Přiměrjenje abo-pjenjeza
Lube abonentki, lubi abonenća,
stupace kóšty w ćišćernjach tež Serbske Nowiny njewobeńdu. Za čas koronapandemije njebě połoženje nastupajo ćišćersku papjeru jenož přewšo napjate, jeje płaćizna je so runje tohodla z městnami zwyšiła. Tymle wobstejnosćam so tež Ludowe nakładnistwo Domowina a redakcija Serbskich Nowin dlěje wuwinyć njemóžetej.
Tohodla změja Serbske Nowiny wot 1. januara 2023 nowu płaćiznu. Lětny abonement za ćišćane wudaće płaći potom 79,20 eurow, abonement za digitalne wudaće 48,00 eurow, kombinowany abonement – ćišćana a digitalna wersija – 94,80 eurow a jednotliwe wudaće 0,50 eurow. Štóž jenož kónctydźenske wudaće w abonemenće čita, płaći na lěto 33,60 eurow, młodźinski abonement ćišćany a digitalny 36 eurow.
Prosymy wo zrozumjenje.
Ludowe nakładnistwo Domowina
Křižowka (23.12.22)
Wodorunje: 3 alkoholiski napoj, 5 strašna wójnska bróń, 6 njefachowc, 7 něhdy braniborski knjejski splah, 10 zapopadnje žołmy, 13 wojowanja, 14 nic Serbowka, 15 město optiki w Durinskej
Padorunje: 1 šwedska skupina, 2 kónc modlitwy, 3 južny štom, 4 wojerske rozestajenje, 8 rěka w Francoskej, 9 žónske předmjeno, 11 demonstracija, 12 koparski klub w Madridźe
Foto: adobe.stock.com/Darius Dzinnik (23.12.22)
Hodowne poselstwo
Ćiše z njebja sněh na zemju pada,
zakryje ju z běłym poslešćom.
Přiroda za wotpočinkom žada,
čłowjekej je z dobrym přikładom.
Lochce z njebja sněh na zemju pada,
ludźo honja sprócni po hasach.
Kóždy za lubosću pyta, hlada,
swjećić hody chce w zbóžnych začućach.
Měrnje z njebja sněh na zemju pada,
wójnu nochce žana wutroba.
Wujednać so měła kóžda zwada,
bože dźěćo z njebjes přichadźa.
Jěwa-Marja Čornakec
Modowa designerka Corinna Seiler je jako mějićelka salona ...
Štó chce mjez knihami dźěłać?
Komuž su dobre knihi tak a tak z konikom, ma za klětu poskitk za rjanu zaběru. Wona skići zdobom dosć chwile za bjesadu z druhimi zajimcam za serbske knihi: Štóž móhł sej předstajić, wot januara 2023 nachwilnje w Smolerjec kniharni při poradźowanju kupcow a předani wupomhać, njech přizjewi so hač do 21.12.2022 pod 03591/577 262 abo z mejlku pod . Wobjim dźěłoweho časa wučinja znajmjeńša tři hodźiny wob dźeń.
Křižowka (16.12.22)
Wodorunje: 3 počas, 5 wulke sudobjo, 6 rěka w Francoskej, 7 dźěl Chiny, 10 opera Verdija, 13 chětro, 14 zadni dźěl nohi, 15 grjekski pismik
Padorunje: 1 kartyplacanje, 2 wojerske wjednistwo, 3 drohotny kow, 4 dźěl lěta, 8 nahladnosć, 9 dźěl kołojězby, 11 přiwuzny, 12 kazachski jězor
Kamjenski Lessingowy muzej je tuchwilu z hosćićelom wosebiteje ...
W swójskej naležnosći
We wčerawšim wudaću SN jewitej so (znajmjeńša) dwaj zmylkaj. We wobłuku adwentnych „Wotewrjenych sobotow“ Budyskeje Serbskeje kulturneje informacije njenapjeku tam jutře słódne hodowne chłóšćenki, ale zhotuja tykački (Puls- wärmer).
A nadpismo na štwórtej stronje dyrbi wězo „Włóžnota akty wobškodźa“ być. Štož smy wozjewili, njeběše přinošk k analfabetizmej, ale rěčne njezbožo, kotrež je so při změnje nadpisma stało.
Prosymy Was wo wodaće a přijimujemy rady pokiwy na zmylki, zo bychmy so dźeń a bóle wukmanjeli. Redakcija
