Změna čary njeje problem

pjatk, 08. měrca 2019
artikl hódnoćić
(0 )
Wot póndźele ponowja w Hózku móst nad Čornym Halštrowom. Trěbne před dźěła, kaž kerki a štomy podrězać, su hižo wotzamknjene.  Foto: Janek Wowčer Wot póndźele ponowja w Hózku móst nad Čornym Halštrowom. Trěbne před dźěła, kaž kerki a štomy podrězać, su hižo wotzamknjene. Foto: Janek Wowčer

W Hózku móst ponowjeja – Kulowscy a Ralbičanscy křižerjo pojěchaja hinak

Hózk (SN/JaW). Wot póndźele, 11. měrca, wostanje hłowna dróha přez Hózk za wobchad zawrjena. To zdźěli sobudźěłaćerka nowinskeho wotrjada Budyskeho krajnoradneho zarjada Sarah Günther na naprašowanje. Tež křižerskej procesionaj z Kulowa a Ralbic změjetej so lětsa na wokołopuć nastajić, rěka we wotmołwje krajnoradneho zarjada SN.

Přičina za dospołne zaraćenje dróhi a lětušu wobjězdku křižerjow je ponowjenje mosta nad Čornym Halštrowom. „Móst damy dospołnje zwottorhać a zno­wa natwarić. Naprawa traje hač do decembra“, Sarah Günther piše. Nowy móst so wot stareho předewšěm w tym rozeznawa, zo njezměje žadyn srjedźanski stołp. Zdobom rozšěrja dołhosć wo dwaj na 26 metrow. „To je wuslědk najnowšich wobličenjow škita před wulkej wodu a z tym zwjazanym wottokom wody.“ Kaž Günther dale připowědźi, při­prawja na mosće zdobom nowu šćežku za pěškow.

wozjewjene w: Lokalka
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND