Běłowodźenjo nowemu trenarjej k debitej dobyće darili
Lodohokej, tabulka DEL 2
staw po 33 hrajnych dnjach
1. Ravensburg Towerstars 30 68
2. Lodowe lawy Drježdźany 32 67
3. Lawy Frankfurt 30 62
4. EC Bad Nauheim 32 59
5. EC Kassel Huskies 31 53
6. Lodowe piraty Crimmitschau 31 52
7. Heilbronnske sokoły 34 47
8. Tölzske lawy 32 44
9. EHC Freiburg 30 43
10. ESV Kaufbeuren 32 38
11. EV Landshut 31 36
12. Bayreuthske tigry 30 34
13. Łužiske liški 30 33
14. Selbske wjelki 31 18
ESV Kaufbeuren – Łužiske lodohokejowe liški 2:3 p.p. (0:0, 1:1, 1:1– 0:1)
Štó njeznaje přisłowo, po kotrymž nowe chošća derje mjetu! Łužiske lodohokejowe liški přinjesechu k debitej noweho trenarja Petterija Väkiparty dobyće 3:2 po podlěšenju a tak dwaj dypkaj z Allgäuja sobu do Łužicy. K nowym chošćam dyrbi pak so rjec, zo wone tež jenož mjetu a nic wjac.
Petteri Väkiparta nětko Liški trenuje
Po dotal jara njespokojacym přeběhu sezony su so zamołwići Łužiskich lodohokejowych liškow rozsudźili, šeftrenarja Chrisa Straubu ze zastojnstwa wuwjazać. Po domjacej poražce 0:4 přećiwo Tölzskim lawam sćahny jednaćel Dirk Rohrbach konsekwency, tež dokelž po zašłych krizach wočakowane wuslědki njewuskočichu.
Z eksistowacym potencialom mustwa a k tomu nowymi impulsami dyrbja sej Liški nětko dočasnje zachowanje klasy jako nowy sezonowy cil stajić a jón na kóždy pad zwoprawdźić. Chris Straube bě mustwo wot Coreyja Neilsona započatk februara 2021 přewzał. W lěću, ke kóncej hrajneje doby 2020/2021, su zrěčenje ze Straubu podlěšili. 47lětny, poł Němc poł Kanadźan, je pak klubej dale k dispoziciji. Wón budźe Łužiske liški ze swojej nazhonitosću w přichodźe mjez druhim we wobłuku scoutinga podpěrać.
Widźał, słyšał, napisał (10.01.22)
13. februara móža lubowarjo footballa wjeršk cyłeho lěta dožiwić: super bowl. Hdys a hdys wobhladam sej w telewiziji kwalifikaciske hry, a stajnje so prašam, što maja trikotowe čisła runje w footballu na sebi. Wot toho wothladajo, zo kader 53 hrajerjow wopřijima, je jasne, zo su ličby hač do 99 rozdźělene. Mjez druhim so Tom Brady z 12 zwjazuje, Brett Favre je štwórtku wosławił, Lawrence Taylor nošeše pola New York Giants ličbu 56 z hordosću. W ameriskej profilize NFL su čisła na trikoće wjac hač jenož hołe ličby. Zdźěla footballistow na hrajnišću tež z jich ličbu wołaja: „Hey, number 10 – let’s go!“
Hinak hač w kopańcy njemóža ći hrajerjo w NFL swoje čisło na trikoće stajnje swobodnje wolić. Za tym tči mjenujcy wěsty system. Poprawom su w footballu konkretne trikotowe čisła na chribjeće a na brjuše, a tak mjenowane „TV-numbers“ steja na ramjenju.
Sport (07.01.22)
Nowy online-časopis
Na internetnjej stronje Zapadołužiskeho koparskeho zwjazka je časopis „Zahwizd online“ jako download k dispoziciji. W januarskim wudaću rozprawja wuběrk za dorostowe mustwa wo dalšim postupowanju w klasomaj E a F. Nimo toho pisa zamołwity redaktor časopisa Gojko Sinde wo počesćenjach přećelow kopańcy we Wulkej Dubrawje a Lomnitzu.
Planuja zaso koparski camp
Tež lětsa chce Zapadołužiski koparski zwjazk (WFV) zaso swój prózdninski camp Kamjenskeje ewag nad Baltiskim morjom zarjadować. Jubilejny dźesaty budźe wot 16. do 23. julija prěni raz w młodowni w Ribnitzu-Damgartenje. Přizjewić smědźa so holcy a hólcy lětnikow 2008 do 2011, po dorěčenju ze staršimi tež młódše abo starše dźěći. Cyłkownje 48 městnow ma koparski zwjazk k dispoziciji. Dalše informacije a přizjewjenske modality na homepage WFV
Z nowym trenarjom k wuspěchej?
Łužiske lodohokejowe liški hraja njedźelu druhi raz pod režiju noweho trenarja Petterija Väkiparty. Prěnju hru w jeho zamołwitosći su Liški hižo dobyli. Hač so jim to w druhej tež poradźi?
09.01. 18:30 Lawy Frankfurt –
Łužiske liški
Ani jedne wrota njetrjechili
Łužiske lodohokejowe liški –
Tölzske lawy 0:4 (0:1, 0:2, 0:1)
Štóž bě so nadźijał, zo Łužiske lodohokejowe liški po dobyću 2:0 w Selbje nětko doma přećiwo Tölzskim lawam na swojich wukonach dale natwarjeja, je so chětro mylił. Při tym mějachu hosćo jeničce dwanaće hrajerjow sobu. Trenar Liškow Chris Straube pósła Roopu Mäkitala z Peterom Quennevilleom a Hunterom Garlentom do prěnjeje formacije w nowym lěće. Luis Rentsch, Toni Ritter a Philip Kuschel tworjachu druhi nadběh, Ilja Fleischmann, Tim Detig a Paul Reiner třeći, Daniel Visner a Luis Müller štwórty.
Wuslědki (06.01.22)
Lodohokej, tabulka DEL 2
1. Ravensburg Towerstars 30 68
2. Lodowe lawy Drježdźany 30 61
3. Lawy Frankfurt 29 59
4. EC Bad Nauheim 30 57
5. EC Kassel Huskies 28 50
6. Lodowe piraty Crimmitschau 28 44
7. EHC Freiburg 30 43
8. Heilbronnske sokoły 31 42
9. Tölzske lawy 30 41
10. ESV Kaufbeuren 30 37
11. Bayreuthske tigry 28 34
12. Łužiske liški 28 31
13. EV Landshut 28 27
14. Selbske wjelki 28 18
Łužiske lodohokejowe liški lěto z dobyćom zakónčili
W Běłej Wodźe je drje so lěto 2021 za lodohokejistow z dobyćom skónčiło, tak prawje spokojom pak tam z dotalnej sezonu 2021/2022 njejsu. Hižo nětko je rěč wo změnje trenarja a wjednistwa. Znajmjeńša žadaja sej to přiwisnicy w socialnych medijach. Kilian Hrjehor rozprawja wo štyrjoch hrach Łužiskich lodohokejowych liškow kónc decembra 2021.
Ze sylnej srjedźnej třećinu poražene
EC Kassel Huskies – Łužiske lodohokejowe liški 5:3 (0:1, 3:0, 2:2)
Tabulka (04.01.22)
Lodohokej, DEL 2
staw po 30 hrajnych dnjach
1. Ravensburg Towerstars 30 68
2. Lodowe lawy Drježdźany 30 61
3. Lawy Frankfurt 29 59
4. EC Bad Nauheim 30 57
5. EC Kassel Huskies 28 50
6. Lodowe piraty Crimmitschau 28 44
7. EHC Freiburg 30 43
8. Heilbronnske sokoły 31 42
9. Tölzske lawy 30 41
10. ESV Kaufbeuren 30 37
11. Bayreuthske tigry 28 34
12. Łužiske liški 28 31
13. EV Landshut 28 27
14. Selbske wjelki 28 18
Wolejbulistki Drježdźanskeho SC z dobyćom w champions league
Wolejbulistki Drježdźanskeho SC dobychu 22. hodownika třeću partiju w champions league pola ukrainskeho mištra SC Prometey Dnipro z 3:2. Tak wobchowaja sej chowanče trenarja Alexandera Waibla teoretisku šansu na kónčne druhe městno w mišterskej lize skupiny A w februaru 2022.
Zakónča sezonu z hódnoćenjom
Po dwěmaj hrajnymaj dobomaj bjez hódnoćenja chce Sakski wolejbulowy zwjazk (SSVB) aktualnu sezonu na kóždy pad z hódnoćenjom zakónčić. Za to su zamołwići dwaj scenarijej spřihotowałoj.
Sprěnja: Jeli smědźa wot 1. februara hrać, wuhraja wšitke zbywace hry hač do junija.
Zdruha: Jeli změja hakle wot 1. měrca abo pozdźišo dowolnosć duele přewjesć, zbytne partije prěnjeje połserije dohraja. Naposledk mjenowanemu scenarijej přizamknje so za mustwa na krajnej runinje playoff-system a na wobwodnej a wokrjesnej runinje turněrowy modus.
Sezona 2021/2022 měli poprawom w aprylu zakónčić, nětko dyrbja hač do meje abo samo junija hrać. Potrjecheni su tež serbscy wolejbulisća a serbske wolejbulistki Viktorije Worklecy, Sportoweho towarstwa Marijineje hwězdy a Sokoła Budyšin. Konstantin Hrjehor
