Na lońšu dźěławosć župy „Handrij Zejler“ Wojerecy zhladowane

Wojerecy (SN/at). Móst mjez Delnjej a Hornjej Łužicu być je Domowinskej župje­ „Handrij Zejler“ wažny nadawk. To pod­šmórnjetaj županka Gabriela Linakowa a župan Marcel Brauman zhladujo na skutkowanje swojeho cyłka w lě­će­ 2021. Tomule na lońšej župnej zhromadźiznje zwuraznjenemu narokej su konkretne aktiwity sćěhowali. „Smy so hižo ze župu Delnja Łužica na zhromadne posedźenje župneju předsydstwow dojednali, ručež budu lětsa zaso pre­­zencne zarjadowanja móžne“, županka a župan rozprawjataj. Kedźbyhódny projekt „Rěčna swětłownja we Wojerecach“ dale wjedu. Wšako bu we wubědźowanju Załož­by za serbski lud „Rěč zwjazuje“ wuznamjenjeny. Župa je sej předewzała z Domowinjankami a Domowinjanami „druhe serbske re­giony wopytać, tak tež katolsku Hornju Łužicu“.