Blidarstwo w Běłym Chołmcu

wutora, 18. junija 2024
artikl hódnoćić
(0 )
Tutón dom w Běłym Chołmcu je w lěće 1925 blidar Oskar Hähnel natwarił. Wón wjedźeše rjemjesło swojeho nana w swójbje dale. Zady na ležomnosći měješe swoju dźěłarnju. Hač do lěta 2021 je tež syn Konrad Hähnel tu blidarił. Foto: Alfons Handrik Tutón dom w Běłym Chołmcu je w lěće 1925 blidar Oskar Hähnel natwarił. Wón wjedźeše rjemjesło swojeho nana w swójbje dale. Zady na ležomnosći měješe swoju dźěłarnju. Hač do lěta 2021 je tež syn Konrad Hähnel tu blidarił. Foto: Alfons Handrik

We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (3)

Běły Chołmc je ze swojimi dźensa něhdźe 800 wobydlerjemi třeći najwjetši wjesny dźěl Łazowskeje gmejny. Stawizny wjeski sahaja wróćo hač do prěnjeho naspomnjenja sydlišća w lěće 1492. Běłochołmčenjo su z prawom hordźi na swoju wjes a na skutkowanje swojich prjedownikow. Wosebje na njebojazny bój serbskich roboćanow wo swobodu w lětach po 1760. W lěće 1794 steješe na čole zběžkarjow 28lětny ćěsla Jan Cuška, kotrehož kolebka steješe w Běłym Chołmcu. Wróćo zhladujo běše Běły Chołmc před połdra lětstotkom hišće dospołnje serbska wjes. Arnošt Muka zwěsći w lěće 1880, zo běše 91 procentow ludnosće serbska. Porno tomu zwěsći Arnošt Černik 1950, zo běše podźěl na mjenje hač połsta procentow woteběrał.

wozjewjene w: Łužica

Galerija

dalši wobraz (1)
Prošu přizjewće so, chceće-li komentar podać

nowostki LND