Awtor dźensa
Achim Kowar
Zymski sport nas skónčnje zaso ma. Šwedske město Östersund bě zašłej kóncaj tydźenja hosćićel biatlonowych sportowcow. Naši so tam wulkotnje prezentowachu: najprjedy bóle mužojo, po nich tež žony. W nordiskim sporće, to rěka w nordiskej kombinaciji a w skakanju w norwegskim Lillehammerje dyrbjachu naše worjoły tydźeń dlěje čakać. Nětko pak bě zazběh wjele lubjacy.
Wokrjesna koparska liga, stafla III
Großharthau – Hlinowc 3:2 (2:1)
Arnsdorf – Großröhrsdorf II 4:2 (2:0)
Wóslink – Großnaundorf 0:5 (0:4)
Ottendorf/Liegau – Frankenthal 6:1 (3:1)
Němske Pazlicy – Sepicy 0:3 (0:2)
Großdrebnitz – Marijina hwězda 1:6 (1:1)
Njebjelčicy – Kamjenc II 4:0 (2:0)
1. Frankenthal 13 37 : 21 31
2. Ottendorf/Liegau 12 33 : 13 29
3. Arnsdorf 13 36 : 14 27
4. Großnaundorf 12 41 : 19 22
5. Marijina hwězda 13 43 : 31 21
6. Großröhrsdorf II 13 26 : 19 21
7. Hlinowc 12 29 : 21 19
8. Njebjelčicy 12 28 : 21 18
Mikławšowej turněraj
Volleyballisća Chróšćanskeje sportoweje jednotki wuhotuja póndźelu, 7. decembra, tradicionalny Mikławšowy volleyballowy turněr, a to we wjacezaměrowej hali „Jednota“. Turněr započnje so we 18 hodź. Hižo jutře přewjedu w Radworju Mikławšowy koparski turněr z dwanaće mustwami. Prěnja hra w hali „Slavia“ započnje so w 9.30 hodź. Hrać budu w dwěmaj staflomaj, w žónskej a muskej. Wšitke šěsć přeprošenych žónskich koparskich cyłkow je připrajiło. Pola muži je zakitowar pokala chór Meja, pola žonow mustwo SJ Chrósćicy, kotrež pak je so w lěću rozpušćiło.
Volleyballowej dypkowej hrě
05.12. 14:00 Kunnersdorf
– ST Marijina hwězda
05.12. 16:00 Mittelherwigsdorf
– Viktoria Worklecy
Mišterstwa w lochkoatletice
W Biskopicach přewjedźe sportowe towarstwo TV 1848 Biskopicy jutře wječor wokrjesne halowe mišterstwa lochkoatletiki. We 18.30 hodź. startuja w ćěłozwučowarni we Wesenitzparku starobne klasy U10, U12 a U14, a to w šěsć disciplinach.
Adwentny volleyball
Kopaty połny program lubješe štwórty hrajny dźeń wokrjesneje volleyballoweje klasy žonow.
MSV Budyšin 04 III – Viktoria Worklecy 0:2 (25:9, 25:20)
Hrajerki MSV Budyšina běchu drje ćělnje přitomne, w myslach najskerje hišće doma. Worklečanske dźiwje micki sej hru natwarjachu a přetworjachu bul po bulu. Tajku jasnu poražku 9:25 přećiwnik dotal hišće poćerpjeł njebě. W druhim přechodźe postupowachu domjace pomałšo. Tež to pak dosahaše za dobyće.
Paralelnje hrajachu w Pančicach:
SC Wojerecy – Marijina hwězda II 0:2 (14:25, 15:25)
Marijine hwězdźički dachu so koncentrowane do hry. Wěstosć w přiwzaću bulow tworješe wuchadźišćo za wuspěšne nadběhi. Daniela Kralec praskaše jedyn bul po druhim do pola přećiwnika. W bloku so Nadine Čižankec wuznamjenješe. Tak dóstachu Wojerecy porjadnu plistu.
We Worklecach hrajachu mjeztym:
MSV Budyšin 04 III – Marijina hwězda III 2:0 (25:12, 25:4)
Hižo wjacore lěta honitaj Mikławškec bratraj Křesćan a Michał we Worklečanskim prěnim blidotenisowym mustwje zhromadnje za celuloidowym bulikom. Po zazběhu sezony 2015/2016 a wjacorych hrach je sej sportowa redakcija Serbskich Nowin interview z kapitanom mustwa Michałom Mikławškom wuprosyła.
Kak posudźuješ dotalnu połseriju w prěnjej wobwodnej lize w prěnim blidotenisowym mustwje Viktorije Worklecy?
M. Mikławšk: Po spočatnych problemach, kotrež zawěsće nastachu, dokelž běchmy přemało trenowali, smy dotal te hry dobyli, w kotrychž běchmy faworit. Bohužel pak mějachmy dosć partijow, w kotrychž faworitej snadnje podležachmy. Tež w tajkich hrach budźemy spytać sej w druhej połseriji dypki wuwojować.
Tučasnje stejiće na sedmym městnje tabulki z wurunanej bilancu: štyri dobyte hry a štyri snadne poražki. Mysliš sej, zo maće hišće móžnosć, do boja wo prědnje městna zapřimnyć, abo dyrbiće skerje na to kedźbować, zo njezestupiće?
MSV Budyšin 04 III 7 64:45 11:3
TSV Wóspork/Hrodźišćo 8 72:50 11:5
SZ Wocl Krušwica 8 70:52 11:5
SZ Ketlicy 8 65:58 10:6
Póst Zhorjelc II 8 64:59 10:6
SZ Wětnica/Hola 8 59:63 9:7
ST Viktoria Worklecy 8 62:59 8:8
TTF Běła Woda 7 45:61 4:10
TTSV Korzym/Załom 8 52:71 4:12
TTSV MB Hagenwerder 8 43:78 0:16
Porjedźenka
Na wčerawšej sportowej stronje SN smy wopačny wobraz k interviewej wozjewili. Kopar na wobrazu njeje Omran Abdullah, ale Marko Handrik. Pětr Sćapan, naš rozprawjer z Radworja, je nam hišće wčera prawy wobraz pósłał. Prosymy wo wodaće.Sportowa redakcija SN
W Radworskim koparskim cyłku hraje nětko Syričan Omran Abdullah. 22lětny bě před lětom pěši přez Turkowsku do Němskeje přišoł. Pětr Sćapan je so z nim rozmołwjał.
Omran, sy w lětnjej přestawce započał w Radworju trenować. Kak je k tomu dóšło, zo runje tule za bulom honiš?
O. Abdullah: Sym swoju domiznu loni 2. decembra wopušćił. Wot měrca 2015 bydlu w Budyšinje. Kontakt do Radworja je bóle připadnje nastał. Běch hižo přeco zahority kopar. Tež w syriskim měsće Amuda sym w koparskim mustwje aktiwny był. Sym wjesoły a dźakowny, zo móžu nětko tule swój hobby dale pěstować.
Kak sy so dotal w Radworju a docyła w cuzym kraju zažiwił, kajki běše Twój prěni zaćišć?
ST Marijina hwězda – SV Haselbachtal 7:4 (5:2)
Zestawa domjacych: Vacek – Rab, Sbjeznie, Škoda, Czapik, Peschmann (86. Mattick), T. Jurš, Bělk (46. Langer), Schmidt, Pakoßnick (60. Bětnar), D. Jurš
To bě wohnjostroj nadběhow a wrotow w koparskj hrě ST Marijineje hwězdy doma přećiwo Haselbachtalej. Prěnju móžnosć k nawjedowanju měješe hižo w 2. min. Jakob Pakoßnick, kiž zbliska na wrotarju zwrěšći. Po dźesać hratych mjeńšinach pak so třělenje wrotow tak prawje započa. 1:0 docpě Dawid Jurš po zamjeće bratra Tomaša. Po róžku Frenzel (23.) wuruna. Jako w 25. min. nimohra hosći njefungowaše, třěli Dawid Jurš 2:1. Štyri mjeńšiny po tym Jakob Pakoßnick zwyši. Po dalšim standardźe zniži Frenzel mjezystaw na 3:2 (36.). Wólny kop Paula Schmidta spjasćowa wrotar hosći před noze Tomaša Jurša, kiž ze zdalenosće dźesać metrow k 4:2 (38.) přetwori. Wulce zasłužene 5:2 do přestawki poradźi so Dawidej Juršej po wólnym kopje Tobiasa Škody.