Korčmarjecy ze žadnej róčnicu

pjatk, 19. oktobera 2018
artikl hódnoćić
(0 )
Jan a Marja Wowčerkec swjećitaj njedźelu swój dejmantny kwas.  Foto: Alfons Handrik Jan a Marja Wowčerkec swjećitaj njedźelu swój dejmantny kwas. Foto: Alfons Handrik

Dźensa před 60 lětami podaštaj so Jan Wowčerk ze Šunowa a Marja Wjacławkec z Konjec do Ralbic na stawnistwo a zwěrowaštaj so hamtsce. 21. oktobra 1958 spožči jimaj farar Jakub Žur w Ralbičanskej wosadnej cyrkwi sakrament mandźelstwa. Zajutřišim zhladujetaj zhromadnje z přiwuznymi a mnoho přećelemi na žadnym dejmantnym kwasnym jubileju na to rjane a spomóžne minjenych šěsć lětdźesatkow. Někotružkuli će­žu­­ staj na nic přeco hładkim žiwjenskim puću w mjezsobnej lubosći a dowěrje jedy­n druhemu pomhajo přewinyłoj.

Dźensa z dejmantami pyšena jubi­larka Marja narodźi so 5. awgusta 1935 do Wjacławkec swójby w Konjecach, hdźež zastupi 1941 do šule. Za čas dźěćatstwa dožiwi surowosć wójny. Kajkosće kaž skromnosć, agilnosć, přećelne wustupowanje a runje tak swój kruty narod­ny a nabožny rjap je sej do dźensnišeho zachowała. Wuchodźiwši šulu dźěłaše w domjacym ratarstwje a něšto časa tež w Budyskej chorowni swj. Bena, hdźež je sej warjenje přiswojiła.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND