Berlin wočakuje Zelenskeho
Berlin (dpa/SN). W zwjazkowej stolicy wočakowachu dźensa ukrainskeho prezidenta Wolodymyra Zelenskeho. Z wěstotnych přičin běchu hakle rano wopyt Zelenskeho wobkrućili. Zwjazkowy kancler Friedrich Merz (CDU) jeho z wojerskej ceremoniju witaše. W běhu popołdnja bě nowinarska konferenca. Zwjazkowy prezident Frank-Walter Steinmeier Zelenskeho tohorunja wočakowaše. Prezident Ukrainy bě naposledk w oktobru 2024 Berlin wopytał.
Klingbeil přilubja inwesticije
Berlin (dpa/SN). Zwjazkowy financny minister Lars Klingbeil (SPD) připowědźa hoberske inwesticije wjacorych miliardow eurow. „Započinamy hižo nětko, wurjadne zamóženje zasadźić a zwyšimy hišće lětsa inwesticije na 110 miliardow eurow“, rjekny předsyda SPD w Berlinje. „Chcemy widźomne polěpšenja za ludźi, kotřiž ćežko dźěłaja a kiž z prawom wočakuje, zo naš kraj lěpje funguje“, wón doda. Po jeho słowach inwestuja lětsa nimale 50 procentow wjace pjenjez hač loni.
Žane wizumy za studentow
W Gazaskim pasmje woblěhowachu wčera tysacy hłódnych Palestinjanow ...
Prěni koaliciski wuběrk so zešoł
Clemens: Naprawy trěbne
Němska tež poboku ludźi w Gazy
Berlin (dpa/SN). Němski wonkowny minister Johann Wadephul (CDU) je israelske knježerstwo w diskusiji wo wójnje w Gazaskim pasmje warnował. Wone njeměło Němskej antisemitizm wumjetować a tak ćišć wukonjeć. Bój zwjazkoweho knježerstwa přećiwo antisemitizmej a podpěru Israela „njesmědźa instrumentalizować za to, štož so tuchwilu w Gazaskim pasmje stawa“, rjekny Wadephul w Berlinje. Israel ma prawo, přećiwo Hamas postupować, kotraž ma přeco hišće zastajencow w swojich rukach. Přiwšěm pak dyrbja poměrnosć wobchować. „Mjezu pak su překročili hladajo na čas, krutosć a konsekwencu, z kotrejž israelska armeja tam postupuje“, wón doda.
Dospołnje njeakceptabelne je, zo ludźi w Gazaskim pasmje ze zakładnymi žiwidłami njezastaraja, Wadephul rjekny. Němska steji kruće poboku Israela a je za njón tež zamołwita. „Stejimy pak tež poboku ludźi w Gazaskim pasmje“, wonkowny minister zjima. Němska pruwuje, hač Israel w Gazy humanitarne prawo ludow rani.
Wuwabja respekt
Wokrjes přewza zamołwitosć
Najebać to, zo ma Zhorjelski wokrjes sam financielne ćeže, chce jako towaršnik tři chorownje w Běłej Wodźe, Žitawje a Habrachćicach dołhodobnje zachować. Tole podšmórny krajny rada dr. Stephan Meyer (CDU) minjeny pjatk w Zhorjelcu.
Zhorjelc (AK/SN). „Chcemy likwiditu stejnišćow chorownjow we wokrjesu zaručić. Lětsa steji za to po wobzamknjenju wokrjesneho sejmika dźesać milionow eurow k dispoziciji. W přichodnymaj lětomaj z financnym podźělom 20 milionow eurow ličimy. Tež za to trjebamy škitne naprawy“, wón wuswětli. Drje ma wokrjes sam financne ćeže, tola zachowanje stejnišćow chorownjow w Běłej Wodźe, Žitawje a Habrachćicach je za dr. Stephana Meyera nuzny winowatostny nadawk a zawěsćenje kwality medicinskeho zastaranja ludnosće. „Tole dyrbimy zawodnje a hospodarsce zamołwić“, krajny rada potwjerdźi.
Transformator do Choćebuza dojěł
To a tamne (28.05.25)
K jědźi poskićeja mjedwjedźe, kotrež přichodny čas we wobłuku wosebiteho programa w Słowakskej zatřěla. Tole zdźěla wobswětowe ministerstwo w Bratislavje. Wotstronjenje zatřělenych zwěrjećow we wotpowědnych zawodach je brojenje, ministerstwo argumentuje. Wšitke zatřělene zwěrjata, kotrež wuměnjenja spjelnja, móža k jědźi poskićić, „dokelž je mjaso mjedwjedźow słódne“.
Znowa je so dalši pospyt z nowej raketu miliardara Elona Muska nimokulił: Najwjetši hdy twarjeny raketowy system předewzaća SpaceX njeje swój zaměr docpěł. Raketa je drje porno předchadnikam swětnišćo docpěła. Při nawróće do zemskeje atmosfery pak je wona rozpadnyła. „Jako njeby lět hižo rozbudźowacy dosć był, je Starship tež hišće razantnu, njeplanowanu demontažu dožiwił“, předewzaće SpaceX zdźěla.
Knježerstwo: Strukturu za Serbow zesylnili
Sakske knježerstwo ma społnomócnjenu za serbske naležnosće – postupowanje knježacych pak je wjele prašenjow zbudźiło. Jedyn tydźeń je trało, doniž njejsu z ministerstwa za wědomosć, kulturu a turizm (SMWK) wotmołwy do redakcije našeho wječornika dóšli.
Drježdźany (SN/mb). Što čini nowa społnomócnjena Franciska Brechowa, štož dr. Madlena Malinkowa činiła njeje? Wšako je so dotalna społnomócnjena za serbske naležnosće w SMWK wšěm za Serbow relewantnym temam wěnowała. Wotmołwa Jörga Förstera, rěčnika ministerki za kulturu a turizm Barbary Klepsch, rěka, zo je Malinkowa serbske naležnosće mjez ministerstwami konkretnych składnosćow dla koordinowała, Brechowa budźe to stajnje z pomocu interministerielneje dźěłoweje skupiny činić.
