Za běhi so přizjewić

póndźela, 10. februara 2020 spisane wot:

Běharki a běharjo smědźa so hižo za prěnje běhi lěta 2020 přizjewić, kotrež słušeja na přikład tež lětsa zaso do Wopačanskeho cupa běharjow. 8. měrca budźe 26. tradicionalny Mužakowski parkowy běh, 15. měrca přewjedu 30. cityjowe běhi w Drježdźanach

05.04. Wostrowski nalětni běh

11.04. Biskopičanski běh na dołhich čarach

03.05. Kćenjowe běhi w Kamjencu

09.05. Běh na Sokolnik we Wjazońcy

10.05. Bike & run na Sokolnik

Přestawka drje rozsudna była

póndźela, 10. februara 2020 spisane wot:

Wobdźělenje Worklečanskich koparskich přećelow na kóždolětnje wotměwacym so halowym turněrje fanoweho kluba ,,Ći swěrni“, kotryž Biskopičanske koparske towarstwo 08 podpěruje, je so mjeztym k tradiciji wuwiło.

Awtor dźensa Toni Ryćer

Tradicionelnje so motorsportowa sezona kóžde lěto z Rallye Dakar započina. Hižo wjele lět njeje stolica Senegala, po kotrejž běchu rallye pomjenowali, cilowe město tohole sławneho wubědźowanja. Z wěstotnych přičin přepołožichu trasu w lěće 2009 do Južneje Ameriki. Lětsa je wona prěni raz w Sawdi-Arabskej. To pak motorsportowcow chětro překwapja, přetož politiska situacija w tym kraju je přewšo komplikowana. Ale kaž w nimale wšitkich wulkich motorsportowych serijach knježi tež tu móc pjenjez. Awtokratiski stat spyta sej ze zemskowolijowych pjenjez trochu popularity a připóznaća kupić. Tohodla přewjeduja wot lońšeho blisko hłowneho města Riad swětowe mišterstwa formule E, potajkim elektrisce ćěrjenych bolidow. Trend wšak hižo někotre lěta wobkedźbujemy.

Wuslědki (10.02.20)

póndźela, 10. februara 2020 spisane wot:

Kopańca, regionalna liga muži

Rathenow – Hertha BSC II 0:2 (0:1)

Nordhausen – Fürstenwalde 1:2 (1:1)

BFC Dynamo – Halberstadt 0:0 (0:0)

Lipsk – Biskopicy  0:0 (0:0)

Auerbach – Erfurtwupad

Energija Choćebuz – Lok Lipsk 2:2 (0:2)

Meuselwitz – Altglienicke 2:1 (1:1)

Berlinski AK – Lichtenberg 47 4:1 (2:0)

Viktoria Berlin – Babelsberg 1:0 (0:0)

1. FC Energija Choćebuz 20 49 : 29 43

2. VSG Altglienicke 21 53 : 26 42

3. Lok Lipsk 21 37 : 23 42

4. Hertha BSC II 21 52 : 32 36

5. Union Fürstenwalde 21 42 : 31 33

6. BFC Dynamo 21 27 : 24 33

7. FC Viktoria Berlin 21 20 : 14 31

8. Berlinski AK 21 42 : 34 28

9. ZFC Meuselwitz 20 32 : 33 27

10. SV Lichtenberg 47 20 25 : 27 26

11. VfB Auerbach 20 34 : 42 26

12. BSG Chemija Lipsk 21 18 : 22 22

13. Wacker Nordhausen 19 39 : 29 21

14. Čerwjeno-běli Erfurt 19 18 : 27 19

15. Optik Rathenow 21 18 : 41 18

16. Germania Halberstadt 21 22 : 38 17

17. SV Babelsberg 20 18 : 36 14

18. Biskopičanske KT 20 16 : 54 11

Sport (07.02.20)

pjatk, 07. februara 2020 spisane wot:

Šlagrowy koparski duel

Dlěje hač planowane (SN wo tym rozprawjachu) dyrbjachu přiwisnicy FC Energije Choćebuz na prěnju winowatostnu hru w nowym lěće čakać. Jutře přijědu koparjo Lokomotiwy Lipsk do Stadiona přećelstwa. Zakop duela druheho regionalneje ligi-sewjerowuchod přećiwo třećemu budźe w 16 hodź.

Přihotowanske koparske hry

07.02. 18.00  ST Mały Wjelkow

  – ST 1922 Radwor

08.02.  13.00  Módro-běli Kulow

  – SC Grodk

08.02.  13.00  Jednota Kamjenc

  – Zeleno-běli Lubnjow

09.02.  14.00  ST Ćisk

  – Sokoł Ralbicy/Hórki

09.02.  14.00  ST Marijina hwězda

  – ST 1922 Radwor

Kehelerjo so wubědźuja

Kehelerjo Sokoła Ralbicy/Hórki steja před zbywacymi winowatostnymi dypkowymi hrami sezony 2019/2020. Jutře wot 13 hodź. nastupja jako hrajne zjednoćenstwo z Rakečanami pola KSV 69 Łuty II; za dwě njedźeli potom zaso doma w Rakecach keheluja, a to wot 16 hodź. přećiwo Turbinje Budyšin II.

Mišterstwa w pjasćobulu

Wolejbulisća SGB dalše sakske finale docpěli

štwórtk, 06. februara 2020 spisane wot:

Po dobyću regionalneho finala šulerskeho wubědźowanja „Młodźina trenuje za olympiju“ we wolejbulu w starobnej klasy II w Rychbachu kwalifikowachu so nětko tež najmłódši sportowcy Serbskeho gymnazija Budyšin (SGB) w bulosportowej družinje w starobnej klasy IV za kónčne krajne wurisanje. Woni su so w Kamjencu suwerenje přesadźili a pojědu 8. apryla do Grimmy.

Hižo 14. raz skwalifikowa so jedne wolejbulowe mustwo Budyskeho Serbskeho gymnazija za sakske krajne finale wubědźowanja „Młodźina trenuje za olympiju“. Do Budyšina wróćichu so dotal z jednej slěbornej a ze šěsć bronzowymi medaljemi.

W měrcu pojědu wolejbulisća 10. a 11. lětnika SGB wokoło kapitana Jakuba Bobki do Dippoldiswaldy a měsac pozdźišo šulerjo 6. a 7. lětnika z kapitanom Amadeusom Zamoru-Gonzalezom do Grimmy, zo bychu z dalšimi pjeć najlěpšimi sakskimi mustwami swojeje staroby mocy měrili.

Serbski gymnazij Budyšin – Wyša šula Rychbach 2:0

Sokoljo čakaja na přizjewjenja

štwórtk, 06. februara 2020 spisane wot:

Budyšin (SN). Za 38. sokołski wolejbulowy turněr wo pokal Domowiny je so dotal jenož jedne mustwo přizjewiło. A to je nowačk ze sakskeje stolicy z mjenom Łobjobul. Ani jedne z etablěrowanych cyłkow njeje dotal startowy pjenjez, kotryž je zdobom přizjewjenje, na konto Serbskeho Sokoła přepokazało. Přizjewjenski čas za najwjetši serbski wolejbulowy po­dawk, kotryž budźe 16. meje w Radworju, wuběži 29. februara wo połnocy.

Intensiwny přihotowanski kónc tydźenja

srjeda, 05. februara 2020 spisane wot:

Naročny přihot na druhu poł­seriju běše trenar koparjow Sokoła Ralbicy/Hórki Chrystof Gloxyn za minjenej pjatk a njedźelu spřihotował. Za pjatk je sej z Biskopičanskej rezerwu treningowu hru wučinił, a njedźelu hrajachu Sokol­jo w Drježdźanach přećiwo wyšemu ligi­stej FC Grimma.

Biskopicy – Sokoł Ralbicy/Hórki 5:3

Zwučowanska hra přećiwo Biskopicam wotmě so w Arnsdorfje. Treningowy part­ner nawjeduje tučasnje tabulku wo­krjesneje ligi-stafle 1. Wotmysł hry běše, trening pod wubědźowanskimi wuměnjenjemi přewjesć a tak hrajne wotběhi nastudować. Najčasćišo pak su Ralbičenjo jenož chribjet młodych Biskopičanskich hrajerjow widźeli, kotřiž jim zas a zaso ćeknychu. Na kóncu sydaše poražka 3:5. Za Sokoł běštaj dwójce Michał Matka a jónu Pětr Domaška wuspěšnaj. Chrystof Gloxyn měješe partiju přiwšěm za dobru treningowu jednotku, hdźež so to­ a tamne zdźěla zešlachći. Ale tež wulke njedostatki so wukopachu.

Sokoł Ralbicy/Hórki – FC Grimma 1:7

Zestawa Sokoła: Schöne, Lešawa (62. Nuk), Šewc, Wałda, Matka, Bejma, Rawš, Gloxyn, M. Kurjat (79. Kobalc), G. Kurjat (87. Ćěsla), Domaška

W treningowym lěhwje byli

srjeda, 05. februara 2020 spisane wot:
Tež koparjo 1. mustwa SJ Chrósćicy su w treningowym lěhwje byli, a to w čěskim Bedřichovje. Trenar Pavel Runt chcy­še wosebje wutrajnosć a fitnes swojich chowancow polěpšeć. Tak steješe sněhakowanje po dołhich čarach na programje. Pjatk rano poda so mustwo z ćahom na puć do Harrachova. Wottam dyrbjachu mužojo 35kilometrowsku čaru na běžkach wróćo do Bedřichova zmištrować. Po małych přestawkach a wobjedźe docpěchu nawječor wučerpani cil. Nazajtra měješe 17 hrajerjow 23 kilo­me­trow před sobu. Dźeń zakónčichu ze zhromadnym bowlingom. Wjetšina bě přeswědčena, zo je nětko kónc toho napinanja, njedźelu rano we wosmich pak dźěše dale z pjeć kilometrami jogginga. Po snědani nastajichu so Chróšćanscy ko­parjo na dompuć do Łužicy. Feliks Cyž

Wuslědki (05.02.20)

srjeda, 05. februara 2020 spisane wot:

Kopańca, regionalna liga muži

Halberstadt – Berlinski AK 1:2 (0:2)

Lok Lipsk – FC Viktoria Berlin 0:0 (0:0)

Altglienicke – Rathenow 3:0 (2:0)

Fürstenwalde – BFC Dynamo 3:0 (2:0)

Hertha BSC II – Auerbach 1:3 (0:0)

Babelsberg – Chemija Lipsk 1:0 (1:0)

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND