Wšelčizny
Ćichi pjatk přeproša rybar Maik Rogel wot 10 hodź. na wuchodźowanje po hatach wokoło Cympla (Zimpel) blisko Hamora. Zetkanje je při awtowym wikowanišću Klippe. Pućowacy zhonja, zwotkel karpy su a kak je plahuja.
„Jutry na Lědach“ rěka zarjadowanje, na kotrež wot ćicheho pjatka do jutrownički wšědnje wot 11 do 17 hodź. na Lědy přeprošeja. W muzeju pod hołym njebjom čaka na hosći wosebite jutrowne dožiwjenje.
4. jutrowne wiki wotměja sobotu wot 11 do 18 hodź. na Kamjenskej w Biskopicach. Připowědźił je so nimo zajaca tež klawn.
„Das übermütige Entchen“ rěka inscenacija, na kotruž su swójby zajutřišim w 15 hodź. do Slepjanskeho Serbskeho kulturneho centruma přeprošene.
Na měšćansku rozmołwu je sej lokalna nowina Hoyerswerdaer Tageblatt za jutře w 11 hodź. nawodu Wojerowskeho zwěrjenca Eugèna Bruinsa do Łužiskeho centera přeprosyła.
Šunowska Fabrikska hospoda přeprosy młodźinu jutrowničku na reje, kotrež wobrubitaj DC Romano a DC SCALA. Hač do 21 hodź. je zastup darmotny.
Swójbny swjedźeń wotměje so jutry póndźelu wot 11 do 17 hodź. we Wochožanskim parku błudźenkow.
Dokal załožić?
Budyski Serbski muzej: W nowowuhotowanej wustajeńcy muzeja „Jutry w Serbach“ čaka na wopytowarjow nazorna prezentacija nałožkow něhdy a dźensa. Muzej je wot póndźele do njedźele wšědnje wot 10 do 18 hodź. přistupny.
Mortkowski hród: 21. a 22. apryla so na Jakubecec hrodźe w Mortkowje lětuša sezona zahaji. W 12.30, 14 a 15 hodź. budu tam wodźenja. Na dźěći čaka jutrowne jěchanje, tež trompetarja su skazali.
Złokomorowski hród: Ćichi pjatk su zajimcy wot 11 do 17 hodź. na debjenje jutrownych jejkow přeprošeni. Sobotu wočakuja dźěći jutrowne hry a paslenje. W 16 hodź. je klankodźiwadło.
Budyske wopomnišćo: Wot ćicheho pjatka do jutrowneje póndźele je wopomnišćo wot 10 do 18 hodź. wotewrjene. W 11 a 14 hodź. je wšědnje něhdźe dwuhodźinske wodźenje.
Kamjenski Muzej zapadneje Łužicy. Wuhotowane z pokładnej kartu su dźěći wot wutory do njedźele w času wot 10 do 18 hodź. w elementariju na ekspediciju swěta žrawcow přeprošene.
Wojerowski Zusowy muzej je jutrowne swjate dny wšědnje wot 10 do 17 hodź. wotewrjeny. Jutry póndźelu budźe w 10.30 hodź. wosebite wodźenje.
Protyka (18.04.19)
Štwórtk 18.4. 19:30 Koncert dudakow we wobłuku 54. Wojerowskich hudźbnych swjedźenskich hrow we Łužiskej hali
Pjatk 19. do 21.4. Jutrowne wiki w Muzeju pod hołym njebjom na Lědach (stajnje wot 11 hodź.)
Pjatk 19. do 22.4. Debjenje a wiki jutrownych jejkow Budyskim Serbskim muzeju (stajnje wot 10 hodź.)
Pjatk 19.4. 10:00 Jutrowne wiki w Delnjołužiskim holanskim muzeju Grodk
10:00 Bursa jutrownych wikow w Zabrodskim muzeju jutrownych jejkow
Pokiwy (18.04.19)
Wulkopjatkowne zamyslenje
Budyšin/Smochćicy. Do Budyskeho wopomnišća na Weigangowej přeproša Smochčanski Dom biskopa Bena na zamyslenje. Hósć budźe Christian Dertinger z Lipska, kiž bě sam politiski jaty w Budyšinje. Na hudźbne zamyslenje přeproša Dom biskopa Bena tohorunja wulki pjatk w 19.30 hodź. do Smochćic. Mjez druhim zaklinči „Stabat mater“ Fedely Fenarolija a „voces intimae“ Jeana Sibeliusa. Wječor wuhotuje ansambl Chordo-phone z hosćimi.
Koncertaj w cyrkwi
Chróstawa. W Chróstawskej ewangelsko-lutherskej cyrkwi zaklinči jutře w 10.15 hodź. Johanna Sebastiana Bachowy Markusowy pasion. Na pišćelach hraje Reinhard Keiser. Jutrownu póndźelu, 22. apryla, budźe tam w 17 hodź. koncert za violoncello a pišćele. Hrajetaj Benjamin Arnold a Lucas Pohle.
Na Erlichtec dwór
Rěčicy. Na Rěčičanskim Erlichtec dworje poskićeja dźěćom jutře we wobchodźe wot 10 hodź. plećenje korbikow. W dźiwadłowej bróžni wot 11 do 17 hodź. jejka debja. Jutrownu póndźelu hraja w bróžni wot 15 hodź. jutrowne dźiwadło.
Wodźenje po zwěrjencu
Rozhłós (18.04.19)
Ćichi pjatk, hornjoserbsce
11:00 Aktualna štwórćhodźina z powěsćemi a nowosćemi tydźenja
11:15 Tradicionalne hudźbne wusyłanje ze „Serbskim rekwiemom“
12:00 Nabožne wusyłanje
(superintendent Jan Malink)
po tym hudźba
delnjoserbsce
12:30 Nabožne wusyłanje
(Till Wojto)
12:40 Pasionske spěwanje z chórom Łužyca w Dešnje
13:00 Wo serbskich narownych kamjenjach
13:30 Hudźba na ćichi pjatk
13:40 Kulturne poručenja
13:45 Pokazka na jutrowny delnjoserbski radijowy program a gratulacije
Jutrownička, hornjoserbsce
11:00 Wo přihotach na jutry a informacije ke křižerskim procesionam a hudźba
11:15 Oratorij „Nalěćo“ Korle Awgusta Kocora a Handrija Zejlerja
12:00 Nabožne wusyłanje
(dr. Jens Buliš)
po tym zbožopřeća
delnjoserbsce
12:30 Nabožne wusyłanje
(Manfred Hermaš)
12:40 Jutrowne spěwanje w Mosće, přinoškaj wo jutrach we Łužicy a Makedonskej
13:00 Tematiske wusyłanje „Zajimawostki wo křćeńcy“
po tym gratulacije
Jutry póndźelu, hornjoserbsce
11:00 Witanje z hudźbu a aktualne informacije wo jutrownym kóncu tydźenja
Do kina (17.04.19)
18.4.–24.4.2019 Budyski filmowy palast:
Free Solo: pj 11:00 | pó 15:00 | štw 18:00 Der Fall Collini: wšědnje 15:00 (nimo pó), 17:45 (nimo pó) a 20:15 | pó 14:45 a 17:15 | pj, so, nj a wu 22:15 Willkommen im Wunder Park: wšědnje 14:00 | pó, wu a srj 12:00 Willkommen im Wunder Park w 3 D: wšědnje 16:00 (nimo srj) Friedhof der Kuscheltiere: štw, pj, so a nj 10:15 | pj, so a nj 20:30 | wu 22:45 Avengers Double: wu 21:00 Avengers Endgame w 3 D: srj 00:01, 14:00, 16:00 a 20:00 Chaos im Netz: wu a srj 10:00 After Passion: wšědnje 15:45 (nimo srj), 18:00 a 20:30 Alfons Zitterbacke: wšědnje 13:45 (nimo srj) | pj, pó, wu a srj 11:45 Die Goldfische: wšědnje 18:00 (nimo štw a srj) | štw a srj 17:15 Monsieur Claude: wšědnje 19:45 | pj, so, nj a wu 17:15 Dumbo: wšědnje 14:45 (nimo pó) | wu a srj 10:15 Asterix und das Geheimnis des Zaubertranks: wu a srj 9:45 | pj, pó, wu a srj 12:45 Drachenzähmen leicht gemacht: pj, pó, wu a srj 12:45 Ostwind: wu a srj 9:45 Escape Room: pj, so a nj 22:45 Captain Marvel: pj, so a nj 22:45
Kino-ekstra: The Favourite: pó 17:15 a 20:15
Wojerowski CineMotion:
Po dwulětnej přestawce hotuje so z Budyšina pochadźaca rockowa ...
Křižowka (12.04.19)
Wodorunje: 3 jězdźidło, 5 koparski klub w Mailandźe, 6 norwegska stolica, 7 wołanje k hotowosći, 10 delnjoserbski słownikar, prócowar, nošer Myta Ćišinskeho, 13 sudobjo, 14 tuchwilu, 15 město blisko Parisa
Padorunje: 1 lisćowy štom, 2 dźěl bydlenja, 3 słód, 4 nalětnja kwětka, 8 doktor, 9 powabny, so lubjacy, 11 los bjez dobyća, 12 kartyplacanje
Protyka (12.04.19)
Pjatk 12.4. 18:00 Filmowa premjera „Město rejuje: Manifest!“ we Wojerowskej Kulturnej fabrice
19:30 Předstajenje rejwanskeho dźiwadła „Kamenz can dance X“ w Kamjenskim měšćanskim dźiwadle
21:00 Koncert ameriskeje band Three For Silver we Wojerowskej Kulturnej fabrice
Sobotu 13. a 14.4. Dźěłarnička debjenja jutrownych jejkow w Budyskim Serbskim muzeju (stajnje wot 13 hodź.)
26. jutrowne wiki w Nowej łuce
Sobotu 13.4. 9:00 Zhromadny dźeń za šulerjow wot 6. do 8. lětnika pod hesłom „TY pokazaš nam puć!“ we Worklečanskim Don Boskowym domje
14:00 Debjenje jutrownych jejkow na Rownjanskim Njepilic statoku
14:00 Debjenje jutrownych jejkow w Dešnjanskim domizniskim muzeju
14:30 Debjenje jutrownych jejkow we wjesnym muzeju Błobošojce (Bloischdorf)
17:00 Předstajenje Serbskeho ludoweho ansambla „Wjesoły barokny program“ w awli Budyskeho Schilleroweho gymnazija
19:00 Koncert z dudakom Handrijom Henčlom a dalšimi w Hodźijskim towarstwowym domje
20:30 Hwězdna nóc na dworje Stróžanskeho zarjadnistwa biosferoweho rezerwata Hornjołužiska hola a haty
Njedźelu 14.4. do 5.5. 54. Wojerowske hudźbne swjedźenske dny
Njedźelu 14.4. 23. jutrowne wiki w Brězowce
Rozhłós (12.04.19)
njedźelu hornjoserbsce
11:00 Łužica tutón tydźeń, mjez druhim wo premjerje „Paternoster“
11:20 20 lět Radijo Satkula
11:45 Wobrazk z narańšich Serbow
12:00 Nabožne wusyłanje
(Měrćin Deleńk)
po tym zbožopřeća
delnjoserbsce
12:30 Aktualny magacin, mjez druhim wo olympiadźe serbskeje rěče a wo zwučowanju jutrownych spěwarkow w Kosobuzu
13:00 25 lět spěchowanske towarstwo Serbska rěč w cyrkwi
13:30 Nabožne wusyłanje
(Manfred Hermaš)
po tym zbožopřeća
