To a tamne (27.02.19)
Wosrjedź awtodróhi A 3 porodźiła je žona swoje dźěćko njedaloko bayerskeho Regensburga. Mandźelskaj běštaj po puću do porodoweje chorownje, jako so hrona započachu. Muž při awtodróhowym twarnišću zasta a zawoła nuzoweho lěkarja. Jako tón dojědźe, bě so hólčk z mjenom Karl hižo narodźił. Policisća běchu jemu na swět pomhali. Dalše daty wo młodej swójbje woni njetrjebachu, z wida policije dźě njebě pad relewantny.
Golf hrajacy prezident Donald Trump budźe jedna z atrakcijow lětušeho karnewala róžowu póndźelu w Kölnje. To su wčera hižo raz připowědźili, předstajejo někotre wozy wulkeho póstniskeho ćaha. Tež zwjazkowa kanclerka Angela Merkel (CDU) a francoski prezident Emmanuel Macron budźetaj sej kritiku lubić dać dyrbjeć. Woprawdźe łoskoćiwe temowe wozy wšak hakle póndźelu wuhladamy.
Z ćahom a awtom na wjeršk
Hanoi (dpa/SN). Sewjerokorejski mócnar Kim Jong Un je na wjerškowe zetkanje z prezidentom USA Donaldom Trumpom do Vietnama dojěł. Wosebity ćah, z kotrymž bě Kim 4 500 kilometrow dołhu čaru zmištrował, docpě dźensa rano město Dong Dang na chinskej mjezy. Wottam je z awtom do vietnamskeje stolicy Hanoija dale jěł. Tam wotměje so jutře wojerškowe zetkanje z Trumpom, kotrehož wočakuja dźensa wječor.
Wonkowny minister wotstupił
Teheran (dpa/SN). Iranski wonkowny minister Mohamed Dshawad Sarif je swój wotstup připowědźił. „Zamołwjam so za wšitke njedostatki w času zastojnstwa“, piše Sarif w internetnym portalu Instagram. Prezidialny zarjad je wotstup ministra mjeztym wobkrućił. Zdobom pak zdźěla, zo prezident Hassan Ruhani wotstup njeakceptuje. Sarif bě mjezynarodne atomowe zrěčenje Irana z druhimi krajemi sobu wujednał. Po tym zo su USA zrěčenje wupowědźili, je nutřkopolitiski ćišć na njeho přiběrał.
Kardinal zasudźeny
Wulkowoheń je wčera popołdnju w Zhorjelcu porjedźernju awtow ...
Unija a SPD njepřipóznawatej woprawdźitosć
Drježdźany (SN). Sakski zapósłanc FDP w zwjazkowym sejmje Torsten Herbst je wobzamknjenje němskeho parlamenta nastupajo zapisanje wjelka do zwjazkoweho hońtwjerskeho zakonja kritizował. Zwjazkowy sejm bě z hłosami wulkeje koalicije minjeny tydźeń wotpokazał wjelka do němskeho hońtwjerskeho zakonja zapisać.
Torsten Herbst nětko w nowinskej zdźělence informuje: „Wotpokazowace nastajenje unije a SPD k zapisanju wjelka do zwjazkoweho hońtwjerskeho zakonja je strašna forma zapowědźenja woprawdźitosće. Bohužel su tež sakscy zapósłancy CDU a SPD w zwjazkowym sejmje z ‚ně‘ hłosowali. Bjezdwěla je zadomjenje wjelka wulki wuspěch za škit přirody a družin zwěrjatow w Němskej. Runje tak jasne pak tež je, zo trjeba spěšnje rozmnožaca so družina rubježnych zwěrjatow bjez přirodnych njepřećelow přichodnje rjadowanje přez hońtwjerske prawo. Hižo nětko je ličba wjelkow w dźělach Sakskeje a Braniborskeje sobu najwjetša po wšej Europje.“
Tola hišće raz wothłosować?
Pólska opozicija zhromadnje
Wjacore strony wólbny zwjazk přećiwo PiS załožili
Waršawa (dpa/SN). Wjacore pólske opoziciske strony su zawčerawšim, njedźelu, proeuropske wólbne zjednoćenstwo z mjenom Europska koalicija załožili. Kaž telewizijny sćelak TVN24 rozprawja, chce spočatnje šěsć stron k wólbam Europskeho parlamenta w meji runje tak nastupić kaž ke klětušim wólbam pólskeho sejma a prezidenta. Při tym chcedźa w prěnim rjedźe tuchwilnu dominancu knježaceje narodnokonserwatiwneje strony Prawo a sprawnosć (PiS) přewinyć.
Njewitany namjet
To a tamne (26.02.19)
Chětro přesłapjena zhladuje dotalna „miss Germany“, 24lětna Anahita Rehbein ze Stuttgarta, na swoje lěto jako najrjeńša rjanolinka Němskeje. „Nichtó će njespěchuje, jako model scyła nic“, rjekny wona nowinarjam. Město přilubjenych terminow za fotoshooting steješe wona zwjetša jako hostess na kwasnych wikach. Swojej njedźelu wuzwolenej naslědnicy Nadine Berneis wona radźi, so w „zwjeršnym swěće jako miss Germany wšemu njepodwolić“.
Wulku myš z gullyja wuswobodźili su w hessenskim Bernheimje. Přetołste zwěrjo bě so pod gullyjom zatłusnyło. Wohnjowi wobornicy jón wuzběhnychu a pušćichu myš na swobodu. Kritiku, zo su škódnikej pomhali, woni wotpokazuja: „Tež wulka myš sej respekt zasłuža.“
Kak so na wotpočink podać
Jawornik (B/SN) Pod hesłom „Witajće na wotpočink“ móža najnowši rentnarjo a ći, kotřiž to bórze budu, zhromadny kónc tydźenja wot pjatka, 29., hač do njedźele, 31. měrca, w Jaworničanskim Domje swj. Wjacława přežiwić. „Što to rěka, dźěłowy žiwjenski čas za sobu wostajić? Što na mnje čaka? Kak to wupada, zo će nětko wjace njetrjebaja? A kak je to z tym derjeměćom?“, pisa referentka Gabriele Kretschmer, nawodnica „zajimaweho kónca tydźenja“. Přizjewjenja pod www.bistum-goerlitz.de
Wuznamny misionar sewjera
Tež młódši pódla
Worklecy (SN). K wólbam Worklečanskeje gmejnskeje rady 26. meje nastupi tamniše Swobodne serbske wolerske zjednoćenstwo (SSWZ) z dwanaće kandidatami. Woni pochadźeja z nimale wšěch wjesnych dźělow. Poboku hižo nazhonitych wosobow kandiduja młódši wjesnjenjo. Za prěnje městna lisćiny su na nominowanskej zhromadźiznje minjeny štwórtk w Nowej Wjesce wuzwolili Antje Bobcynu z Worklec, Jana Klimana z Wudworja, Měrka Šmita z Worklec, Stefana Hicku a Francisku Hellnerowu z Noweje Wjeski kaž tež Marcela Hozu z Worklec. Nimo toho kandiduja René Zynda, Christina Handrikowa, Jadwiga Ošikowa, Aleksander Šmit, Chrystof Dubaw a Marko Njek.
