Kónctydźenske koparske hry
22.08. 13.00 FSV Budissa Budyšin
– SC Borea Drježdźany
22.08. 14.00 Módro-běli Kulow
– ST Ćisk
22.08. 15.00 Mišnjanske ST 08
– SJ 1981 Chrósćicy
(krajny pokal)
22.08. 15.00 Rakečanske ST II
– ST Marijina hwězda
22.08. 15.00 Lok Slepo
– Sokoł Ralbicy/Hórki
22.08. 17.00 Jednota Kamjenc
– FC Hornja Łužica
Neugersdorf U19
23.08 14.00 SJ Chrósćicy II
– SZ Drjewnica
23.08. 15.00 Fortuna Trjebin 1996
– Hartmannsdorfer SV
(krajny pokal)
23.08. 15.00 ST 1922 Radwor
– FSV Bretnig-Hauswalde
25.08. 18.00 Módro-běli Kulow
– SJ Njebjelčicy
Kónčna hra we Wjelećinje
Finale wo wokrjesny pokal sezony 2019/2020 Zapadołužiskeho koparskeho zwjazka wuhraja jutře, popołdnju wot 15 hodź. we Wjelećinje. Potom nastupitej ST Horni kraj Sprjewja a SZ Großnaundorf přećiwo sebi. Sudnik hry budźe Robert Heinrich, asistentaj Maik Ruprecht a David Ackermann.
Prěni koparski cup na Boršći
Přichodne testowe hry
Sokoła Ralbicy/Hórki:
22.08. 15.00 Lok Slepo
– Sokoł Ralbicy/Hórki (testowa hra)
28.08. 19.00 Sokoł Ralbicy/Hórki
– HZ Wóslink/Skaskow /
DJK Kulow II
(testowa hra)
30.08. 11.00 Sokoł Ralbicy/Hórki
– SJ Njebjelčicy
(testowa hra)
06.09. 13.00 Sokoł Ralbicy/Hórki
– Módro-běli Kulow
(dypkowa hra)
12.09. 15.30 ST Horni kraj Sprjewja - Sokoł Ralbicy/Hórki (dypkowa hra)
20.09. 13.00 Sokoł Ralbicy/Hórki – Wojerowski FC (dypkowa hra)
Maik Brězan
Hlinowski SC – Sokoł Ralbicy/Hórki 2:2 (1:1)
Zestawa hosći: Schöne – Budar, Šewc, Wałda, K. Matka, Rawš, Bejma, Rachela, Šiman, Janca, M. Kurjat, M. Matka, M. Wowčerk, Nuk, Domaška, G. Kurjat, Šołta, Młynk, Kobalc
Njedźelu nastupichu chowancy trenarja Christopha Gloxyna pola zastupjerja wokrjesneje ligi w Hlinowcu. Hosćićel bě po skónčenju sezony dobre třeće městno wobsadźił, a to jako postupnik. Na derje přihotowanym zelenym hrajnišću běchu Gloxynej hnydom 19 hrajerjow k dispoziciji.
ST Chrjebja-Nowa Wjes – ST 1922 Radwor 1:5 (1:2)
Zestawa hosći: Tausend – Reineke, Jatzwauk, Šěrak, Paška, Omran, Glücklich, Pětšak, Zähr, Schulze, Hantschik, Hain, Wróbl, Sćapan
W druhej testowej hrě nastupichu Radworscy koparjo přećiwo njeznatemu přećiwnikej z Chrjebje-Noweje Wsy. Hosćićeljo hraja tež we wokrjesnej lize. To běše dobra přiležnosć za Radworskeho trenarja wupruwować nowy hrajny system z dwěmaj hrajerjomaj w centrumje a dwěmaj nadběhowarjomaj.
Plan bě, z krótkimi přihrawkami a spěšnymi kombinacijemi před wrota přećiwnika přińdź. Radworčenjo pak zhubichu w prěnich mjeńšinach bul w natwarje a dóstachu z dołhim bulom konter, kotremuž njemóžachu zadźěwać. Tak steješe hižo zahe 1:0 (4.) za hosćićela. Po tym pak so hra na dobro hosći zwjertny. Po dobrej přihrawce Radworskeho wrotarja běžeše Tom Schulze sam na přećiwniskeho wrotarja a wotpołoži bul Paulej Hantschikej, kiž dyrbješe jón jenož hišće za wrotowej liniju k 1:1 (11.) zaměstnić.
Za Ralbicy zasadźeni: Schöne – Šewc, Wałda, Schultz, Matka, Rachela, Šiman, Bejma, Domaška, G. Kurjat, Šołta, Lešawa, Janca, Nuk, M. Kurjat, Budar
Pjatk wječor testowachu Ralbičenjo přećiwo młodźinje A Budissy Budyšin. Tute mustwo hraje w krajnej lize. Młodźi hrajerjo su derje wukubłani nastupajo techniku a maja wulku spěšnosć. Tež Sokoljo, kaž na přikład Tomaš Bejma, Dawid Šołta abo Alexander Wałda, su so mjez druhim w Sprjewinym měsće wukubłać dali, prjed hač zaso kopački za Sokoł šnórowachu. W rjadach Budissy hraješe pjatk tež serbski koparski talent Niclas Ričel. Njebjelčan pokaza dobry wukon, kotryž widźeše Niclasowy nan a trenar Serbskeje koparskeje wubranki muži Frank Ričel.
ST Marijina hwězda – Hlinowski SC 1931 6:0 (5:0)
Zestawa domjacych: Schmidt, Matik – Langer, Hawš, Zelnak, R. Cyž, Peschmann, Ch. Cyž, Pjetaš, Pi. Lugge, D. Jurš, J. Pakoßnick, Pa. Lugge, Lipič, Čornak, T. Jurš, K. Pakoßnick
Na pjatkownu treningowu hru přeprosychu sej koparjo Marijineje hwězdy susoda z Hlinowca. Ju dobychu hosćićeljo wysoko ze 6:0 přećiwo klasu niže hrajacemu wokrjesnemu ligistej. Dokelž domjacy sami žanoho sudnika stajić njemóžachu, wupomhaše we wokrjesu znaty referee Hlinowčan Heiko Göbel.
SJ Chrósćicy – Biskopičanske KT II 3:1 (0:0)
Zasadźeni hrajerjo: Králíček – B. Cyž, F. Cyž, Sentivan, Mark, L. Zahrodnik, Zynda, G. Zahrodnik, M. Zahrodnik, F. Zahrodnik, Paška, Handrik
Při horcych temperaturach steješe za Chróšćanow njedźelu tydźenja druhi test na planje. Z hosćom bě rezerwa z Biskopic. Młode mustwo bě po zašłej hrajnej dobje do wokrjesneje wyšeje ligi postupiło. Hnydom wot spočatka wobě mustwje doprědka tłóčeštej. Tak móhło bjezdwěla w prěnjej mjeńšinje hižo 1:0 stać. Přez prawu stronu bě so Bosćij Cyž derje přesadźił. Flanka docpě Luciana Zahrodnika, tola Zahrodnikowa třělwa wrota snadnje misny. K dalšim wulkim šansam pak w spočatnej fazy přišło njebě, dokelž falowaše domjacym dokładnosć a hosćom zaměrnosć w nadběhu. Chróšćenjo spytachu nadběhi přez wonkownych hrajerjow natwarjeć. Tomu pak móžachu hosćo derje zadźěwać. Tak wuwi so wotewrjena hra bjez wulkich šansow na woběmaj stronomaj.