Woblubowany hač do Čěskeje

srjeda, 10. julija 2019
artikl hódnoćić
(0 )

Lětuša turistiska sezona při Bjerwałdskim jězoru derje zaběžała

Hamor (AK/SN). Turistiska sezona 2019 při Bjerwałdskim jězoru, najwjetšim Sak­ske­je, je derje zaběžała. Tole podšmórny Hamorski wjesnjanosta Achim Junker (CDU) na póndźelnym posedźenju gmejnskeje rady. „Hladajo na dotal předležace ličby aktualneje sezony směmy so noweho wopytowarskeho rekorda na­dźi­jeć. To pak budźe wězo wot wjedra a wot ličby hóstnych łožow w přichodnych tydźenjach wotwisować“, Junker rjekny. Po nazhonjenjach minjenych lět su hotele, pensije a dowolowe bydlenja na teritoriju gmejny w juliju a awgusće wuknihowane. Přenocowanske kapacity drje přiběraja, hłownje pak w tym wobłuku, kotryž w statistisce njeliča, mjenujcy hdyž jedna so wo mjenje hač dźesać łožow. „Tež w gastronomiskim wobłuku zwěsćamy stagnaciju, štož zwisuje hłownje z pobrachowacym personalom.“

wozjewjene w: Lokalka
Prošu přizjewće so, chceće-li komentar podać

nawěšk

nowostki LND