Pokiwy (22.05.19)
Knižna premjera
Budyšin (SN). „Serbske pomniki“ rěka přewodnik po wopomnišćach, spisany wot Trudle Malinkoweje. Knižna premjera je jutře, 23. meje, w 19.30 hodź. w Budyskej Smolerjec kniharni.
Cirkus w měsće
Budyšin. Wot jutřišeho do 26. meje přebywa w Budyšinje Cirkus Voyage a pokaza w stanje na Třělnišću swój dwójny spektakularny program. Nimo wurjadnych artistow a mnohich zwěrjatow ma cirkus najwjetšu wódnu show Europy. Jutře w 17 hodź. je prěnje předstajenje.
Wječor do zwěrjenca
Wojerecy. Što stawa so we Wojerowskim zwěrjencu, hdyž su jón wopytowarjo wopušćili? Na čo dyrbja hladarjo wječor dźiwać? Na tajke a podobne prašenja dóstanu dźěći a dalši zajimcy zajutřišim, pjatk, wot 18.30 hodź. wotmołwu na wječornym wodźenju.
Pokiwy (17.05.19)
Swjeća sportowy jubilej
Bart. Wot dźensnišeho hač do njedźele swjeća w Barće stolětny jubilej wobstaća tamnišeho sportoweho towarstwa. Po oficialnym swjedźenskim akće budźe dźensa w 20.30 hodź. w stanje na sportnišću piwo natočene. Jutře wotměja so přez cyły dźeń sportowe zarjadowanja, kaž blidotenisowy turněr. Na wječornych rejach wustupi mjez druhim rejwanska showskupina Flashpoints. Njedźelu wot 8 hodź. přewjedu mjezynarodne wubědźowanje we warjenju kotołoweho gulaša. Wot 14 hodź. je program, mjez druhim z wustupom dźěći Bartskeje zakładneje šule. W 17 hodź. chcedźa meju powalić a mejski porik krónować.
Program z překwapjenkami
Zajimawy wobraz skići so wopytowarjam wodosportoweho centruma w ...
Płastowka (17.05.19)
Spočatk pytanych słowow 1–9 je wupokazany.
1 susodny kraj, 2 cyłk twarjenjow, 3 wjes pola Rakec, 4 kruty zjaw, 5 nic dołho, 6 mały ćišćany produkt, 7 dlěše powědančka, 8 njerodnje pisać, 9 čin
Protyka (17.05.19)
Pjatk 17. do 19.5. Němski drastowy swjedźeń w Lubinje
Wjesny swjedźeń z mejemjetanjom w Němcach
Pjatk 17. a 18.5. Židowsko-serbskej dnjej w Slepom
Pjatk 17.5. 19:00 Zarjadowanje we wobłuku rjada „Sakske křesło“ wo temje „Kak swobodnje rozprawjeja naše medije“, mjez druhim ze šefredaktorom ZDF dr. Peterom Freyjom a ze sobudźěłaćerku MDR Ine Dippmann w Smochčanskim Domje biskopa Bena
19:30 Nalětni koncert Załožby za serbski lud ze Serbskim muskim chórom Delany na Worcynskim hrodźe
Sobotu 18. a 19.5. Mejemjetanje we Wěteńcy
Mejemjetanje w Njebjelčicach
Sobotu 18.5. 9:00 Bursa trjebanych kolesow w Kamjenskim Bikehousu
10:00 Dźěłarnička molerstwa ze židowskej wuměłču Judith Wetzka na Slepjanskej farje
10:00 Mjezynarodny dźeń muzejow we Wulkodubrawskim elektropórclinowym muzeju Margarećina hěta
10:00 Čaporowe wiki na Rakečanskim knježim dworje
14:00 Dźěłarnička Kamjenskeje župy „Michał Hórnik“ k hotowanju družčeje drasty na Chróšćanskej farje
14:00 Wubědźowanje wohnjowych woborow wo 10. pokal łužiskeje jězoriny na Blunjanskim sportnišću
15:00 Nalětni swjedźeń w Šešowje
Rozhłós (17.05.19)
njedźelu hornjoserbsce
11:00 Łužica tutón tydźeń, mjez druhim z powěsćemi tydźenja
11:20 Zjimanje temoweho tydźenja wo komunalnych wólbach
11:45 Wobraz z narańšich kónčin – Delnja Hórka
12:00 Nabožne wusyłanje
(superintendent Jan Malink)
po tym zbožopřeća
delnjoserbsce
12:30 Aktualny magacin, mj. dr. wo čitanskim wubědźowanju Rěčneho centruma WITAJ
13:00 Drastowy swjedźeń w Lubinje
13:40 Nabožne wusyłanje
(Hans-Christoph Schütt)
po tym gratulacije
Na wopyće w Hochozy
Do kina (16.05.19)
16.5.–22.5.2019 Budyski filmowy palast: Pokémon Meisterdetektiv Pikachu w 3 D: wšědnje 17:00 a 19:30 (nimo srj) Pokémon Meisterdetektiv Pikachu: štw, so, nj a wu 14:30 | srj 20:15 Glam Girls: wšědnje 16:15 | štw, pj, so, nj a wu 20:15 | pó a srj 20:30 | pj a so 23:00 | štw, so, nje a wu 14:00 Royal Corgi: nj 12:00 | štw, so, nj a wu 14:00 | pj a pó 16:00 | srj 15:45 Avengers: Endgame: wšědnje 16:30 (nimo pó) a 18:00 (nimo srj) Avengers: Endgame w 3 D: wšědnje 16:00 a 19:45 (nimo srj) | srj 20:00 | štw, so, nj a wu 14:15 | pj a so 21:45 Der goldene Handschuh: pj a so 22:00 Der Fall Collini: pj, so a nj 20:30 Alfons Zitterbacke: štw, so, nj a wu 14:15 Willkommen im Wunder Park: nj 12:15 Dumbo: nj 11:45 After Passion: štw a wu 20:30 Monsieur Claude 2: wšědnje 18:15 Die Goldfische: nj 11:45 | srj 17:30 Aladdin: srj 19:45 Friedhof der Kuscheltiere: pj a so 22:30 John Wick: Kapitel 3: srj 20:15
Kino-ekstra: Vice – Der zweite Mann: pó 17:15 a 20:15
Wojerowski CineMotion:
Pokiwy (14.05.19)
Cyrkej-město-kraj
Budyšin. Za štwórtk, 16. meje, přeproša Budyska ewangelsko-lutherska wosada swj. Michała na podijowu rozmołwu pod hesłom „Cyrkej-město-kraj“. Diskutować budu wot 19.30 hodź. w Michałskej cyrkwi Budyski wyši měšćanosta Alexander Ahrens (SPD), wjesnjanosća Kubšic Olaf Reichert (njestronjan), Dobruše-Huski Alexander Fischer a Radworja Wincec Baberška (wobaj CDU). Zarjadowanje moderěruje bywši nawoda Krajneje centrale za politiske kubłanje Frank Richter.
Na diskusiju wo wuwiću Łužicy
Krynhelecy. Na informaciske zarjadowanje wokoło strukturneje změny we Łužicy su wšitcy wobydlerjo gmejny Hamor a dalši zajimcy zajutřišim, 16. meje, do Krynhelečanskeho kulturneho domu přeprošeni. Pod hesłom „Što přińdźe po brunicy – Strukturne wuwiće we Łužicy“ informuja šef sakskeje statneje kenclije Oliver Schenk a Hamorski wjesnjanosta Achim Junker (wobaj CDU) wo najnowšim wuwiću w naležnosći ze slědowacej diskusiju. Započatk zarjadowanja je w 19 hodź.
Za dźěłarničku so přizjewić
Pokiwy (10.05.19)
Mejemjetanje w Kukowje
Pančicy-Kukow. Na Kukowskej klóšterskej łuce při kuble wotměje so kónc tydźenja mejski swjedźeń. Dźensa po natočenju piwa wot 19 hodź. je party z DJjom Guydom. Jutře su wobydlerjo a hosćo w 15 hodź. na kofejpiće a po tym, něhdźe wot 16 hodź., na mejemjetanje přeprošeni. Wječor su reje z kapału Logarhythmus, programom a DJjom. Njedźelu zapiskaja Chróšćanscy muzikanća wot 11 hodź. k rańšemu piwku. Mały chór Serbskeho gymnazija Budyšin a Serbska rejwanska skupina Smjerdźaca wuhotujetej program wot 15 hodź.
Zabawa při małym haće
Worklecy. We Worklecach je mejemjetanje jutře w 17 hodź., a to na naměsće při małym haće. Wjesne dźěći a młodźina su program nazwučowali a so na přihladowarjow wjesela. Po tym je zabawny wječor ze skupinu Fünf an der Feier w parku za hrodom. Worklečanske swójby staraja so wo ćělne derjeměće.
Chošća wjazać nawuknyć
