Organist Jens Goldgart, spěwytwórc Gerhard Schöne a saksofonist ...
Hódančko (21.11.25)
Jeli pytane słowa 1–14 prawje wuhódaće, wučitaće we wuzběhnjenymaj rjadomaj dom w jednej wsy.
1 znaty wuměłc, 2 znajomosće, 3 přećel španisce, 4 jendźelski titul, 5 spěw jednotliwca, 6 dlěša europska rěka, 7 sušena trawa, 8 prazwěrjo skrótš., 9 dlěše powědančko, 10 družina žita, 11 napis na křižu, 12 wón šije, 13 hubjenstwo, nuza, 14 šulska žurla
Pokiwy (21.11.25)
Weteranojo z New Yorka we Łužicy
Biskopicy. Pro Pain, legendarna skupina (sub)žanra New York Hardcore, je dźensa, pjatk, z hosćom w Biskopičanskim East Clubje. Tam njeprezentuje jenož swoje hity minjenych třoch lětdźesatkow, ale tež wubrane titule noweho albuma, kiž ma klětu wuńć. Weteranam poboku zahudźitej skupinje Street Hammer (hardcore, Drježdźany) a Deth Deelaz (thrash metal, Budyšin). Koncert započnje so w 20 hodź. Ewentuelnje zbywace zastupne lisćiki su při wječornej kasy na předań a płaća 30 eurow na wosobu.
Baršć z wida fotograf(ikarj)ow
Baršć. Zajutřišim, sobotu, wotewrje Muzej za tekstilne a industrijne stawizny z wosebitej wustajeńcu „Annäherungen. Baršć (Łužica)“. Tam prezentuja twórby wuměłskeho kolektiwa ASA-skupiny Fotografija, kotremuž přisłušeja Frank Höhler, Thomas Kläber, Georg Krause, Jürgen Maćij a Reinhard Wehle. Wernisaža započnje so w 11 hodź.
Serbscy wusydlency na jewišću
Rozhłós (21.11.25)
Njedźelu hornjoserbsce
11:00 Łužica tutón tydźeń, mjez druhim ze zjimanjom temoweho tydźenja „Čitać a předčitać“ a z rozprawu wo 151. Schadźowance
12:00 Nabožne wusyłanje
(Gerat Wornar)
po tym zbožopřeća
delnjoserbsce
12:30 Aktualny magacin, mjez druhim z rozprawu wo nowym projekće Rěčneho centruma WITAJ
13:00 Tematiske wusyłanje: „Rozžognowanje“
13:40 Nabožne wusyłanje
(Hartmut Leipner)
po tym zbožopřeća
Do kina (20.11.25)
20.11. –26.11.2025
Budyski filmowy palast:
Pokiwy (14.11.25)
Z bajkami podłu Sprjewje
Choćebuz. Wobswětowa skupina Choćebuz a tamniša firma Łužiska woda wuhotujetej jutře, sobotu, wuchodźowanje podłu Sprjewje. Po puću sposrědkuja fachowcy zajimcam fundowanu wědu runje tak kaž zajimawostki kołowokoło rěki. Čłonki a čłonojo dźiwadła Piccolo wudospołnja program ze serbskimi bajkami. Wuchodźowanje startuje w 14 hodź. při Choćebuskim Domje swójbow (Sprjewina 14). Wosebje swójbam přichileny poskitk je bjezpłatnje přistupny.
Hudźba přez doby a žanry
Biskopicy. Renoměrowana trójka smyčkarjow Viviendo String Trio koncertuje jutře, sobotu, na wulkej žurli Biskopičanskeje radnicy. We 18 hodź. zahraje pod hesłom „Saitenzauber“ wubrane twórby najwšelakorišich komponistow najwšelakorišich dobow. Tak wopřijima program twórby Antonija Vivaldija, Wolfganga Amadeusa Mozarta abo Astora Piazzole runje tak kaž hity skupiny Queen a kwěćel znatych melodijow z musicalow. Zastup při wječornej kasy płaći 29 eurow.
Nazymskej koncertaj
Ze serbskeje šule (14.11.25)
W lětušim štwórtym čisle Serbskeje šule zaběra so Mgr. Kryštof Peršin Ph. D. ze zapřijećom biedermeier, kotrež móhło tež kluč za interpretaciju (serbskeje) literatury być. Wozjewimy přełožk prěnjeho kapitla jeho disertacije, kotruž je młody čěski wědomostnik lětsa w juniju wuspěšnje na Masarykowej uniwersiće w Brnje zakitował. Zajimawe je, zo Peršin zapřijeće biedermeier w zwisku z literaturu wužiwa. Hač so biedermeier tež w serbskej literaturje w šulskej wučbje wobjednawać hodźi, zhoniće klětu w prěnim čisle Serbskeje šule. Dale poručamy nastawk dr. Lubiny Malinkoweje, kotraž bě njedawno za dźěłarničku Bjesadow Serbskeho ewangelskeho towarstwa přehlad wo serbskej rěči a kulturje w digitalnym rumje zestajiła. To su hornjoserbske poskitki. Mnozy z nas, ale tež serbsce wuknjacy, njeznaja wšitke móžnosće, hdźe a kak móža online serbsce wuknyć abo hdźe nachadźeja poskitki, kiž jim pomhaja, serbšćinu lóšo do wšědneho dnja zapřijeć. Pobrachuje centralna, derje hladana strona.
Křižowka (14.11.25)
Wodorunje: 1 wołanje wo pomoc na morju, 3 grat šulerja, 7 dźěl kopańcy, 8 wjes pola Běłeje Wody, 9 italska stolica, 11 tuta, 12 nowember, 16 ně čěsce, 17 jednotka pódy, 18 nic měšćanska, 20 najsewjerniši blečk Rujanow
Padorunje: 1 nócny wotpočink, 2 wumłóćene kłosy, 3 hladarjo stadła, 4 jedna z nabožinow, 5 francoska powěsćernja, 6 stejišćo na hermanku, 10 grjekski pismik, 13 leži pod hłowu, 14 swětnišćowa organizacija USA, 15 běži do Dunaja, 16 ně jendźelsce, 19 prěni a posledni pismik alfabeta
Rozhłós (14.11.25)
Njedźelu hornjoserbsce
11:00 Łužica tutón tydźeń, mjez druhim z powěsćemi a pokiwami
11:20 Naše kěrchowy so měnjeja
12:00 Nabožne wusyłanje
(Gabriš Nawka)
po tym zbožopřeća
delnjoserbsce
12:30 Aktualny magacin, mjez druhim z rozprawu wo hospodarskim forumje Domowiny a portrećikami wobdźělnikowi aktualneho Zorja-kursa
13:00 Tematiske wusyłanje: „Z Łužycu w rozgronje – Horst Adam“
13:40 Nabožne wusyłanje
(Hartmut Leipner)
po tym zbožopřeća
CFF, FUEN a jubilejej
35. Choćebuski filmowy festiwal je ćežišćo nowemberskeho telewizijneho magacina Łužyca. Nimo toho wobswětla lětuši kongres Federalistiskeje unije europskich narodnych mjeńšin FUEN a wěnuja wusahowacej delnjoserbskej spisowaćelcei Minje Witkojc wosebity přinošk składnostnje jeje 50. posmjertnin. We wobłuku rjadu „Łužyca w rozgronje“ portretuja žurnalista Horsta Adama, kiž je wot njedawna dźewjećdźesatnik.
Telewizija RBB wusyła Łužycu jutře, sobotu, w 13.10 hodź. Wospjetowanje na samsnym sćelaku slěduje zajutřišim, njedźelu, w 7.30 hodź. Telewizija MDR pokaza magacin sobotu, 22. nowembra, w 12 hodź. W mediatece ARD je aktualna Łužyca wot jutřišeho cyłe lěto kóždy čas přistupna.
