Ćežke běhi na Mnišonc
Srjedu, 18. apryla, přewjedu hižo 31. króć tradicionalne wubědźowanje běharkow a běharjow wo hórskeju kralow z Hornjeje Hórki hač na 449 metrow wysoku horu Mnišonc.
Zhromadny start na jednotliwe naročne čary je w 17.30 hodź. při Hornjohórčanskej sportowni. Běharjo maja wottam hač na wjeršk hory k Hórskemu hosćencej 3,3 kilometry běžeć a při tym 230 metrow wysokostneho rozdźěla přewinyć. Młodostni běža 2,4 km hač k Hońtwjerskemu hosćencej. Při tym přewinu 165 metrow wysokostneho rozdźěla. Starši šulerjo (11 do 14 lět) podadźa so na 1,7 km dołhi kónc cyłkowneje čary hač k nahłej křiwicy lěsa srjedź hory. Młódši šulerjo (7 do 10 lět) docpěja cil po 1,4 km na parkowanišću za pućowacych na kromje lěsa. Tele wurisanje přewjeduje po tradiciji zaso domjace Hornjohórčanske sportowe zjednoćenstwo. Jurij Nuk
Sylny druhi połčas je dosahał
FC Energija Choćebuz – FSV Union Fürstenwalde 4:1 (1:1)
Za FC Energiju hrajachu: Spahić - Baude (46. Geisler), Stein, Matuwila, Schlüter, Gehrmann, Weidlich, Zimmer (77. Zickert), Siebeck (46. Mamba), Viteritti, Scheidhauer
Dwoje spěšne wrota na woběmaj stronomaj postajowaštej prěnju štwórć hodźinu. Maximilian Zimmer trjechi za Choćebuz (7.), Rico Gladrow za Fürstenwalde (12.).
Po změnje stron pósła trenar Claus-Dieter Wollitz swoje mustwo z nadběhowarjomaj Strelijom Mambu a Kevinom Scheidhauerom do druheho połčasa. To so wustkutkowaše. Najprjedy wuži Scheidhauer překrótko wotwobarany bul wrotarja (47.), krótko po tym bu wurjadnje hrajacy Maximilian Zimmer w šěsnatce foulowany. Fabio Viteritti docpě z jědnatku swoje jědnate wrota sezony. Krótko do kónca bě to znowa Scheidhauer, kotrehož Mamba wulkotnje posłuži. Scheidhauer trjebaše bul jenož hišće do wrotow sunyć (82.). 23te dobyće w sezonje 2017/2018 dósta po wothwizdanju hišće wjetši wuznam, jako bu znate zo je BFC Dynamo – prěni přesćěhowar FCE – pola nowačka Chemije Lipsk 0:1 přěhrał. Tuž ma FC Energija nětko 20 dypkow předskoka.
Georg Zielonkowski
Hra do přestawki rozsudźena była
ST Lubuš – SJ Njebjelčicy 0:4 (0:4)
Zestawa hosći: Hahn – Kral, Hrjehor, Hoelzel, Paulik, Hanuza, Schulze, Haška, Lejnart (82. Zeller), Korjenk, Fl. Ričel (71. Čornak)
Po derbyjowym dobyću přećiwo susodej z Pančic chcychu Njebjelčenjo tež zwonka połnje dypkować. Ze samsnej zestawu podachu so koparjo na hru do Lubuša a spytachu hižo zahe, nadběhi domjacych mylić a přetorhnyć. To so chowancam trenarja Handrija Krawčika na tutym dnju tež zwjetša poradźi. We 18. min. posłuži młody Leopold Hoelzel z dołhej přihrawku Roberta Lejnarta. Njebjelčanski nadběhowar wuhra hišće škitarja a suny bul k nawjedowanju do dołheho róžka. Přeco zaso atakěrowaštaj Handrij Korjeńk a Florian Ričel wrotarja a poslednjeho muža hosćićela a nuzowaštaj jeju tak k zmylkam w natwarje. Po tym zo bě Korjeńk w 25. min. hišće wulku šansu wuwostajił, zwyši wón w 36. min. z rjanym hłójčkowanjom na 0:2. Nětko běchu serbscy koparjo porjadnje w rytmusu a startowachu jedyn nadběh za druhim. Hišće do połčasa docpě Lejnart najprjedy 0:3 a 0:4.
Widźał, słyšał, napisał (17.04.18)
Awtor dźensa
Stefan Šmit
Dźensa chcu so na tutym městnje temje abo lěpje prajene chutnemu problemej wěnować, kotryž wuhladaš stajnje zaso na sportnišćach resp. na kromje trawnika. Rěč je wo přehnatym fanatizmje někotrych fanow a w přiběracej měrje tež staršich, kotřiž sćěhuja hru swojeho dźěsća. Wšojedne hač napřećo sudnikej, přećiwniskemu mustwu abo samo swójskemu dźěsću – kotre słowa někotři trenarjo, mustwowi nawodźa abo samo starši na kromje hrajnišća wot so dawaja – nima po mojim měnjenju ničo, ale woprawdźe docyła ničo ze sportom a wosebje z respektom činić. To je jeničce hańba!
Snano dyrbi sej kóždy – wšojedne hač přiwisnik, trenar abo tež aktiwny kopar – druhdy tola zaso raz definiciju sporta přečitać a wuwědomić. Přetož po njej woznamjenja zapřijeće sport: aktiwita ćěła, kotraž je za zabawu a kotraž přewjedźe so z wjeselom.
Tola runje tele wjeselo, kotrež ma sport a w tym padźe kopańća być, někotři ze swojej zasakliwosću, z njemóžnymi wuprajenjemi a z přehnatym fanatizmom cyle jednorje skóncuja.
Wuslědki (17.04.18)
Kopańca, regionalna liga mužow
Halberstadt – Berlinski AK 3:3 (0:1)
Meuselwitz – Hertha BSC II 1:1 (1:1)
Altglienicke – FC Viktoria 2:1 (0:0)
Neugersdorf – Nordhausen 2:0 (2:0)
Budissa Budyšin – Babelsberg 03 3:1 (1:1)
Auerbach – Lok Lipsk 2:0 (0:0)
Neustrelitz – Luckenwalde 2:0 (1:0)
Choćebuz – Fürstenwalde 4:1 (1:1)
Chemija Lipsk – BFC Dynamo 1:0 (1:0)
1. Energija Choćebuz 28 65 : 11 73
2. BFC Dynamo 27 63 : 30 53
3. Nordhausen 26 35 : 18 43
4. Berlinski AK 28 48 : 40 43
5. Lok Lipsk 26 30 : 23 40
6. Hertha BSC II 28 41 : 35 39
7. Fürstenwalde 27 46 : 42 38
8. Meuselwitz 28 37 : 33 38
9. Halberstadt 26 49 : 43 37
10. FC Viktoria 28 42 : 42 37
11. Babelsberg 03 26 34 : 29 34
12. Auerbach 27 36 : 39 33
13. Neugersdorf 27 37 : 45 32
14. Altglienicke 27 23 : 30 31
15. Budissa Budyšin 28 23 : 36 31
16. Chemija Lipsk 29 18 : 45 29
17. Neustrelitz 27 28 : 56 23
18. Luckenwalde 29 22 : 80 7
wokrjesna wyša liga
1. SC Großröhrsdorf 23 50 : 11 56
2. Rakečanske ST 21 54 : 31 41
3. Wojerowski FC 22 40 : 27 39
4. Módro-běli Kulow 22 46 : 22 35
5. Motor Kumwałd 22 45 : 30 35
6. Germania Budyšin 23 51 : 37 34
7. SG Großnaundorf 22 41 : 35 33
8. Drohotka Ramnow 22 46 : 48 33
9. LSV Hory 22 55 : 51 32
10. Sokoł Ralbicy/Hórki 22 31 : 35 30
11. ST Radwor 22 46 : 47 28
12. ST Hnašecy-Dobruša 23 41 : 49 27
13. ST Wjelećin 20 36 : 58 21
14. ST Kinspork/Łužnica 22 43 : 51 19
15. Zeleno-běli Bukecy 23 28 : 70 18
16. ST Budyšin 23 25 : 76 10
Tola hišće wicemišter
Štwórtk wuhrachu mustwa we wokrjesnej stafli wuchod swoje poslednje hry lětušeje sezony. Klóšterscy wolejbulisća mějachu domjacu lěpšinu a powitachu hrajerjow Sokoła Budyšin a z Hnašec-Dobruše do swójskeje hale. Z dobyćomaj kiwaše Pančičanam hišće druhe městno w tabulce – wězo pak běchu woni wotwisni wot tamnych wuslědkow.
ST Marijina hwězda – ST Hnašecy-Dobruša 2:1 (23:25; 25:10; 15:10)
Njewšědne wrota
SJ Chrósćicy II – ST Rakecy II 1:0 (0:0)
Zestawa domjacych: Matješk – Dórnik, M. Donat, Mark, Wowčer, J. Donat (70. Mohaupt), D. Bogusz, C. Šmit, Šołta, Liznar, D. Šmit (90. Klimant)
Wuslědki (16.04.18)
Kopańca, wokrjesna liga stafla II
Wojerecy – Wulka Dubrawa 3:0 (1:0)
ST Lubuš – SJ Njebjelčicy 0:4 (0:4)
HZ Łaz/Běły Chołmc – ST Ćisk II 1:2 (1:2)
SJ Chrósćicy II – Rakečanske ST II 1:0 (0:0)
FSV Łuty – HZ Wulke Ždźary 1:1 (1:0)
Marijina hwězda – Sepicy7:0 (4:0)
Němske Pazlicy – Sprjewja II 8:1 (4:0)
Haselbachtal – Nadr. Hrabowka 4:2 (2:1)
1. Natwar Němske Pazlicy 22 76 : 19 54
2. ST Marijina hwězda 22 58 : 23 42
3. SV Haselbachtal 20 62 : 32 41
4. ST Lubuš 22 50 : 36 41
5. HZ Łaz/Běły Chołmc 20 41 : 24 38
6. SJ Njebjelčicy 21 40 : 32 36
7. Wojerowski FC II 22 44 : 40 31
8. FSV Łuty 22 45 : 50 31
9. N. Město n. Sprjewju II 21 44 : 47 30
10. 1896 Wulka Dubrawa 22 44 : 52 30
11. ST Ćisk II 22 37 : 46 26
12. Nadrózna Hrabowka 22 41 : 57 22
13. Rakečanske ST II 21 25 : 48 21
14. HZ Wulke Ždźary 22 27 : 42 20
15. SJ Chrósćicy II 21 24 : 73 14
16. Zeleno-běli Sepicy 22 19 : 56 13
Sport (13.04.18)
Brizantny wolejbulowy duel
We wobwodnej klasy dyrbja wolejbulistki Viktorije Worklecy jutře w Kinsporku w Sportowni Arthura Kießlinga přećiwo ST Haselbachtalej nastupić. Posledni wobwodneje klasy wočakuje wot 14 hodź. předposlednjeho. Worklečanki dyrbja zestupny duel dobyć abo so pomocy načolnika CVJM Zhorjelc nadźijeć. Tón hraje mjenujcy po tym na samsnym městnje přećiwo Haselbachtalčankam.
Kónctydźenska kopańca
14.04. 13:00 Módro-běli Kulow II –
ST Wětnica-Hola
14.04. 13:00 TSV Połčnica II –
SJ Njebjelčicy II
14.04. 13:30 Budissa Budyšin –
SV Babelsberg 03
14.04. 15:00 Póst Germ. Budyšin –
Rakečanske ST
14.04. 15:00 Módro-běli Kulow –
ST Radwor
15.04. 13:00 ST Marijina hwězda –
Zeleno-běli Sepicy
15.04. 15:00 FSV Nowosólc-Hródk –
SJ Chrósćicy
15.04. 15:00 SG Großnaundorf –
Sokoł Ralbicy/Hórki
Šěsnata hra wšo rozsudźaca
Blidotenisća 1. mustwa Viktorije Worklecy wočakuja jutře w 16 hodź. MSV Budyšin 04 III. Za hosćićela budźe to zestupny duel. Minimalna šansa za zwostaće w 1. wobwodnej lize pak hišće wobsteji, hdyž Worklečenjo dobudu a TTF Běła Woda we Wósporku přěhraje.
Fitnesowy sport w Delanach
Dlěše distancy běhali
Lětuše, mjeztym hižo 41. Biskopičanske běhi na dlěše distancy běchu sobotu do jutrow při chětro zymnym wjedrje. Cyłkownje wubědźowaše so nimale 450 běharjow a běharkow kaž tež lubowarjow walkinga ze Sakskeje, z Braniborskeje, Berlina, Nürnberga, Bochuma a z Čěskeje.
Na štyrjoch čarach wojowachu tež jednotliwi serbscy starterojo, a to dosć wuspěšnje. Cyłkownaj dobyćerjej na 2,5 km (43 w cilu, z nich 20 šulerkow) běštaj Budyskaj šulerjej Vincent Schröter (10:25 min) a Maris Rentsch (11:25 min). Z Budyskeje Serbskeje zakładneje šule běštej wosebje wuspěšnej Schadec Jitka a jeje bratr Jarek w starobnej skupinje U 10. Jarek běše dobyćer (10:34 min) a Jitka wobsadźi 2. městno (12:20 min). Walentin Brězan docpě w skupinje 9. městno (12:52 min).
Cyłkownaj dobyćerjej na 5,1 km (106 w cilu, z nich 55 žónskich) rěkaštaj Georg Bär z Drježdźan (16:55 min) a Marlene Golbs z Weinböhla (21:59 min). Budyski młodostny Leo Čórlich wobsadźi 7. městno w sk U 18 (24:52 min) a 83lětny, najstarši wot wšitkich w Biskopicach so wubědźowacy, Jurij Nuk z Budyšina, wobsadźi 4. městno (41:59 min).
