Płót lětanišća wobškodźeny
Nowela zakonja tež na dobro DZA
Zwjazkowa rada a Zwjazkowy sejm stej minjeny tydźeń změnu zakonja wo swobodźe wědomosće wobzamknyłoj. Z njej polěpša so wuměnjenja za zjawnje spěchowane slědźenišća, mjez druhim tež za Astrocentrum Łužica (DZA).
Drježdźany (SN). Sakski minister za wědomosć Sebastian Gemkow (CDU) rozsud wita. Wón wuzběhnje w pjatkownišej zdźělence ministerstwa, zo je wubědźowanje wo najlěpše ideje a wo najlěpšich fachowcow za wědomosć njeparujomne. Němska a Sakska dyrbitej tuž atraktiwne wuměnjenja za wědomostnikow ze wšeho swěta wutworić. Tak móža sej talentowanych fachowcow zdobyć a dołhodobnje dźeržeć.
Wažna změna je, zo stej wulkej sakskej slědźenišći DZA a Centrum za transformaciju chemije (CTC) w Deliču (Delitzsch) nětko w zakonju wo swobodźe wědomosće zapřijatej. Přez to matej wjace swobody nastupajo wužiwanja swojich spěchowanskich srědkow. Na přikład móža njewužiwane pjenjezy do klětušeho přenjesć. Nimo toho stej fleksibelnišej při planowanju personala a njejstej hižo na krute plany městnow wjazani.
Knižne drohoćinki w Zhorjelcu
To a tamne (19.10.26)
Podzemske składowanje CO2
Podstupim (dpa/SN). Braniborski krajny sejm je wčera próstwje koaliciskeju frakcijow SPD a CDU přihłosował, hač do lěta 2027 naćisk zakonja za podzemske składowanje CO2 w Braniborskej předpołožić. We wobłuku toho chce kraj fachowcow społnomócnić, kotřiž za wotpowědnymi kónčinami pytaja, hdźež je trajne składowanje móžne a kiž wotpowěduja najwyšim wěstotnym a wobswětoškitnym kriterijam.
Reiche ma widejo wotstronić
Karlsruhe/Berlin (dpa/SN). Zwjazkowe wustawowe sudnistwo je chwatnej próstwje Berlinskeje Lěwicy wotpowědowało a wusudźiło, zo ma zwjazkowa hospodarska ministerka Katherina Reiche (CDU) swój po Berlinskich wólbach na instagramowym kanalu ministerstwa wozjewjene widejo wotstronić. W nim warnuje Reiche mjez druhim před hospodarskimi strachami, kotrež cyłej Němskej hladajo na plany wuswojenja a antisemitizm strony hroža.
Wyši dawk na tobak schwalili
Swětowy dźeń zežiwjenja
Biblioteki pod ćišćom
VW wospjet awta wróćo woła
Dosć medikamentow za zymu
Osnabrück (dpa/SN). Zyma so z wulkimi kročelemi bliži, a z tym tež sezona nazymnjenjow a gripalnych infektow ze smorkawu a ze zymicu. Hladajo na to je Zwjazkowe zjednoćenstwo němskich apotekarskich zwjazkow (ABDA) wčera dobru powěsć wozjewiło: Zastaranje z wažnymi medikamentami za nazymu a zymu je w apotekach tuchwilu zawěsćene. „Wosebje hladajo na sezonalne lěki kaž srědki přećiwo gripje, brěčki pře zymicu abo antibiotikumy móžemy my apotekarjo zastaranje ludnosće zaručić“, prezident ABDA Thomas Preis w interviewje z dźenikom Neue Osnabrücker Zeitung wuzběhny. „W padźe, zo specifiski antibiotikum w domje nimamy, je mjeztym dosć alternatiwow, kotrež k dispoziciji steja“, wón doda.
Zdobom naspomni prezident ABDA, zo wobsteja za něhdźe 500 medikamentow dale ćeže dodawanja, štož „apoteki jara wjele časa płaći“. Tohodla je ćim wažnišo, zo zakonjedawar apotekarjam w zwisku z chorobnymi kasami njetrjebawšu běrokratiju wolóži, Preis zwurazni.
„Tčimy w ćežkich jednanjach“
W Brüsselu wadźa so wo přichodnym etaće Europskeje unije
Brüssel (dpa/SN). Za čo chce Europska unija přichodne lěta kelko pjenjez wudać? Wo tym zwjazkowy kancler Friedrich Merz (CDU) a tamni nawodźa knježerstwow čłonskich statow wot wčerawšeho na swojim wjerškowym zeńdźenju w Brüsselu diskutuja. Při planowanju etata EU za dobu 2028 do 2034 dźe wo ćežišća financowanja kaž tež wo to, kelko pjenjez ma w přichodźe z Berlina a tamnych stolicow do Brüssela dochadźeć. „Tčimy w ćežkich jednanjach“, praji Merz po wčerawšich wuradźowanjach nowinarjam.
