Wustajeńcu wosebiteho razu pokazuja tuchwilu w rumnosćach Budyskeho towarstwa Dźěłań dźeń. Akrylowe twórby wuměłca Jimmyja Cutaki z Halle nad Solawu, zwobraznjace na přikład Kurta Cobaina a Andyja Warhola, njejsu kruće rozrjadowane, wone takrjec tydźensce poziciju měnjeja. Kaž hižo dotalne móžeš sej tež aktualnu pokazku wotwonka wobhladać. Foto: SN/Hanka Šěnec

Złokomorowske Nowe jewišćo poskića kóždy pjatk w měrcu wot 17 hodź. nowosć „Při telefonaće: Kultura!“ – „Bei Anruf: ­Kultur!“ Dźiwadźelnicy domu zazwonja zajimcow, kotřiž su sej termin dojednali, a přednjesu jim znate a woblubowane ­stawizny a basnje najwšelakorišich awtorow, mjez druhim Johanna Wolfganga von Goethy abo Joachima Ringelnatza, kaž tule Daniel Borgwardt. Skazać móža sej zajimcy priwatne předstajenje za pjeć eurow telefonisce pod 03573/801 286 abo e-mailnje pod . Foto: Neue Bühne Senftenberg/Steffen Rasche

Prěnje digitalne live-wodźenje po wopomnišću Budyšin bě po informacijach zarjadowarja wuspěch. Zamołwići planuja tuž dalše tajke wodźenja. Njedźelu 14., 21. a 28 měrca, su zajimcy, kotřiž chcedźa so z wopomnišćom zeznajomić, přeprošeni so na tajkim online-wodźenju wobdźělić. Započatk je stajnje w 16 hodź., a zarjadowanje traje 45 mjeńšin. Referentaj rozkładujetaj mjez druhim stawizny jastwa, jeho jatych a sobudźěłaćerjow. Nimo toho wotmołwjataj wonaj na prašenja wobdźělnikow. ­Na wodźenju so přizjewić njeje trjeba, jenički klik na www.youtu.be/0M4qjdfifwg za wobdźělenje dosaha. Foto: Wopomnišćo Budyšin/Silke Klewin

Wodorunje: 3 mjeno měsaca, 5 wudmo: hłupy ..., 6 drohotny kamjeń, 7 lud, 10 suchen serbsce, 13 rěka w Sewjernej Americe, 14 korčma, rumnosć, 15 němske žónske předmjeno

Padorunje: 1 wisa na cyrkwinej wěži, 2 rěka přez Mnichow, 3 nic stary, 4 so lubjaca, 8 grjekska stolica, 9 pólske město nad Wódru, 11 rytmus při reji, 12 młode howjado