Město Budyšin planuje 120 metrow dołhi móst nad dołom Sprjewje

Budyšin (SN/mwe). Radźićeljo města Budy­šina wuprajichu so předwčerawšim, srjedu, k wuslědkam studije nastupajo plano­wany móst za pěškow nad sprjewinym dołom z Hrodźiška na Hród, a běchu zahorjeni. Hižo dlěši čas zaběra so město z projektom „Wizija stare město 2.0“, minjene tydźenje pak njebě wo tym zjawnje wjele słyšeć. Planowarjo a sympatizanća tajkeho mosta pak zdźěłachu w tym času studiju, hač a kak je scyła móžny. Wšako ma w tym padźe tež pom­ni­koškit při­hłosować, kiž wulke naroki staja. Nimo města nad Sprjewju so dźeń a bóle tež Budyski wokrjes a samo Swobodny stat Sakska za projekt zajimujetej a jón podpěrujetej.