do hry namakachu a sej wjace dobrych šansow wuhrachu, ale poslednje zbožo před wrotami jim falowaše.
Widźał, słyšał, napisał (13.12.21)
Cyły zašły tydźeń wjeselach so kaž małe dźěćo na pjatk. To podach so po dwěmaj lětomaj zaso raz do Stadiona přećelstwa w Choćebuzu. Poprawom wšak žołto-čornym koparjam z Dortmunda palcy tłóču, prěnju hru we wulkim stadionje pak dožiwich 6. apryla 2002 w Choćebuzu. Wot toho časa moja wutroba tež za Energiju bije. Hišće jara derje wěm so na swoju runje naspomnjenu prěnju profijowu hru w stadionje dopomnić, wšako słuša duel FC Energije přećiwo Borussiji Mönchengladbach k jednomu z najkurioznišich minjenych 20 lět. Tehdy bě so mjenujcy kultowy wrotar Tomislav Piplica wo njesměrnje směšne samowrota postarał, jako bul na liniji stejo do swójskich wrotow zhłójčkowa a so při tym hišće na zadk sydny.
Sport (10.12.21)
Liški nuznje dypki trjebaja
Z pincy tabulki wulězć Łužiske lodohokejowe liški jenož móža, hdyž dźensa w 20 hodź. w Bayreuthu a njedźelu w 17 hodź. doma w Běłej Wodźe přećiwo mustwu EV Landshut dypkuja. Dźensa hraja Liški, kiž steja w DEL 2 na 12. městnje tabulki, přećiwo šestemu, njedźelu přećiwo třinatemu. Wobě dypkowej partiji wusyłatej Radio WSW a Sprade TV.
Dźensa druhi přećiwo prěnjemu
W regionalnej lize-sewjerowuchod nastupi FC Energija Choćebuz dźensa doma w 19 hodź. přećiwo načolnikej BFC Dynamo. Choćebuženjo steja po dwaceći hrajnych dnjach na 2. městnje tabulki štyri dypki za Berlinjanami. Duelej VSG Altglienicke – FC Carl Zeiss Jena a Lok Lipsk – Optik Rathenow buštej wotprajenej.
„Wotběhanje husycy“ zaso budźe
Jenož jedyn dypk a jedne wrota
Po tym zo smy hižo dwě statistice dorostowych koparskich mustwow Zapadołužiskeho koparskeho zwjazka wozjewili, slěduje tule dźensa třeći dźěl, z kotrymž so serija kónči. W koparskimaj starobnymaj klasomaj młodźina E a F dóstanje dobyćer, wšojedne, kak je hra wušła, stajnje jenož dobyće 1:0 zapisane a přěhračk wuslědk 0:1. Při njerozsudnym rezultaće zapisa so 1:1.
młodźina E, wokrjesna liga, stafla 4
1. Lomnitzski SV 5 28 : 9 15
2. HZ Hermsdorf 4 29 : 10 12
3. TSV Wachau 5 25 : 19 12
4. SZ Großnaundorf 7 22 : 20 9
5. SV Liegau-Augustusbad II 5 21 : 14 7
6. Arnsdorfske KT 6 18 : 25 4
7. ST Kinspork/Łužnica II 5 20 : 28 3
8. FV Ottendorf-Okrilla 05 5 5 : 43 0
młodźina E, wokrjesna liga, stafla 5
1. HZ ST Lubuš 7 51 : 19 19
2. Módro-běli Kulow 5 54 : 14 13
3. HZ Wětnica/Hola 7 35 : 23 13
4. Sokoł Ralbicy/Hórki 6 31 : 13 12
5. HZ ST Ćisk 6 38 : 16 10
6. HZ Łaz/Běły Chołmc 7 29 : 43 7
7. Sokoł Ralbicy/Hórki II 7 14 : 54 7
8. SJ Njebjelčicy 6 22 : 33 4
9. HZ Němske Pazlicy 6 23 : 59 4
10. LSV Hory 1990 7 16 : 39 2
młodźina F, wokrjesna liga, stafla 1
1. Budissa Budyšin 5 5 : 0 15
1. Póst Germania Budyšin 5 5 : 0 15
3. ST 1896 Wulka Dubrawa 5 3 : 2 9
4. ST Horni kraj-Sprjewja 5 2 : 2 7
5. SZ Wjelećin 4 2 : 2 6
6. HZ Traktor Malešecy 6 2 : 4 6
7. Budissa Budyšin II 5 1 : 4 3
7. TSV 90 Wjazońca 5 1 : 4 3
9. TSV 1859 Wjernarjecy 4 0 : 3 1
młodźina F, wokrjesna liga, stafla 2
1. Biskopičanske KT 08 6 6 : 0 18
2. ST Hlinowc 8 5 : 2 16
3. HZ Drohotka Ramnow 6 4 : 1 13
4. ST Huska 5 4 : 1 12
5. HZ Běła Cunnersdorf 7 4 : 3 12
Połserija zakónčena
Zamołwići Zapadołužiskeho koparskeho zwjazka su rozsudźili, zo žane winowatostne dypkowe hry w starobnymaj klasomaj młodźina E a F wjac njebudu. Tak so prěnja połserija hrajneje doby 2021/2022 dočasnje zakónči. Aktualne zaměstnjenja w tabulkach pak su zakład za mišterske a dalše koła, z kotrymiž chcedźa klětu w aprylu pokročować. Aktualne postajenja w detailu rěkaja:
1. Hrajne koła 2021/22 w starobnej klasy młodźina E, w staflach I do V a w starobnej klasy F, w staflach I do IV njebudu dale wjedźene.
2. Pod dypkom 1 mjenowane stafle zwěsćeja kónčne stawy po § 45 wotrězkaj 1 a 3 hrajneho porjada Sakskeho koparskeho zwjazka.
3.a Za mišterske koło młodźiny E we wokrjesnej lize kwalifikuja so stajnje štyri prědnje mustwa ze staflow I – V.
3.b Za zaměstnjenske koło we wokrjesnej lize kwalifikuja so mustwa na městnach 5–10 staflow I – V.
4.a Za mišterske koło młodźiny F we wokrjesnej lize kwalifikuja so stajnje tři prědnje mustwa ze staflow I – IV.
4.b Za zaměstnjenske koło we wokrjesnej lize kwalifikuja so mustwa na městnach 4–10 staflow I – IV. Jurij Bjeńš
