Nowe fitnesowe wubědźowanje
Hyrox je nowe fitnesowe wubědźowanje za kóždeho, kiž chce swoje mocy z druhimi sportowcami měrić. Wurisanje bě so 2017 załožiło. Forma sportowanja wužada sej móc a wutrajnosć a zarjaduje so do kategorije hybridneho treninga, tohodla tež pomjenowanje Hyrox. Wubědźowanje je mjezynarodne a přewjeduje so w rozdźělnych wulkoměstach. Startować móže so we wšelakich kategorijach: mužojo, žony, muska dwójka, žónska dwójka, měšany duwo a pro. Pro woznamjenja, zo su wahi ćeše. Wobdźělnik běži wosom razow jedyn kilometer. Po kóždym kilometru přewjeduje so jedne zwučowanje po sćěhowacym slědźe:
Ski Erg – symbolizuje sněhakowanje z dwójnym zasadźenjom kijow (1000 m)
Sled Push – suwanje sanjow (50 m, 125 kg)
Sled Pull – ćahanje sanjow (50 m, 75 kg)
Burpee Broad Jumps – šěroki ležny zepěr z kónčnym skokom doprědka (80 m)
Rowing – wjesłowanje (1000 m)
Kettlebell – nošenje hantlow w kóždej ruce 24 kg (200 m)
Sandbag Lunges – wupadowe chodźenje z pěskowym měchom na ramjenju z 20 kg (100 m) a
Wallballs – ćisnjenje medicinskeho bula (6 kg) na sćěnu z čapawki tři metry wysoko (100x)
FCE z „módrym wóčkom“
FC Energija Choćebuz –
Tennis Borussia Berlin 2:1 (2:0)
Zestawa domjacych: Bethke – Hasse (66. Milde), Hildebrandt, Böhmert, Borgmann, Kujović (83. Thiele), Eisenhuth, Sherbakovski (83. Erlbeck), Badu (66. Abu-Alfa), Hottmann (35. Heike), Wähling
Je so mjeztym z grawoćiwej prawidłownosću stało, zo FC Energija dźesatki šansow na wrota wuwostaja a po tutym puću přećiwnikam móžnosće přewostaji, sej dypki přećiwo faworitej wudobyć. Dalši přikład bě hra přećiwo Tennis Borussiji Berlin. Dwoje wosebite wrota wobradźichu FCE přiwšěm tři dypki. Kapitan Axel Borgmann widźeše při wólnym kopje při srjedźnym kruhu wrotarja hosći pře daloko před wrotami stejo. Tuž jeho z wušiknej třělwu ze zdalenosće 40 metrow překwapi. Druhe wrota docpěchu hosćićeljo z jědnatku. Pokutnemu kopej předchadźeše jasny foul Janej Sherbakovskemu napřećo. Suwerenje wuži Jonas Hildebrandt po tym šansu. Jako pak hosćo domjacych z wrotami překwapichu, bě nimo z do toho derje wobhladajomnej kombinaciskej hru Choćebužanow.
Wotměnjaca hra z dobrym kóncom
Natwar Němske Pazlicy –
Sokoł Ralbicy/Hórki 2:3 (1:1)
Zestawa hosći: Chr. Gloxyn – Šewc (77. Korjeńk), Al. Wałda, Schultz, D. Gloxyn, Rachela, M. Matka (68. Kř. Matka), An. Wałda, Šołta, Nuk (84. F. Bejma), Bejmak (92. Materna)
Sokoljo dojědźechu sej do bliskich Němskich Pazlic, tući steja na štwórtym městnje tabulki wokrjesneje wyšeje ligi. Předznamjenja njeběchu runjewon najlěpše, dokelž z Pětrom Domašku a Tomašom Rawšom dwaj nazhonitej akteraj pobrachowaštaj. Ale tež pola hosći hrajerjo kaž Serb Feliks Hrjehor k dispoziciji njestejachu.
Dypki w Budyšinje ležo wostajili
ST Póst Germania Budyšin –
ST Radwor 2:0 (1:0)
Zestawa hosći: Grenzemann – Reinecke (18. Schulze), Měrćink, Pěčak, Paška (85. Seiler), Johannes Wjacławk, Schöne (73. Hetaš), Nuk, Grubert, Wjeńka, Šnajder (73. Jakub Wjacławk)
Po wuspěchu zeleny štwórtk steješe hnydom dalši sylny přećiwnik před Radworskimi koparjemi – Póst Budyšin. Tohodla přijědźechu hosćo ze šěrokej hrudźu do Budyšina.
Ale hižo po zahwizdanju bě spóznać, zo chcychu sej Budyšenjo dypki doma zdźeržeć. Hosćićeljo mějachu wjace hrajnych podźělow a móžachu bul lěpje při sebi dźeržeć. Tola Radworčenjo wobstajnje derje zakitowachu a wulke šansy njedowolichu. Po róžku w 24. min. wotfalšowa Lenny Schöne bul njezbožownje do swójskich wrotow a dari přećiwnikej nawjedowanje.
Po znowazahwizdanju dźěše hra runje tak dale kaž do přestawki. Nětko měješe Radwor něšto wjace šansow, kotrež pak njewužiwaše. Za neutralneho přihladowarja bě grawoćiwje přihladować, kak bule přez wrota lětaja. We 78. min. móžeše Budyšin na 2:0 zwyšić. Krótko do wothwizdanja měješe Jakub Wjacławk wulku šansu k 2:1, ale třělwa bu runje hišće na wrotowej liniji wujasnjena.
Wuslědki (18.04.23)
Kopańca,
wokrjesna wyša liga
Horni kraj-Sprj. – Hnaš.-Dobruša 0:1 (0:0)
TSV Wachau – ST Ćisk 2:0 (0:0)
Ottend.-Okrilla – ST Kinsp./Łuž. 5:1 (2:1)
Kulow – Biskopičanske KT II 0:2 (0:1)
Póst Budyšin – ST Radwor 2:0 (1:0)
Großröhrsdorf – Großnaundorf 1:1 (1:1)
Porchow – Łaz/Běły Chołmc 3:1 (2:1)
Němske Pazlicy – Ralbicy/Hórki 2:3 (1:1)
1. Biskopičanske KT II 22 71 : 16 56
2. Póst Germania Budyšin 21 53 : 21 49
3. Módro-běli Kulow 21 42 : 16 46
4. Natwar Němske Pazlicy 22 64 : 26 45
5. ST Hnašecy-Dobruša 22 66 : 43 42
6. ST Horni kraj-Sprjewja 22 58 : 37 37
7. FV Ottendorf-Okrilla 22 50 : 39 35
8. Sokoł Ralbicy/Hórki 21 38 : 31 32
9. SG Großnaundorf 20 28 : 28 28
10. SC Großröhrsdorf 22 34 : 33 27
11. TSV Wachau 22 44 : 63 26
12. HZ Łaz/Běły Chołmc 22 32 : 41 23
13. ST Radwor 21 34 : 58 19
14. ST Porchow 22 27 : 71 15
15. ST Ćisk 22 23 : 78 9
16. ST Kinspork/Łužnica 22 23 : 86 6
Bronza w sakskim finalu
Wolejbulisća 9. do 11. lětnika Serbskeho gymnazija Budyšin (SGB) su sej w krajnym finalu wubědźowanja „Młodźina trenuje za olympiju“ w starobnej skupinje II mjez šěsć gymnazijemi w Dippoldiswaldźe bronzu zawěsćili. Kapitan Elias Kummer so jako najlěpši hrajer turněra wuznamjeni.
W minjenych 22 lětach kwalifikowachu so sportowče a sportowcy Budyskeho Serbskeho gymnazija 41 razow za Sakske finale wurisanja „Młodźina trenuje za olympiju“, a to w šěsć sportowych družinach. Wolejbulisća běchu dotal 17 razow, w štyrjoch starobnych skupinach pódla. Z dobyćom bronzoweje medalje w Dippoldiswaldźe zwyši so cyłkowna bilanca na 10 medaljow.
Jasnej dobyći w předkole
Serbski gymnazij Budyšin –
Martin Lutherowy gymnazij Frankenberg 2:0
Widźał,słyšał, napisał (17.04.23)
Awtor dźensa
Jurij Bjeńš
Pomału nachila so koparska sezona a nimale we wšěch ligach budźe lětsa hladajo na mišterstwo, postup a zestup najskerje hač do poslednjeho hrajneho dnja napjeće wostać. Štož so w prěnjej, druhej a tež třećej zwjazkowej lize stawa, wšak kóždy koparski fan w telewizoru abo interneće zhoni. W štwórtej, potajkim regionalnej lize, tłóču wosobinsce Energiji Choćebuzej palcy, zo steja na kóncu na słónčnym městnje tabulki. Jeli so to chowancam trenarja Claus-Dietera Wollitza poradźi, pak hišće do třećeje ligi postupić njesmědźa. W padźe mišterstwa wojuja potom hišće w dwěmaj partijomaj přećiwo mištrej regionalneje ligi Baworskeje wo postup. A to budźe z wulkej wěstosću SpVgg Unterhaching. Chětro sylny to přećiwnik, kiž bě po mojim měnjenju faworit. Hišće pak je wšitko spekulacija, kónc meje smy mudriši.
Sport (14.04.23)
Start do zeleneje sezony
Jěchanske sportowe towarstwo Kulow startuje njedźelu z konjacym turněrom do sezony 2023. Wot 10 hodź. do 17 hodź. změja w Kulowje wjacore wubědźowanja: 1. Křižne parcours-skakanje, 2. Małe skakanje z kałanjom, 3. Wodźenje konja, 4. Srjedźne skakanje z kałanjom a 5. Wulke skakanje z kałanjom.
Hrajne dny w kopańcy
Koparjo změja jutře a njedźelu zaso obligatoriski hrajny dźeń. W regionalnej a wyšej lize hraja FCE Choćebuz, Budissa Budyšin a Biskopičanske KT doma.
15.04. 13:00 FC Energija Choćebuz –
Tennis Borussia Berlin
15.04. 13:00 Budissa Budyšin –
FC Jednota Rudolstadt
15.04. 14:00 Biskopičanske KT –
FSV Wacker Nordhausen
15.04. 15:00 Sebnitz – SJ Chrósćicy
15.04. 15:00 Módro-běli Kulow –
Biskopičanske KT II
15.04. 15:00 Póst Germ. Budyšin –
ST Radwor
15.04. 15:00 Mały Wosyk/Pančicy II –
Ralbicy II / Njebjelčicy II
16.04. 11:30 Rakečanske ST II –
SJ Njebjelčicy
16.04. 12:30 Na. Němske Pazlicy II –
SJ Chrósćicy II
16.04. 14:00 ST Marijina hwězda –
Wojerowski FC II
16.04. 15:00 Na. Němske Pazlicy –
Sokoł Ralbicy/Hórki
Funinio festiwal
Sokoljo w pokalnym kole połfinale docpěli
Módro-běli Minakał –
Sokoł Ralbicy/Hórki 1:3 (0:1)
Zestawa hosći: Ch. Gloxyn – Matka (57. Kurjat), Rachela, Schultz, A. Wałda (90. Kunze), T. Wałda, D. Gloxyn, Rawš, Šołta (90. Nuk), Domaška, Šewc
Jutrownu póndźelu dyrbjachu Sokoljo swoju hru w štwórćfinalu wokrjesneho pokala nachwatać. Hosćićel běše chětro motiwowany. Hra přiwabi při krasnym nalětnim wjedrje 345 přihladowarjow.
Wot spočatka běše jasne, zo chcedźa domjacy přez robustnu kopańcu a dobyte dwuboje wuspěch docpěć. Na to dyrbjachu so Ralbičenjo w prěnich pjeć mjeńšinach nastajić. Pomału pak so woni tež do hry namakachu. Dobre kombinacije pak so hišće njeporadźichu. Tak wunjese standard nawjedowanje. Denny Gloxyn sflankowa bul na hłójčku Aleksandra Wałdy, kotryž bul do dołheho róžka stłóči. Minakał pak so njepoda a spyta přez dołhe bule na swojeho kapitana Patricka Angermanna wuspěšny być. Sokoljo pak běchu stajnje kedźbliwi. Na tamnym boku pak so Ralbičanam njeporadźi masiwny škit přehrać, a tak chabłaše hra mjez šěsnatkomaj tam a sem.
Christoph Gloxyn – štyri a poł lěta při liniji stał
Spočatk sezony 2018/2019 přewza 29lětny Christoph Gloxyn prěnje koparske mustwo Sokoła Ralbicy/Hórki jako trenar. Z tym bě tehdom najmłódši nazwučowar wokrjesneje wyšeje ligi. Rodźeny Ralbičan steješe wot dźěćaceje hač do mužaceje staroby we wrotach Sokoła, prjed hač přewza wón mustwo jako trenar. Po wjace hač štyrjoch lětach pak maja Ralbičenjo nětko z Tomašom Henčlom noweho trenarja. Gloxynowy nadawk tuž jenož hišće je, klětku Sokoła čistu dźeržeć. Kak je k překwapjacemu rozsudej dóšło a što ma 33lětny w přichodźe planowane, je Christoph Gloxyn Jurjej Bjeńšej powědał.
Jako zhonichmy, zo Tomaš Henčl prěnje koparske mustwo Sokoła Ralbicy/Hórki přewozmje, běchu mnozy chětro překwapjeni. Nichtó z tym ličił njebě, zo ma so na trenarskim polu w Delanach něšto změnić. Kak je k tomu dóšło?
